Skip to main content
99

Mittarfik Kangerlussuaq airport briefing officerissarsiorpoq

Nunat tamalaat savituumik akuuffigalugit pissanganartumik suliffissarsiorpit? Taava ilinnut Mittarfik Kangerlussuup suliffissaqartippaatit. Mittarfik Kangerlussuarmut piaarnerpaamik atorfiniffigisassamik, imaluunniit isumaqatigiissut malillugu Mittarfik Kangerlussuaq airport briefing officerissarsiorpoq.

 

Suliassat

Suliassat pissanganarlutillu tamatigoortut isumagisassavatit, ullullu tulleriit assigiinnavianngillat. Suliassat ilaatigut makkuussapput:

  • Airport 20/20-mi timmisartut ingerlaarnerinik nalunaarsuiffiliornerit
  • Timmisartortitsinermut najoqqutassat malittarinnitsinneri
  • Ingerlatsinissanut nalunaarutit nassiussortarneri, aamma NOTAM silassarlu pillugit timmisartortartunik ilisimatitsineq, timmisartornissamut pilersaarutinik eqqortumik immersuinermik timmisartortartunik ilitsersuineq
  • Malittarisassiat atuuttut najoqqutaralugit akitsuutinik akiligassanillu akileeqqusisarneq Mittarfimmi nioqquteqarfigisat pitsaanerpaamik kiffartuunneqarnissaannik qularnaarineq
  • Ukiumi pisoqarfiunerpaami (maaji-sitsi) attartukkanik (charterinik) isumaginninneq

 

Piginnaasassat

  • Ajornanngippat timmisartortitsinermik ilisimasaqarnissaq iluaqutaassaaq, piumasaqaataanngilarli
  • Tatiginarlunilu tutsuiginartoq, suliassanut sulinerullu nalaanut assiigiinngitsunut iluarinnilluni pissusilik
  • Oqaatsitigut piumasaqaatit: Tuluit, danskit kalaallillu oqaasii (Allattariarsornikkut oqalunnikkullu tuluit oqaasiisigut piginnaasaqarluarneq)

 

Mittarfeqarfiit neqeroorutigaat

Suliffik pissanganartoq allanngoriartortoq, sulisorisatsinnut pitsaasunik atugassaqartitsinermik pingaartitsisoq, aammalu sulisut akornanni suleqatigiilluarnermik naleqarluartitsisoq.

 

Isumannaallisaanikkut akuerisaaneq

Atorfinitsitaanissat naatsorsuutigissagukku isumannaallisaanikkut akuerineqarsinnaanissat pisariaqarpoq. Taamaattumik pinerluttulerinermik nalunaarsuiffimmit naqitaq ilanngullugu nassiuguk. Taanna najukkanni politiinit pissarsiarineqarsinnaavoq.

 

Atorfinitsitaanissamut atugassarisat

Atorfinitsitaaneq isumaqatigiissut atuuttoq najoqqutaralugu pissaaq. Isumaqatigiissuteqarneq malillugu atorfinitsitaasoqassaaq.

  • Malittarisassiat atuuttut malillugit atorfininnermi soraarnermilu akilikkamik angalanerit
  • Malittarisassiat atuuttut malillugit pisattanik nuussinerit
  • Malittarisassiat atuuttut malillugit qaammatit 12-it atorfeqareernikkut ukiumoortumik sulinngiffeqarfimmi akiliunneqarluni angalasinnaaneq
  • Malittarisassiat atuuttut malillugit inissaqarnissaq
  • Sapaatip akunneranut nal. akunnerini 40-ni suliffiup nalaa nikerartoq, ilanngullugit sapaatip akunnerisa naaneri nalliuttorsuillu
  • Atorfiniffissaq ulloq 1. september 2019, imaluunniit isumaqatigiissut malillugu

 

Annermik paasisaqarit

Annermik paasisaqarnissaq kissaatigigukku imaluunniit atorfimmut apeqqutissaqaruit Mittarfiup pisortaanut Ivaaq Christensenimut saaffiginninnissannut tikilluaqqusaavutit, +299 38 29 16-ikkut, imaluunniit mailikkut: ipec@mit.gl. Apeqqutit nalinginnaanerusut Sulisoqarnermut immikkoortoqarfimmut saaffiginnissutaasinnaapput, mailikkut: hr@mit.gl

 

Mittarfeqarfiit pillugit nittartakkatsinni annertunermik ilisimasassarsiorsinnaavutit: www.mit.gl

 

Soqutigaajuk?

Taava qinnuteqaatit, cv, kiisalu ilinniagaqarnermut uppernarsaatit qarasaasiakkut ataani linki aqqutigalugu kingusinnerpaamik ulloq 31. august 2019 tigunissaannut qilanaarpugut.

 

Mittarfeqarfiit Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

Qinnuteqarnissamut killissarititaasoq: aggustip 31.-at, 2019

Atorfik una qinnuteqarfigiuk