Skip to main content
106

Mittarfeqarfinni pisiortornermik isumaginnittuulissavit?

Nuummi qullersaqarfimmi pisiortornermik immikkoortoqarfimmut Mittarfeqarfiit pisiortortartoq sullissinermut aaqqissuussinermullu pikkorissoq ujarpaa.

 

Timmisartornermik suliffeqarfiusoq pissanganartuutippiuk? Isumaqatigiissutit sapinngisamik pitsaanerpaat qulakkeernissaat uummammioraajuk? Ulluinnarni sulineq – suleqatinik aamma pilersuisunik – siamasissumik attaveqarfittaqartoq nuannaraajuk? Immaqata taava Mittarfeqarfiit pisiortortartuattut suliffik ilinnut tulluassaaq.

 

Ukiut tamaasa Mittarfeqarfiit aningaasanik annertuunik naleqartunik pisiortortarpoq. Pisiarisassanik sunilluunniit pisiortornermut immikkoortoqarfik isumaginnittarpoq, neqeroorutissarsiornermit, akigititanik assersuussinermit, pitsaassutsinik nalilersuinermut, kiisalu pisiortornissamut isumaqatigiissutinik atsiuisarlunilu isumaqatigiissutaareersut attattarlugit.

 

Mittarfeqarfiit immikkoortoqarfiit tamaasa sinnerlugit akigititat pitsaassutsillu pitsaanerpaat angusarinissaanik siunertaqarluni immikkoortoqarfiup pisiortornermik atuuffik pikkorissuseqarfiusoq isumagaa.

 

Atorfik

Ulluinnarni atugassatit assut tamatigoorfiussapput. Ullut arlaanni sumiissusersiutit pisiariniarnerini mittarfiit ikiussavatit, ulluli alla qullersaqarfimmi nerrivinnik allaffinnik, aammalu mittarfinni sulisunut atisanik sullisinik pisiortornissaq isumagissavat.

Pisiortornerit isumaginerisa sanitigut allaffissorfimmi suliassat arlallit akisussaaffigissavatit, ilaatigut makku:

 

  • assartuinerup logistikkillu (ingerlasussanik piareersaallunilu aqutsinerup) isumagineri
  • aningaasaqarnermut/pisiortorfimmut aaqqissuussaqarfimmik nutarsaasarneq
  • atugarisanut naatsorsuutinik missiliuutinillu suliaqarnerit
  • Akiligassanik akuersisarneq

 

Kinaavit

Namminersuutigalugu aaqqissorluakkamik suleriaaseqarnissat, sullissilluarnermillu pingaartitsinissat  naatsorsuutigaarput. Suliarisannut aaqqissuussamik isumaginnittarputit, niuernermik sianiginnittuuvutit, aammalu inernerisassat pitsaanerpaat anguniarlugit sammisaqarlutit sulisarputit.

Ulluinnarni pisoqarfiulluartoq ajorinngeqaat, aammalu suleqatinnik suleqatigiilluarnissaq attanniarpat.

Tamakku saniatigut tuluit, qallunaat kalaallillu oqaasiisigut piginnaaneqarluarputit.

 

Immikkoortoqarfik pillugu

Nuummi qullersaqarfimmi inissisimaffeqarluni Mittarfeqarfiit ataanni mittarfiit helipadsillu tamaasa sinnerlugit pisiortornermik immikkoortoqarfiup periusissialikkatut suliaqarfiusutullu pisiortornermik atuuffik isumagaa. Immikkoortoqarfiup qullersaraa niuernermik immikkoortoqarfik, tassaniippullu tuniniaanerit, kontraktilerinerit, ussassaarinerit, ground handling, kiisalu hotellit.

 

Atorfininnermut atugassarititat:

Atorfik Mittarfeqarfiup qullersaqarfigisaani Nuummi inissisimavoq. Aningaasarsianut atorfininnermilu atugassarititaasunut, ilanngullugit atorfininnermi soraarnermilu angalanerit aamma pisattat nuutinneqarneri piffissap atorfiniffiusup nalaani Namminersorlutik Oqartussat aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq naapertorlugu aalajangersarneqarput

 

Annertunermik paasisaqarit:

Annertunermik paasisaqarnissaq kissaatigigukku, imaluunniit atorfimmut apeqqutissaqaruit Pisiortornermut pisortaq Johannes Groth, oqarasuaat 38 26 20, imaluunniit mail jogr@mit.gl aqqutigalugu attaveqarfiginissaanut tikilluaqqusaavutit. Apeqqutit nalinginnaanerusutut ittut HR-imut immikkoortoqarfimmut mailiutigissapput uunga: hr@mit.gl

Mittarfeqarfiit pillugu nittartakkatsinni annertunermik paasissutissat nassaarisinnaavatit, uani: www.mit.gl

 

Soqutigaajuk?

Taava qinnuteqaativit, cv-p kiisalu ilinniagaqarsimanermut uppernarsaatit tigunissaat qilanaaraagut, ataani linki aqqutigalugu nassiutissavatit, kingusinnerpaamik ulloq 24. september 2019. Atorfinitsitsinissamut oqaloqatiginninnerit ingerlanneqartuassapput.

 

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

Qinnuteqarnissamut killissarititaasoq: septembarip 24.-at, 2019

Atorfik una qinnuteqarfigiuk