Skip to main content
89

Dette jobopslag er udløbet

Mittarfeqarfiit aningaasanik naatsorsuusiortussarsiorpoq

Naatsorsuuserisarfimmi ingerlattakkanik suliassarisanillu pitsaanerpaanngorsaanermik ineriartortitseqqinnermillu suliaqartuaratta aningaasanik suliassaqarfiusumi ingerlattakkamut tamarmiusumut soqutiginnittumik naatsorsuusiortussarsiorpugut.

 

Ineriartortitsinermi suliassat pissanganartut nutaat, aamma ingerlattakkanik assigiinngitsunik pitsaaninngorsaanerit takkuttassapput. Taamaattumik ullut suliffigisatit ingerlatsinermik ineriartortitsinermillu suliassanik imaqassapput.

 

Suliassat pingaarnerit:
Mittarfeqarfiit iluani aningaasanut immikkoortoqarfiup akiliissutit akiliutigisallu tamaasa aqutarai, aammalu mailikkut oqarasuaatikkullu niuerfigisanit saaffiginnissutit akissuteqarfigisarpai. Excel’ikkoortitanik assingusunillu suliaqarnermik iluarinnissanerit aamma naatsorsuutigaarput.

Aningaasanut immikkoortoqarfimmi suliassat ilaatigut makkuupput:

  • Akileeqqusissutinik suliaqarnerit
  • Ulluinnarni naatsorsuusiortarnerit, kiisalu aningaaserivillu naatsorsuutinik naleqquttunngorsaanerit
  • Aningaasaqarnikkut naleqquttunngorsaanerit
  • Ingerlattakkanik pitsanngorsaajuarlunilu pitsaanerpaanngorsaajuarnerit
  • Ilitsersuutinik nutarsaasarnerit
  • Ukiumut naatsorsuutinik kukkunersiuinermillu piareersaanerit
  • Akiliutit akiitsortillu malittarineri

 

Piginnaasatit:
AU-mik imaluunniit allaffimmi ilinniarsimasuuvutit, atorfimmillu assingusumit minnerpaamik ukiunik marlunnik misilittagaqarlutit. AX2012-imik imaluunniit D365-imik, allanilluunniit aningaasaqarnermik aqutsinermut aaqqissuussiffinnik, aamma Officep katersaataanik misilittagaqassaguit iluaqutaassaaq.

IT-mik piginnaaneqarluartuuvutit, kiisalu oqaluttariarsornikkut allattariarsornikkullu paasisitsiniaallaqqissuullutit, kiisalu tassaavutit:

  • Aalajaatsuullutillu sungiussiasoq
  • Ajornanngippat kalaallit oqaasiinik oqaluttuullutillu allattartuuvutit aamma/imaluunniit danskit aamma tuluit oqaasiisigut
  • Suleriaatsinik pitsaanerpaanngorsaasarneq ilinnut piumassuseqartitsisuuvoq
  • Inussiarnerlutillu naapikkuminartuuvutit
  • Suliassanik pingaarnersiuillaqqissuuvutit
  • Namminersuutiginnittartuuvutit, akisussaaffimmik tigusinnissinnaasuuvutit, ileqqorissuuvutit pisoqarfinnillu paasinnillaaqissuullutit

 

Isumannaallisaanikkut akuerisaaneq:
Atorfinittussatut naatsorsuutigineqassaguit isumannaallisaanikkut akuerisaasariaqarputit. Taamaattumik pilerluttulerinermut nalunaarsuisarfimmit naqitaq (pineqaatissinneqarsimanermut allagartaq) ilanngullugu nassiuguk. Taanna sumiiffigisami politiinit imaluunniit sullissivik.gl-imi pissarsiarineqarsinnaavoq.

 

Atorfinitsitaanermi atugarisat:
Pineqartoq tassaavoq suliffik pissanganartoq, namminersorfigisaq tamaviaartitsisorlu. Sulisartut kattuffiannut attuumassutilimmut aningaasarsiat atorfininnermullu pissutsit pissapput. Sulinerup nalaa tassaavoq sap. akunneranut nal. akunneri 40.

Kalaallit Nunaanni suliffeqarfimmi inissilluarsimasumi atorfimmik soqutiginarlunilu tamaviaarfiusumik neqeroorfigineqarputit, tassanilu suliffimmi immikkoortoqarfinni amerlasuuni suleqatit sinnerinik siamasissumik attaveqarfeqassaatit. Mittarfeqarfiit iluani ulluni suliffiusuni pissanganarlunilu savituumi peqataalissaatit, suleqatigiit angusaqarniartut, pikkorissut pimoorussisullu ilagilissallugit.

Ineqarneq
Atorfimmut inissamik innersuussisoqanngilaq. Qinnuteqartoq Namminersorlutik Oqartussani atorfeqarneq aqqutigalugu atorfilimmut inissamik peqareerpat atorfilimmut inissamut innersuussaasumut pisinnaatitaaffik pigiinnarneqassaaq. Atorfilimmut inigisaq atorfigisamut atasuuvoq, atorfimmiillu soraarnikkut qimanneqassaaq.

 

Annermik paasisaqarit:
Atorfimmut apeqqutissaqaruit naatsorsuuserinermut pisortamut Winnie Hammekenimut attaveqarnissannut tikilluaqqusaavutit, oqarasuaatikkut +299 38 26 78. Apeqqutit nalinginnaanerusut HR-imik immikkoortoqarfimmut saaffiginnissutaassapput, mailikkut: HR@mit.gl

 

Soqutigaajuk?
Taava kingusinnerpaamik ull. 19. martsi 2021-mi ataani linki aqqutigalugu qinnuteqaativit, CV-p, kiisalu ilinniagaqarnermut uppernarsaatit tigunissaat qilanaarutigaagut. Mailikkut qinnuteqaatit tiguneq ajorpagut. Taamaattumik mailikkut nassiussatut qinnuteqaatit naatsorsuutigineqassanngillat.

 

Qinnuteqarnissamut killissarititaasoq: marsip 19.-at, 2021

Atorfik una qinnuteqarfigiuk