Skip to main content
116

Dette jobopslag er udløbet

Mittarfik inuilaarsuarmiittoq Nerlerit Inaat terminalarbejderimik sulisussarsiorpoq

Nerlerit inaanni sulilersussamik terminalarbejderitut ilinniarsimasumik sulisussarsiorpugut. Kiffaanngissuseqarlutit sulinissat nuannarisaraajuk? Nammineerlutillu suliassarsiorlutit sulisinnaassuseqarpit? Taamaasimassappat mittarfimmi inuilaarsuarmiittumi Nerlerit Inaanni terminalarbejderitut atorfik ilinnut soqutiginarsinnaassaaq.

Suliassat assigiinngiijaartut suliarissallugit nuannaraajuk? Suleqatillu ikioqatigiilluni sulineq aamma orniginartippiuk? Taava suliffik una ilinnut tulluuttuuvoq.

 

Atorfeqarnermi sapaatit akunneri 12-it sulereersimagaanni sapaatit akunnerini sisamani sulinngiffeqartoqartarpoq.

 

Suliassat
Pissanganartunik allanngorartunillu suliaqartassaatit. Suliassatit ilaatigut tassaassapput:

  • Timmisartunik sullissineq
  • Mittarfimmi sullissineq  
  • Qatserisartutut annaassiniartartutullu suliassat
  • Securitymi suliassat
  • Aputaajaaneq
  • Aserfallatsaaliuineq
  • Napparsimasoqartillugu immikkoortoqarfinni allani ikiuuttarneq
  • Angallanneq, iluarsaassisarfik, innaallagissiorfik, eqqiaaneq
  • Suliassat nalinginnaasut allat soorlu anartarfilerineq

 

Piginnaasassat
Naatsorsuutigaarput terminalarbejderitut ilinniagaqassasutit, ajornaanngippallu tamatuma saniatigut assassornermut tunngasunik allamik  ilinniagaqassasutit.

Atorfimmut tunngatillugu tamatuma saniatigut makku piumasaqaataapput;

  • Piffissaq eqqorlugu ullullu tamaasa tamatigut suliartortassaatit, imigassanik aalakoornartulinnik ajornartorsiuteqassanngilatit sullissilluarnissamillu pingaartitsisuullutit   
  • Peqqissuussaatit kigutigillutillu nakorsiarfissaq kigutilerisuleriarfissarlu ungasimmata
  • Kalaallisut, danskisut tuluttullu oqalussinnaassaatit
  • Tunngaviusumik IT-imik atuisinnaassaatit
  • Qamutinik angisuunik ajornaanngippallu truck-inik ingerlatsisinnaanissamut allagartaqassaatit

 

Mittarfeqarfiit neqeroorutigaa
Suliffik pissanganartoq ineriartortuartorlu sulisuminik atugarissaartitsinissamik suleqatigilluarnissamillu  pingaartitsisoq. Sulisut 10-12-it tamarmik immikkut suleqatigillutilluunniit suliaqartartut suleqatigissavatit.

 

Isumannaallisaaneq eqqarsaatigalugu akuerineqarnissaq
Atorfinissaguit isumannaallisaaneq eqqarsaatigalugu akuerineqarnissat piumasaqaataavoq. Taamaattumik pinerlussimannginnermut uppernarsaammik qinnuteqaammut ilanngussillutit nassiussissaatit. Uppernarsaat najukkanni politeeqarfimmi imaluunniit www.politi.dk kiisalu www.sullissivik.gl aqqutigalugit pissarsiarisinnaavat.

 

Atorfeqarnermi atugassarititat
Immikkut isumaqatigiissuteqarluni atorfinitsitsisoqassaaq.

  • Maleruagassat naapertorlugit pequsersukkamik ineerassaqartitsisoqarpoq akeqanngitsumillu nerisaqartitsisoqarluni
  • Atorfininnermi maleruagassat naapertorlugit akiliunneqarluni angalasoqarsinnaavoq, tamatumalu saniatigut pequtit timmisartukkut nassiussat 75. kg. imaluunniit umiarsuakkut nassiussat 200 kg. nassiussat akilerneqassapput   
  • Sapaatip akunneranut nal. akunneri 40-t sulisassaatit
  • Ulloq atorfiniffissaq isumaqatigiissutigalugu aalajangerneqassaaq

Paasisaqarnerorusukkuit
Mittarfik pillugu tassaniluunniit atugassarititat pillugit annertunerusumik paasisaqarusukkuit Søren Pedersen, spe@mit.gl imaluunniit oqarasuaatikkut +299 564480 attavigisinnaavatit.

 

Soqutiginnippit?
Atorfinissinnaassaguit  qinnuteqaatit, cv kiisalu ilinniarsimanermut uppernarsaatit linki ataani  allassimasoq aqqutigalugu qarasaasiakkut kingusinnerpaamik 28. juni 2021 nassiutissavatit.

 

Emalikkut qinnuteqaatit tiguneqarneq ajorput

 

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 43-t ingerlatarai. Timmisartunik ukiumut 60.000-init amerlanerusunik  tingisitsisarlutalu mitsitsisarpugut, ukiumillu ilaasut 800.000-init amerlanerusut sullittarlutigik.  450 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.

 

Qinnuteqarnissamut killissarititaasoq: aggustip 6.-at, 2021

Atorfik una qinnuteqarfigiuk