Skip to main content
108

Dette jobopslag er udløbet

Mittarfeqarfiit Mittarfik Narsarsuarmi allaffissornermi sulilersussamik sulisussarsiorpoq

Mittarfik Narsarsuarmi allaffimmi sullissisussamik uummaarissumik, peqqissaartumik, tunniusimasumik sullissillaqqissumillu sulisussarsiorpoq. Sullitatit qitiutillugit sullittassavatit sullissinermilu ataatsimi ajunngitsumik pitsaasumillu sullissisarnissamik pingaartitsisuussaatit. Suliffimmi allanngorartunik suliassaqarfiusumi ineriartorfiusumilu suliassanillu nammineerluni akisussaassusilimmik sulisarnissamik pingaartitsisumi suleqataassaatit.

 

Suliassatit:

Qularnanngitsumik allaffissornermik ilinniagaqarsimavutit. Suliassat ikiortaaffigisartagassatit inunnik sullissinermut allaffissornermullu tunngassuteqarnerupput, soorlu makkuusut:

  • Allaffissornermi suliassat ingerlaavartut soorlu sulisimanermit nalunaarsuiffitsinni tiimit allassimasut akuerisarnissaat
  • Fakturanik kontolersuisarneq
  • Angalanissat ullormusiassallu ataqatigiissaartarneri
  • Saaffiginnissutinik assigiinngitsunik suliaqartarneq
  • Security supervisor-itut kiisalu Ilanngaaserisutut suliassat isumaginissaat
  • Ulapiffiup nalaani trafikafdelinngip allaffiani ikiuuttassaatit
  • Mittarfimmi pisortaanut sulianik ataavartunik suliaqarneq

 

Piginnaasassatit:

  • Kalaallisut, danskisut ajornanngippallu tuluttut oqalussinnaasaatit
  • IT-imik atuisinnaasaatit
  • Ulapiffiit nalaanni uippakajaarnak sulisinnaassaatit
  • Sullissillaqqissuussaatit qungujulaartuullutillu
  • Timmisartuussisarnermik tunngasunik misilittagaqaruit iluaqutaassaaq piumasaqaataananili

 

Mittarfeqarfiit neqeroorutigisinnaavaa:

Suliffik pissanganarlunilu ineriartortuartoq sulisuminik suleqatigiinnissamik pingaartitsisoq. Suliffigiligassami suliassavit aalajangersarnissaanut ineriartortinnissaanullu peqataasarnissamut periarfissagissaarpoq.  

 

Sillimaniarnikkut akuerineqarnissaq

Atorfinissinnaanissat eqqarsaatigalugu politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini imalluunniit www.sullissivik.gl aqqutigalugu pissarsiarineqarsinnaavoq.

Taassuma saniatigut PET fortrolig-mut akuerisaasaatit

 

Atorfimmi atugassarititat:

Akissarsiat atorfeqarnermilu atugassarititaasut  kattuffiup attuumassuteqarfigisap isumaqatigiissutai naapertorlugit aalajangersarneqassapput.Taamatut isumaqatigiissuteqartoqarsinnaanngippat immikkut ittumik isumaqatigiissuteqarluni atorfinitsitsisoqarsinnaavoq.

  • Narsarsuarmi maleruagassat atuuttut naapertorlugit inissaqartitsisoqassaaq
  • Atorfininnermut suliunnaarnermullu atatillugu akiliunneqarluni angalaneq pequtillu assartorneri maleruagassat atuuttut naapertorlugit akilerneqassapput
  • Ukiumut ataasiarlutit illoqarfigisannut akiliunneqarlutit sulinngiffeqartoqarsinnaavoq
  • Sapaatip akunneranut suliffiusartussat 40 tiimiupput
  • Isumaqatigiissuteqarnikkut ulloq atorfiniffissaq aalajangerneqassaaq

 

Annertunerusumik paasiniaaffissaq:

Atorfik pillugu annertunerusumik paasisaqarusukkuit atorfimmulluunniit tunngatillugu apeqqutissaqaruit mittarfimmi pisortaq Tupaarnaq K. Kleist oqarasuaat +299 56 25 00 imaluunniit mailikkut tukl@mit.gl  attavigisinnaavat.

 

Qinnuteqaat

Atorfik atorfigilersinnaassagukku qinnuteqaatit inuuninni sulerisimaninnik allattorsimaffimmik kiisalu ilinniarsimanermut uppernarsaatinik ilalik linki ataanni allassimasoq  aqqutigalugu kingusinnerpaamik ulloq 24. juni 2019 tigoreersimassavarput.

 

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 43-t ingerlatarai. Timmisartunik ukiumut 60.000-init amerlanerusunik  tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik.  400 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta. 

Qinnuteqarnissamut killissarititaasoq: juunip 24.-at, 2019

Atorfik una qinnuteqarfigiuk