Skip to main content
116

Dette jobopslag er udløbet

Mittarfeqarfiit Kangerlussuaq quersuarmut sulisussarsiorpoq

Mittarfik Kangerlussuaq teknikkimut tunngasunik quersuarmut sulisussarsiorpoq. Teknikkimut tunngasunut quersuup Mittarfik Kangerlussuarmi immikkoortoqarfiit tamaasa, ilanngullugulu Akunnittarfik kiffartuuppai. Quersuarmiipput nerisassat aamma nerisassaanngitsut, kiisalu atortut teknikkimut tunngasut.

 

Suliassaqarfiit:
Suliffiup iluani avataaniillu nioqquteqarfigisanik isumaginnittartussanik, aammalu ullormut nioqqutinik tigusisarnermik isumaginnittartussanik, kiisalu pilersuisunit akiligassanik misissuisartussanik inuit pingasunik inuttalinnut akulerutissaatit. Tamakku saniatigut makku suliassat akornanniipput:

  • AX2012-imi quersuarmiittunik allattuiffiup nakkutiginera/immersortuarnera
  • Assartugassanik ullormut aallertarnerit, kiisalu taakkuninnga ingerlataqarnernik isumaginninnerit
  • Piffissani aalajangersimasunik quersuarmiittunik kisitsisarnerni peqataaneq, kiisalu quersuarmi suliassaasartut sinnerini isumaginneqataaneq.

 

Piginnaasat:
Sulinissamut ileqqorilluartuunissat, aammalu suleqatigiilluarnermut ilorraap tungaanut ilapittuuteqarusunnissaat naatsorsuutigaarput. Tamakku saniatigut suliffimmut qinnuteqartussap eqqortup piginnaasat makku piginiartussaassavai:

  • Quersuarmi ilinniagaqarsimaneq, imaluunniit quersuarmi sulinermik misilittagaqarneq
  • AX2012-imut quersuarmiluunniit aaqqissuussivimmut allamut ilisimasaqarneq iluaqutaassaaq
  • torersuulluarlunilu kiffartuussaqarumanissaq
  • namminersuutigalugu suliaqarsinnaaneq, tamannali ilutigalugu aamma suleqatigiinnut akuusinnaaneq
  • kørekorti nalinginnaq / ajornanngippat truckersinnaanermut uppernarsaat

 

Mittarfeqarfiit neqeroorutigaat:
Suliffeqarfik pissanganartoq ineriartortoq sulisorisatsinnut atugassarisanik pitsaasunik pingaartitsillunilu suleqatigiilluarnermik naleqartititsisoq neqeroorutigaarput.

 

Isumaqatigiissut atuuttoq najoqqutaralugu atorfinitsitsisoqassaaq, allatut qinigassaalluni inunnut ataasiakkaanut isumaqatigiissut. Isumaqatigiissuteqareernikkut atorfinitsitsisoqassaaq, kiisalu:

  • Malittarisassiat atuuttut malillugit inigisassamik atugassiisoqassaaq
  • Malittarisassiat atuuttut malillugit atorfininnermi akilikkamik angalatitaaneq, kiisalu nuunnermi pisattat assartorneranni timmisartukkut 75 kg-nut, imaluunniit umiarsuakkut 200 kg-nik assartuinermut akiliutinik utertitsineq
  • Sulinermi piffissaq tassaavoq sapaatip akunneranut nal. akunneri 40
  • Isumaqatigiissut malillugu atorfininneq.

 

Isumannaallisaanikkut akuerisaaneq:
Atorfinitsitaaniaraanni politiinit isumannaallisaanikkut akuerineqarsinnaanissat piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiuguk. Tamanna najukkanni politeeqarfimmi pissarsiarisinnaavat, imaluunniit uani: www.sullissivik.gl.

 

Annertunermik paasisaqarit:
Annertunermik paasisaqarusukkuit, aammalu atorfik pillugu apeqqutissaqaruit Quersuup pisortaanut Henrik Simonsenimut +299 52 44 15-ikkut, imaluunniit henrik@mit.gl-ikkut attaveqarnissannut tikilluaqqusaavutit. Apeqqutit nalinginnaanerusutut ittut HR-imut immikkoortoqarfimmut mailikkut saqqummiutissavatit, ugguuna: hr@mit.gl

 

Mittarfeqarfiit pillugit annertunerusumik nittartakkatsinni ujaasisinnaavutit, uani: www.mit.gl

 

Qinnuteqaat:
Qinnuteqaativit, cv-eerpit, kiisalu ilinniagaqarnermut uppernarsaativit tigunissaat taava qilanaariinnalerpagut, nassiutikkit ataani linki aqqutigalugu, kingusinnerpaamik ulloq septemberip 25 2020. Atorfinitsisinissamut tunngasunik oqaloqatiginnittuartoqassaaq.

 

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 450-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

 

Qinnuteqarnissamut killissarititaasoq: septembarip 25.-at, 2020

Atorfik una qinnuteqarfigiuk