Skip to main content
144

Dette jobopslag er udløbet

Mittarfik Kangerlussuaq Handymand-imik pissarsiorpoq

Mittarfeqarfiit Mittarfik Kangerlussuarmmi ataatsimik assigiinngitsorpassuarnik suliaqartussamik piaarnerpaamik imaluunniit isumaqatigiissuteqarneq tunngavigalugu sulilersussamik sulisussarsiorpoq.

 

Suliassat:

Pissanganartunik assigiinngissitaartunillu suliassaqassaatit ullullu tamarmik assigiinngittassapput. Ilaatigut makkunannga suliaqassaatit:

  • Hotelimi mittarfimmilu suliassanik takkussuuttunik suliaqarneq
  • Mittarfeqarfiit utaqqiisaagallartumik iniutaannik isumaginninneq
  • Illuutinik aserfallatsaaliuineq, annikitsunik iluarsaassineq
  • Pisiassanik ilioraaneq kiisalu allanik ilioraaneq

 

Piginnaasat:

  • Biilersinnaanermut allagartaqarneq
  • Kalaallisut qallunaatullu oqalussinnaaneq
  • Aalajaatsuuneq, eqaatsumik periuseqarneq aamma ullormi suliassarpassuit assigiinngitsut suliarinissaannut piumassuseqarneq

 

Atorfinitsitaanermi atugassarititaasut:

Atorfinitsitaaneq SIK-mut qaammammusialinnut isumaqatigiissut ukunannga ilaatigut imaqartoq naapertorlugu pissaaq:

  • Malittarisassat atuuttut naapertorlugit ineqartinneqarneq
  • Malittarisassat atuuttut naapertorlugit atorfininnermut atatillugu angalanermik kiisalu pisattat nassiunneraT maleruagassat atuuttut naapertorlugit
  • Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq
  • Isumaqatigiissuteqarneq naapertorlugu atorfinitsitaaneq pissaaq

 

Sillimaniarnikkut akuerineqarneq:

Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorsimaffiannit uppernarsaammik nassiussissaatit. Taanna najukkanni politiini imaluunniit uani pissarsiarisinnaavat: www.sullissivik.gl.

 

Paasisaqarnerugit:

Atorfik pillugu paasisaqarnerorusukkuit imaluunniit apeqqutissaqaruit, Hotelimi inspektøri Jeppe Ejvind Nielsen-mut uunga saaffiginninnissannut tikilluaqqusaavutit tlf  +299 38 29 91 imaluunniit mailikkut jeen@mit.gl  Apeqqutit naliginnaanerusut uunga saaffiginnissutigineqarsinnaapput: Sulisoqarnermut Immikkoortortaqarfik: hr@mit.gl.

 

Qinnuteqaat:

Atorfimmut piukkunneqassaguit qinnuteqaatit, inuuninni sulerisimaninnik allattorsimafik ilinniarsimanermullu uppernarsaatit internetikkut attaveqaat ataaniittoq aqqutigalugu kingusinnerpaamik ulloq 1.juli 2019 nassiutereersimassavatit.

 

Mittarfeqarfiit Nunatsinni suluusalinnut mittarfinnik 13-inik qulimiguulinnillu mittarfinnik 43-nik ingerlataqarpoq. Ukiumut  tingisitsinerit mitsitsinerillu 60.000-it sinnerlugit isumagisarpagut timmisartumullu ilaasut 350.000-it sinnerlugit kiffartuuttarlutigit. 450-t missaannik sulisoqarluta Nunatsinni suliffeqarfiit annersaannut ilaavugut kiisalu sulisutta niuerutittalu ineriartortittuarnissaat sulissutigiuarlutigit. Taamaasilluta kiffartuussinerit ilinniartitaanerillu neqeroorutigisarpagut, taamaasiornitsigullu inuiaqatigiit pitsaasumik ineriartortinnissaannut tunniussaqaqataasarpugut.

 

 

Qinnuteqarnissamut killissarititaasoq: juulip 1.-at, 2019

Atorfik una qinnuteqarfigiuk