Find job
Dette jobopslag er udløbet
Mittarfeqarfiit A/S Tårntjenstemi sulisussamik ujaasipput
Mittarfeqarfiit A/S Kalaallit Nunaanni mittarfeqarfinni 12-iusuni AFIS-imi ingerlatsisunngorniartussarsiorput.
Qinersineq akuerisaanissamullu misilitsinneq
2023-mi juunip ingerlanerani nittartakkatigut oqarasuaatitigullu imaluunniit MS Teamsikkut ingerlasumi misilitsitsisoqassaaq. Qinnuteqartut piukkunnartut ullut sisamat miss. sivisussusilimmi akuerisaanissamut misilitsinnermut, Kangerlussuarmi 2023-mi aggustip qaammataani pilersaarutaasumik ingerlasussamut peqaataanissaminnut qaaqquneqassapput.
Tårntjenestemi:
·Paasissutissat timmisartortartut isumannaatsumik timmilluarsinnaanissaminnut atugassaasa ingerlateqqinneri.
·Mittarfimmi anorip aamma silap pissusaanut aammalu timminermi kiisalu mittarfimmi miffissap qanoq inneranut paasissutissat pillugit timmisartortartunut sullissinerit. AFIS-ittaaq timmisartortartut mittarfimmi silaannarmi angallattut allat pillugit paasissutissiissaaq.
·Silap qanoq inneranut nakkutilliinerit, timminissap pilersaarutaasa aammalu nalunaarutit allat isumannaatsumik timminissamut tunngasut ingerlanneri
·Mittarfeqarfiup ingerlatsinerani pingaartutilittut suleqataaneq
Ilinniakkap ingerlarnga
Qinnuteqartut akuerisaanissamut misilitsinnermi piukkunnartutut nalilerneqartut AFIS-aspirantitut atorfininnissaminnut, tassungalu atatillugu qaammatit 10 – 12 sinnerlugit sivisussusilimmi ilinniarnermik ingerlatsinermik aallussilluarfiusumik pissanganartuusumillu neqeroorfigineqassapput.
Ilinniarnermi sapaatip akunneri 11 miss. Kangerlussuarmi atuagarsorit assigiinngitsut (ATS-basisuddannelse) ingerlanneqassapput. Juullip nalaani sulinngiffeqareernermi qaammatit marluk miss. AFIS-imi ingerlatsisunngorniat silap qanoq inneranik ilinniarnernermik ingerlatsissapput kiisalu AFIS-imi ingerlatsisunngorniatut atuagarsornermi 3D-mik tårnimi piusuusaartitsinermi sungiusartoqarlunilu inaarutaasumik misilitsittoqassaaq aammalu AFIS-itut atuartutut uppernarsaatip anguneranut oqaatsit misilitsissutigineqarneri ingerlanneqassallutik. Ilinniarnerup ingerlanerani qaammatit kingulliit 5-8 miss. sivisussusillit ”On The Job Training”-imik, Kalaallit Nunaanni mittarfeqarfinni annerusut ilaanni, Kulusummi, Narsarsuarmi, Nuummi imaluunniit Ilulissani ingerlatsisoqassaaq.
Ilinniarneq danskisut aamma tuluttut ingerlanneqassapput, tassanilu ilinniartitsissutit annerpaartaat tuluttut allaqqasut ingerlanneqassapput.
Pimoorussineq akisussaassuseqarnerlu kinaassuserniippata naatsorsuutigaarput
- suleqatigiinni sulisinnaallutillu namminersorlutit, ulloq unnuarlu nukingersumik sulisinnaassasutit,
- anguniagaqartuusutit - kiisalu ulapaarfiunngitsuni imminut suliassaqartissinnaallutit,
- akisussaassuseqartuusutit, atuagarsornerillu piviusunngortissinnaalluartuugitit,
- danskisut aamma tuluttut qaffasissumik piginnaanilimmik allattariarsornermi oqaatsitigullu atorluarsinnaagitit aammattaaq kalaallisuusinnaavoq,
- kisitsisilerillaqqiaqqissuunissat matematikkimilu piginnaasaqartuunissat,
- timikkut peqqissoq aammalu AFIS nakkutilliisutut peqqissutsimut piumasaqaatit naammassisinnaagitit,
- Politiit isumannaallisaanermut akuerisaasinnaasoq - pinerlussimanermut allagartaq pisariaqarpoq,
- ilinniarsimanerup inerneranit Kalaallit Nunaanni mittarfeqarfimmi sumiluunniit sulillutillu tårntjenesteni assigiinngitsuni suliffigisinnaasanni sulisinnaaneq
Qinersineq akuerisaanissamullu misilitsinneq naammassilluarsimagaanni.
Qilanaarit! Suliffimmi pissanganartumi avatangiisigissaarluartumilu aaqqissuusisimanerup iluani aammalu suleqatigisat pissanganartut akorngini suleqateqarnissannut periarfissaqassaatit.
Akissarsiat atorfininnerlu
Ilinniartutut ilinniarnivit ingerlanerani qaammammut kr. 20.400, - (akileraannginnermi) akissarsiarisassuatit. Ilinniarnivit inerneranit Mittarfeqarfiit A/S mittarfeqarfiini AFIS-imi nakkutilliisutut atorfinissaatit isumaqatigiissutillu RAF1917-imi atuuttut malillugit akissarsisassaatit. Sulilerneq ilinniarnerlu oktober 2023-imi aallartissaaq.
Paasisaqarnerugit
Ilinniagaq pillugu ilinniagaqareernermilu periarfissat pillugit paasisaqarnerorusukkuit Mittarfeqarfiit A/S ATS-Head of Training-ianiittoq Ryan Møller e-mailikkut rmm@mit.gl imaluunniit oqarasuaatitigut 341711-mut attavigisinnaavat, aammattaaq aalajang-ersimasunik apeqqutissaqaruit Mittarfeqarfiit A/S HR-konsulentia Alma Borris Pedersen e-mailikkut almab@mit.gl imaluunniit oqarasuaatitigut 341722-mut attavigisinnaavat.
Qinnuteqarneq
Suleqatigaluta takorloorsinnaaviuk? - taamaappat qinnuteqaatit kingusinnerpaamik ulloq 15. juni 2023 nassiuguk linki atorlugu. Ilinniarnermut akuerisaanissami oqaatsitigut piumasaqaatit toqqammavigalugit pissutigisamik qinnuteqaatit danskisut tuluttullu allagaasut kisimik isiginiarneqassapput.