Skip to main content
100

Dette jobopslag er udløbet

Mittarfeqarfiit akiligassanik naatsorsuusiortartumik sulisussarsiorpoq

Akiligassanik naatsorsuusiortartutut atorfimmik pilerinartumik neqerooruteqarpugut, atorfinikkuillu akiligassanut naatsorsuusiortarnermut immikkoortortaqarfik tamakkerlugu akisussaaffigissavat. Ulluinnarni ingerlatsinermut aamma ineriartortitassatut suliassat isumagisassavatit.

 

Suliassatit:

Mittarfeqarfinni akiligassanut naatsorsuusiortarnermut immikkoortortaqarfimmi fakturat tamarmik suliarineqartarput fakturallu piffissaq eqqorlugu akilerneqartarnissaat qulakkeerniartarlugu.

 

Akiligassanut naatsorsuusiortarfimmi tunngaviusumik suliassatit ilaagut makkuupput:

  • Fakturanik suliarinnittarnermi atortorissaarut Readsoft atorlugu fakturat eqqortumik suliarineqarsimanerinik misissuisarneq
  • Fakturanik akuersisartumut missingersuusiortarnermullu akisussaasunut ingerlatitseqqittarneq
  • Fakturat akuerineqarsimasut akilerneqartarnissaat
  • Akiligassanik kisitsisitigut naligiissaarisarneq taakkulu tamakkiisumik malitseqartinneqartarneri
  • Akiligassanut modolimiittunik finansmidulikkut naligiissaarisarneq
  • Akiligassalerisunut saaffiginnissutinik tamanik akissuteqartarneq

 

Piginnaasassatit:

Allaffimmiutut ilinniagaqarsimassaatit atorfimmillu assigisumi ukiuni pingasuni sulisimanikkut misilittagaqarsimassallutit. AX-imik, Readsoft-imik Excel-imillu atuisinnaaguit tamanna iluaqutaassaaq.

IT-nik atuinissamut piginnaasaqarluassaatit  allakkatigut oqaluttariarsornikkullu attaveqallaqqissuullutit, kiisalu:

  • Aalajaatsuusaatit
  • Ammasuusaatit
  • Nammineerlutit suleqateqarlutillu sulisinnaassuseqassaatit
  • Suleriaatsit pitsanngorsarnissaanut akuunissamut piumassuseqassaatit
  • Inussiarnersuusaatit ilakkuminartuullutillu
  • Suliassannik pingaarnersiuillutit tulleriiaarillaqqissuusaatit
  • Akisussaassuseqartuusaatit, akuullaqqissuullutit pisunillu paasinnilluarsinnaassuseqassallutit

 

Sillimaniarnikkut akuerineqarnissaq:
Atorfinissinnaanissat eqqarsaatigalugu politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna najukkanni politiini imalluunniit una aqqutigalugu www.sullissivik.gl. pissarsiarineqarsinnaavoq.

Atorfeqarnermi atugassarititat:

Atorfik pineqartoq pissanganartuullunilu, namminersorfiullunilu unammillernartuuvoq. Akissarsiat atorfeqarnermilu atugassarititaasut kattuffiup attuumassuteqarfigisaq naapertorlugu aalajangersarneqassapput. Sapaatip akunneranut nal. akunneri suliffiusartut 40-tiimiupput.  

 

Paasiniaaffissaq:
Annertunerusumik paasisaqarusukkuit imaluunniit atorfik pillugu apeqqutissaqaruit Naatsorsuuserisup pisortaanut Winnie Hammeken-imut +299 38 26 62 imaluunniit mail wih@mit.gl  attaveqarnissamut tikilluaqqusaavutit.  Apeqqutit nalinginnaasut HR immikkoortortaqarfimmut mail: hr@mit.gl aqqutigalugu ingerlanneqarsinnaapput.

 

Soqutiginnippit?

Atorfinissinnaassaguit  qinnuteqaatit inuuninni sulerisimaninnik allattorsimaffik kiisalu ilinniarsimanermut uppernarsaatit linki siuliani innersuussutigineqartoq aqqutigalugu qarasaasiakkut kingusinnerpaamik 15. August 2019 nassiutissavatit.

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 43-t ingerlatarai. Timmisartunik ukiumut 60.000-init amerlanerusunik  tingisitsisarlutalu mitsitsisarpugut, ukiumillu ilaasut 800.000-init amerlanerusut sullittarlutigik.  450 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta

Qinnuteqarnissamut killissarititaasoq: aggustip 15.-at, 2019

Atorfik una qinnuteqarfigiuk