Skip to main content
90

Dette jobopslag er udløbet

Mittarfeqarfiit naatsorsuuserinermut pisortassarsiorpoq

Tassaavit siulersuisoq kajumissaarisoq, kisitsisinik aqutsisinnaasoq, aammalu suliffeqarfimmi allanngornerup nalaanittumi assigiinngisitsinissamut peqataaqataarusuttoq?

Aningaasaqarnermi nalunaarusiornerup missingersuusiortarnerullu iluini naatsorsuuserinerup tungaatigut tunngaveqarlutit misilittagarpit ? ajornanngippallu aningaasalersuisarnermik suliassaqarfinnik misilittagaqarpit/soqutigisaqarpit? Taava immaqa Mittarfeqarfinnut naatsorsuuserinermut pisortatut piukkunnarnerpaavutit.

Naatsorsuuserinermut pisortariligassarput Kalaallit Nunaanni mittarfinnik ingerlatsinerup iluani suliffeqarfimmi pissanganartumi qitiusutut inissisimaffeqalissaaq. Aningaasaqarnermut pisortaq naalagaralugu aningaasaqarnermik atuuffimmik ineriartortitseqqinnissamut akisussaaffik tigussavat. Ilaatigut naatsorsuutinut, nalunaaruteqartarnermut missingersuusiortarnermullu pitsaassutsip sammisarinissaata qularnaarnissaanut peqataaqataassaatit, kiisalu atuuffik niuernermut tunngasuutinnerulernissaa ineriartortissallugu.

Naatsorsuuserinermut pisortaq naatsorsuuseriffiup aningaasarsiallu akornanni agguataarsimasunut sulisunut katillugit aqqanilinnut akisussaaffeqassaaq. Tamatuma saniatigut suliffiup iluani ingerlattakkanut suleriaatsinullu pitsaanerpaanngortitsinerup iluani inuk qitiussaatit. Taamaattumik atorfimmiissapput aningaasaqarnermut sulisorisanullu siulersuisutut suliaqarneq. Immikkoortoqarfinni pisortanut tapersersuisutut aammalu qullersatut pisortanut tutsuiginartutut suleqataasutut atuuttussaassaatit. Mittarfeqarfinni suleqatigiinnut naalgaasut akornanniissaatit.

Suliassat ilaatigut makkuninnga imaqassapput:

  • Aningaasaqarnermut aningaasarsianullu immikkoortumi pisortatut sulisunik siulersuineq
  • Naatsorsuusiornermut akisussaasuutut sulineq
  • Siulersuisunit aamma qaammatikkaartumik nalunaarusiornernut akisussaaffeqarneq
  • Controllingimik suleqateqarluni missingersuusiornermik ingerlatanik ilaannakortumik akisussaaffeqarneq
  • Mittarfeqarfinni qullersatut aningaasaqarnermik aqutsinermut akisussaaffeqarneq

Piginnaasat:

  • Naatsorsuuserinermut tunngatillugu misilittagaqarluarneq, ajornanngippat assingusutut atorfimmit
  • Attuumassutilimmik ilinniagaqarsimaneq, ajornanngippat HD-tut imaluunniit HD stud, Cand.merc. assigisaanilluunniit
  • MS Officemik ingammillu Excel?imik ilisimasaqarluarneq
  • Paasiuminartumik toqqaasumillu attaveqaqateqartarneq, oqalunnikkut soorlulusooq allattariatigut
  • AX-imut assingusutulluunniit ERP-mik aaqqissuussivinnut ilisimasaqarluarneq

Inuttut avatangiisimi sungiussiasumi sulianillu pikkoriffiusumi sulinissaq iluarisimaarpat, ataatsimullu isigisassat attassinnaallugit, aammalu sulianik tunniussivissat suliassallu ataatsimoortut amerlasuut isumagisinnaavatit. Akisussaaffeqarnissaq sianigaat, pisut paasillaqqissuuatit, ilusilersukkamillu suleriaaseqarputit, ilanngullugit pilersitsiniartarnermik iliuuseqartarnermillu piginnaasaqarluarnerit, aammalu pingaarnertut toqqammavigisat soorlulusooq annikitsualuttortaanik isumaginnissinnaallutit.

 

Isumannaallisaanermut akuerisaasarneq
Atorfimmut naatsorsuunneqarsinnaassagaanni malittarisassat atuuttut malillugit isumannaallisaanermut akuerisaanissaq piumasaqaataavoq. Taamaattumik pinerluttulerinermik nalunaarsuisarfimmit naqitat ilanngutikkit. Taanna najukkanni politiini imaluunniit sullissivik.gl-imi pissarsiarineqarsinnaavoq.

 

Atorfininnermut atugassarisat:
Aningaasarsianut atorfininnermullu atugassarisat attuumassutilittut suliffittut kattuffimmut naleqqiullugit pissapput.

  • Sulinerup nalaa tassaavoq sapaatip akunneranut nal. akunneri 40
  • Erseqqinnerusumik isumaqatigiissutigisaq malillugu atorfininneq.

 

Annertunermik paasisaqarit:
Atorfimmut apeqqutissaqaruit Aningaasaqarnermut pisortaq Tanja Pedersenip attaviginissaanut tikilluaqqusaavutit, oqarasuaammi toqqaannartumik +299 38 26 05, imaluunniit mailikkut: tape@mit.gl: Apeqqutit nalinginnaanerusut HR-imik immikkoortoqarfimmut nassiunneqassapput, maili una atorlugu: HR@mit.gl.

Soqutigaajuk?
Taava qinnuteqaatit, cv, kiisalu ilinniagarisamut uppernarsaatit ataani linki aqqutigalu kingusinnerpaamik ulloq 28. maj 2019-imi tigunissaat qilanaaraagut.

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

Send din ansøgning via dette link