Skip to main content
100

Dette jobopslag er udløbet

Mittarfeqarfinnut Safety Manager

Maannakkut Safety Managererput allanik tamaviaarfissanik ujartuinissaq aalajangiummagu piaarnerpaamik imaluunniit isumaqatigiissuteqarnikkut atorfinittussamik nutaamik Safety Managerissarsiorpugut.

 

Safety Managerip Mittarfeqarfiit isumannaallisaanermik aqutsisarfik (SMS) akisussaaffigaa, qullersaraalu Mittarfeqarfiup pisortaa.

 

Suliariligassavit ilaat tassaassapput

  • Timmisartukkut angallannermi isumannaallisaanermik aaqqissuussisarfimmut akisussaaffeqarneq, ilanngullugit tamatuminnga Mittarfeqarfinni atuutsitsinerup ingerlanneqartuarnissaanik nakkutilliisarnermillu qularnaarisarnissaq.
  • Suliffeqarfik aarleqqutaasunik nalilersuisarnermik aaqqissuussaqarfeqarlunilu taama ittumik malittarisaqarnissaanik qularnaarisarnissaq.
  • Suliffeqarfimmi tamarmi timmisartukkut angalannermi isumannaallisaanermik ingerlatsisarnerup nukittuup siammartinnissaata qularnaarnissaa.
  • Niuerfigisanut aamma suliassaqarfimmi pisortaasunut pitsaasumik suliamullu tunngasuusumik attaveqarnissap qularnaarnissaa.
  • Safety surveysinik ingerlatsisarnissaq.
  • Nalunaaruteqartarnermut ammasumik, naapertuuttumik pillaanianngitsumillu atugassarisanik siuarsaanissaq.
  • Makkuninnga nalunaarsuisarnerup toqqortaqartarnerullu qularnaarnissaat:
    • Pisartut, ajornanngippallu taakkuninnga malittarisaqarneq
    • Suliaqarfigisassat, auditsinit imaluunniit pisortat nakkutilliinerinit aallaaveqartut, kiisalu tamakkuninnga malittarinninnerit.
    • Aarleqqutaasunik nalilersuisarnerit, aamma aarleqqutit sumiissusilikkat ataasiakkaat tamakku.
  • Siunertamut aalajangersimasumut suliassani toqqaannartumik/toqqaannartuunngitsumik ingerlatsivimmik tapersersuillunilu siunnersuisarneq.
  • Siunertamut aalajangersimasumut suliassani pisortamut tapersersuillunilu siunnersuisarneq.
  • Mittarfeqarfimmio suliassaqarfimmi ataatsimoorussatut atugassanut atuakkat najoqqutassat, immersugassat, allagaatit il.il. ilusilersornerisa, kiisalu tamakkuninnga paasinnittarnerit assigiissaartinnissaannik qularnaarinissaq.
  • Ingerlatsiffittut aaqqissuussaqarfik akimorlugu ilisimasanik paarlaateqatigiittarnermut peqataaqataanissaq.
  • Pisortanit niuerfigisanillu misissuiffiusunit SMS-imik suliassaqarfimmi Mittarfeqarfiit sinniisuuffiginera.

 

Naatsorsuugaarput

  • mittarfeqarfimmi suliaqarfiusumit assingusumilluunniit misilittagaqarnissaq,
  • namminersuutigalugu sulisinnaaneq, sulilluarniuteqarluni, aamma ”suliassat erniinnaartumik isumaginiarnissaannik” pissuseqarneq,
  • takussaasuuneq, aamma oqalunnikkut allannikkullu attaveqaqatigiilluallaqqissuuneq,
  • suleqatigivit akornanni ammasumik, iluarinartumik kinguneqartussamillu pimoorussisoqarnermik pilersitsisinnaaneq,
  • suliniutinik siulersuisarnermik misilittagaqarneq,
  • kalaallit kulturiannik inuiaqatigiivinillu ilisimasaqarneq, aamma kalaallit, tuluit danskillu oqaasiisa iluanni piginnaaneqarneq.

 

Neqeroorutigaarput

Suliffeqarfimmi allanngoriartortuarlunilu ineriartuaartuartumi atorfik pissanganarlunilu tamaviaarnartoq.

Suliffigisaq Nuummi qullersaqarfimmiippoq, taamaattorli Mittarfeqarfiit sumiiffigisaasa sinnerinut angalasarnissat naatsorsuutigisariaqassavat.

Aningaasarsiaqarneq atorfinitsitaanermilu atugassarisat, ilanngullugu atorfininnermi soraarnermilu akiligaasumik angalanermut pisattanillu nuussaqarnermut pisinnaatitaaffik atorfininnerup nalaani Namminersorlutik Oqartussat aamma attuumassutilittut sulisartut kattuffiata akornanni isumaqatigiissut najoqqutaralugu pissapput. Taamatut ittumik peqartoqanngippat atorfinitsitsineq inunnut ataasiakkaanut tunngatitatut atugassarisatigut pissaaq.

Malittarisassiat atuuttut malillugit sulisunut inissiaq.

Suliffiup nalaa tassaassaaq sapaatip akunneranut nal. akunneri 40.

 

Annermik paasisaqarusuppit?

Atorfik pillugu apeqqutissaqaruit uunga sianernissarnut tikilluaqqusaavutit: Ingerlatsinermut pisortaq Niels Grosen, oqarasuaat 38 26 01 imaluunniit maili: mailto:ngr@mit.glngr@mit.gl imaluunniit Pitsaassusissamut pisortaq Jesper Lynge-Krog, oqarasuaat +299 38 26 24 imaluunniit maili: jlk@mit.gl. Apeqqutit nalinginnaanerusut HR-imik immikkoortoqarfimmut mailerutaasinnaapput, uunga: mailto:hr@mit.gl.

 

Qinnuteqaat:
Atorfinitsitaanissaq naatsorsuutigissagukku qinnuteqaatit, cv-t, kiisalu ilinniagaqarnermut uppernarsaatit internettikkut ataani linki aqqutigalugu kingusinnerpaamik ulloq 16. august 2019-imi nassiutissavatit.

 

Mittarfeqarfiit Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

Qinnuteqarnissamut killissarititaasoq: aggustip 16.-at, 2019

Atorfik una qinnuteqarfigiuk