Skip to main content
143

Dette jobopslag er udløbet

Mittarfeqarfiit aningaaserinermut naatsorsuusiortussarsiorpoq

Nuummi qullersaqarfitsinnut naatsorsuuserisarfimmut erniinnaartumik atorfinittussamik misilittagalimmik aningaaserinermut naatsorsuusiortumik pissarsiorpugut. Aningaaserinermut naatsorsuusiortoq aningaasaqarnermut ilisimasalik, soqutigisalik, aamma naatsorsuuserisarfimmi ingerlattakkanik suleriaatsinillu misilittagalik pissarsiariniarparput.

 

Suliassat ineriartortitsinermut tunngasut pissanganartut nutaat, aamma ingerlattakkanik assigiinngitsunik pitsanngorsaanerit takkuttassapput. Taamaattumik ullut suliffigisatit ingerlatsinermut ineriartortitsinermullu suliassanik imaqarumaassapput.

 

Suliassatit pingaarnerit:
Mittarfeqarfiit iluani aningaasalerinermut immikkoortoqarfik isertitanik akiligassanillu tamanik, aamma mailikkut oqarasuaatikkullu niuerfigisanit saaffiginnissutinik akissuteqarnernik aqutarinnippoq. Aamma Excel’ikkut anillatsitanik assingusunillu suliaqarnermik iluarinninnissat naatsorsuutigaarput.

Aningaasalerinermut immikkoortoqarfimmi suliassat ilaatigut makkuupput:

  • Akiligassanik – fakturanik – isumaginninnerit
  • Ullut tamaasa naatsorsuutinik allattuisarnerit, kiisalu aningaaserivillu naligiissaarineq
  • Aningaasalerinermi naligiissaarinerit
  • Ingerlattakkanik pitsanngorsaajuarnerit sunniuteqartitsilluarnerillu
  • Ilitsersuutinik nutarsaasarnerit
  • Ukiumut naatsorsuutinut kukkunersiuinissamullu piareersaanerit
  • Akiligassanik akiitsortinillu malittarinnerit

 

Piginnaasatit:
AU-mik imaluunnit allaffimmi ilinniarsimasuuvutit, atorfimmillu assingusumit misilittagaqarlutit. Naatsorsuuserinikkut paasinnissimasuuvutit, aamma AX2012-imik, imaluunniit D365-imik, allanilluunniit aningaasaqarnermik aqutsinikkut aaqqissuussiffinnik allanik misilittagaqassaguit iluaqutaassaaq.

IT-lerinermik piginnaasaqarluartuuvutit, kiisalu oqaluttariarsornikkut allattariarsornikkullu paasisitsiniaallaqqissuullutit, kiisalu

  • Aalaakkaasuullutillu sungiussiasuuvutit
  • Suleriaatsit pitsaanerpaanngorsarneri kajungeraatit
  • Kiffartuusserusuttuuvutit, inussiarnerlutit naapikkuminarlutillu
  • Sulissanik pingaarnersiuillaqqipputit
  • Namminersuuteqarsinnaavutit, akisussaaffeqarlutit, innarligassaanatit, pisoqarfinnillu paasinnillaqqillutit

Isumannaallisaanikkut akuerisaaneq:
Atorfimmut naatsorsuutigineqassagaanni isumannaallisaanikkut akuerineqarsinnaanerit piumasaqaataavoq. Taamaattumik pinerluttulerinermik nalunaarsuisarfimmit naqitaq ilanngullugu nassiuguk (Pineqaatissinneqarsimannginnermik uppernarsaat). Taanna sumiiffigisami politiinit pissarsiarineqarsinnaavoq, imaluunniit uani: www.sullissivik.gl.

 

Atorfinitsitaanermi atugassarisat:
Pineqartoq tassaavoq atorfik pissanganartoq, namminersorfigisaq tamaviaarnartorlu. Aningaasarsiat atorfinitsitaanermullu pissutsit sulisartut kattuffiannut attuumassutilimmut naleqqiullugu pissapput. Suliffiup nalaa tassaavoq sapaatip akunneranut nal. akunneri 40.

Kalaallit Nunaanni toqqammaveqarluartumi suliffeqarfimmi atorfimmik avammut sammiveqarlunilu tamaviaarnartumik neqeroorfigineqarputit, tassanilu suliffeqarfimmi immikkoortoqarfippassuarni suleqatit sinneri siammasissumik attaveqarfigissavatit. Mittarfeqarfiit iluani ulluni suliffiusuni pissanganartuni savituunilu ilaalissaatit, ilagilissallugit suleqatit anguniagaqartuusut, pikkorissut tunniusimasullu.

Ineqarneq
Atorfimmut sulisumut inissiamik innersuussisoqanngilaq. Qinnuteqartoq Namminersorlutik Oqartussani sulisunut inigisamik peqariissappat sulisunut inissamut innersuussutaasumut pisinnaatitaaffik attatiinnarneqassaaq. Sulisunut inissiaq atorfinitsitaaffimmut atasuuvoq, soraarnermilu qimanneqassalluni.

 

Annermik paasisaqarit:
Atorfimmut apeqqutissaqaruit naatsorsuuseriffiup pisortaanut Aputsiaq F. Høyimut attaveqarnissannut tikilluaqqusaavutit, oqarasuaatikkut +299 38 26 33. Apeqqutit nalinginnaanerusut HR-imik immikkoortoqarfimmut mailikkut saaffiginnissutaassapput: HR@mit.gl

 

Soqutigaajuk?
Taava kingusinnerpaamik ull. 6. juuni 2021-mi ataani linki aqqutigalugu qinnuteqaativit, CV-p, kiisalu ilinniagaqarnermut uppernarsaativit tigunissaat qilanaaraagut.

MALUGIUK: Qinnuteqaatit mailikkoortut tiguneq ajorpagut. Taamaattumik maili aqqutigalugu qinnuteqaataasut naatsorsuutigineqassanngillat.

 

Mittarfeqarfiit Nunatsinni suluusalinnut mittarfinnik 13-inik qulimiguulinnillu mittarfinnik 46-nik ingerlataqarpoq. Ukiumut  tingisitsinerit mitsitsinerillu 60.000-it sinnerlugit isumagisarpagut timmisartumullu ilaasut 350.000-it sinnerlugit kiffartuuttarlutigit. 450-t missaannik sulisoqarluta Nunatsinni suliffeqarfiit annersaannut ilaavugut kiisalu sulisutta niuerutittalu ineriartortittuarnissaat sulissutigiuarlutigit. Taamaasilluta kiffartuussinerit ilinniartitaanerillu neqeroorutigisarpagut, taamaasiornitsigullu inuiaqatigiit pitsaasumik ineriartortinnissaannut tunniussaqaqataasarpugut.

 

 

Qinnuteqarnissamut killissarititaasoq: juunip 6.-at, 2021

Atorfik una qinnuteqarfigiuk