Skip to main content
144

Dette jobopslag er udløbet

Mittarfeqarfiit teknikkimut pisortassarsiorpoq

Mittarfeqarfiit mittarfiinik qulimiguullillu mittarfiinik teknikkimik ingerlatsinermik suleqatigiinnut takussaasutut pisortaarusuppit?

 

Pisortaqarfimmi ilaarusuppit, aammalu suliffimmut periusissialikkatut aalajangiussisarfimmi sulerusuppit?

 

Nunatsinni attaveqarfiusut ilusilersorlugillu ineriartortitsiviginissaat peqataaffigerusuppigit?

 

Taava pissanganartumik atorfimmi qaffakkiartornissamut periarfissamik ilinnut peqarpugut, tassanilu mittarfinnik qulimiguullillu mittarfiinik teknikkip tungaatigut ineriartortitseqqinnermut aserfallatsaaliuinermullu akisussaaffimmik tigumminnilissaatit. Ilaassapput mittarfiit, qullilersuinerit, illut, pilersuisarfiit, tankeqarfiit, CNS-imut atortut, IT-mi atortut allallu.

 

Teknikkimut pisortatut aamma suliniutini suliassat assigiinngitsut akisussaaffigilissavatit, ilaallutik neqerooruteqartitsinerit, isumaqatigiissutinik suliarinninnerit malitseqartitsinerillu.

 

Inuk periusissianik isumaliuteqartoq ujarparput, taannalu aamma Mittarfeqarfiit suliamigut aallaavigisaanik takorluukkamik naleqartitanillu aallaaveqartunik suliassanik assigiinngitsunik siulersuillaqqissaaq. Naatsumik oqaatigalugu tassaavoq qitiusumi atorfik, sammisaq tassaalluni ”Kalaallit Nunaanni silaannakkut angallannermut toqqammavigisassamik qularnaarinissaq”.

 

Teknikkimut pisortatut immikkoortoqarfiit makku akisussaaffigilissavatit: CNS, IT, Pilersuineq, kiisalu Sanaartorneq.

 

Naatsorsuutigut:

  • Suliffimmi assingusumi periusissialiornikkut inissisimaffiusumi pisortatut misilittagaqarneq
  • Attuumassutilimmik nangitsilluni teknikkimut tunngasunik ilinniagaqarsimaneq, soorlu ingeniøritut, maskinmesteritut assingusutulluunniit
  • Suliniutinik siulersuisarnerup iluani misilittagaqarneq
  • Periusissianut ataatsimut isiginnissinnaassuseqarneq, aammalu piffissami sivikitsumi soorlulusooq ungasissumut atuuttussanut pilersaarutinut naammassinnittarnernik misilittagaqarneq
  • Inooqatigiinnermi, kiisalu attaveqaqatigiinnermi piginnaaneqarluarneq, ilanngussuisuusarneq
  • Iluarsiissutinut sammisaqartuullutillu sullarissuusutut kaammattuisuusutut pisortaaneq
  • Isumannaallisaanermik assorsuaq pingaartitsisuuneq.

 

Ilinnut neqeroorutigisinnaavagut:

  • Kalaallit Nunaanni attaveqarfiit ilusilersornissaannut periarfissat
  • Ullut suliffiusut pissanganartut, annertuumik aalajangiisarnissamut piginnaaffeqarfillit
  • Suliamik isumaginninneq, sulisorpassuit niuerfigisarpassuillu ullunik atugaannik attuisoq, aammalu nunatsinni inuiaqatigiinnut assorsuaq pingaarutilik
  • Akisussaaffigisatut suliassaqarfiit pissanganartut
  • Angalasarnissaq, Kalaallit Nunaata annerpaartaanik takusaqarnissamut periarfissaqassalluni.

 

Atorfinitsitaanermi atugassarisat
Teknikkimut pisortatut atorfinitsitaaneq aningaasarsianut toqqammavik 38 malillugu Naalakkersuisut aamma pineqartutut isumaqatiginninniarsinnaatitaasutut kattuffiup akornanni isumqatigiissut atuuttoq najoqqutaralugu isumaqatigiissutitigut atugassarisatigut pissaaq.

Ukiut marluk atorfinissimareernerup kingorna akilikkamik sulinngiffimmi angalaneq, tamatuma kingorna ukiut allortarlugit pisartussaq.

Atorfimmut inissamik attaviliisoqanngilaq.

 

Annermik paasisaqarit
Atorfimmut annermik paasisaqarnissat kissaatigigukku, imaluunniit apeqqutissaqaruit qullersatut pisortap Henrik Estrupip attaviginissaanut tikilluaqqusaavutit, ugguuna: hene@mit.gl imaluunniit oqarasuaatikkut: +299 382600. Apeqqutit nalinginnaanerusut HR-imik immikkoortoqarfimmut mailikkut nassiutissapput, ugguuna: hr@mit.gl.

Mittarfeqarfiit pillugit annertunermik nittartakkatsinni pissarsiorsinnaavutit, uani: www.mit.gl.

 

Qinnuteqaat
Atorfimmut naatsorsuutigineqassaguit kingusinnerpaamik ull. 25. juuni 2021-mi ataani linki aqqutigalugu qarasaasiakkut nassiutissavatit qinnuteqaatit, cv, kiisalu ilinniagaqarsimanermut uppernarsaatit.

 

Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

Qinnuteqarnissamut killissarititaasoq: juunip 25.-at, 2021

Atorfik una qinnuteqarfigiuk