Skip to main content
89

Dette jobopslag er udløbet

Kangerlussuarmi innaallagissiorfik innaallagisserisussarsiorpoq

Pitsaasumik kiffartuussinertalimmik pitsaalluinnartumillu sulilluartarneq pingaartippiuk? Taava innaallagisserisutut atorfik inuttaligassaq immaqa ilinnut tulluutissaaq. Ulloq suliffiusoq assigiinngiiaartortalik assigiinngitsorpassuarnik suliassartalik neqeroorutigisinnaavarput.

 

Suliassat

  • Ingerlatsiviit ivertitikkallu innaallagissatortut aserfallatsaaliorlugillu iluarsaattarnissaat
  • Pigaartuusarnermik aaqqiissutaasumi peqataasarnissaq
  • Innaallagiatortutut ivertitikkani ajoqutaasunik paasiniaasarneq nakkutilliinerlu
  • Innaallagissiorfimmi siunertamut aalajangersimasumut suliassat

 

Piginnaasat
Suleqatigiissuusut akuuffiginissaannut pikkorissuussaatit, tamannali ilutigalugu aamma nammineersinnaassallutit. PIffissap ilaani ataatsikkut suliassarpassuaqarsinnaasarpoq, taamaattumillu eqqissisimaarsinnaanerit ataatsimullu isiginnissinnaanerit aamma pingaaruteqarput. Tamakku saniatigut qinnuteqartumi eqqortumi piginnaasat makku pingaartitaapput: 

  • Innaallagissialerisutut ilinniagaqarsimaneq
  • Ingerlatsiviit ivertitikkallu innaallagissatortut aserfallatsaaliorlugillu iluarsaattarnissaannik misilittagaqarneq
  • Naapikkuminartoq qungujunnarsinnaasunullu ungasinnianngitsoq

 

Mittarfeqarfiit neqeroorutigaa
Suliffimmi Kalaallit Nunaanni suliffeqarfinni kajungernarnerpaanngulerluni pissanganartumik ineriartortumi atorfininnissaq. Ullut suliffigisatit avatangiisuni najoqqutassialigaanngitsumi pissapput, tamaani salliutinneqarlutik kiffartuussilluarneq, pitsaassuseqarluinnartuuneq, pimoorussinerlu sakkortooq. Ulluinnarni tamaviaarfissanik assigiinngitsorpassuarnik nuannersunillu suliffigisaq assut assigiinngiiaartoq pissarsiarissavat.

 

Atorfininnermi atugarisassat
Atorfinitsitaaneq isumaqatigiissut atuuttoq malillugu pissaaq, tassani atorfimmut atugarisassat makku ilaassallutik:

  • Malittarisassiat atuuttut malillugit atorfininnermi soraarnermilu akiligaasumik angalaneq
  • Malittarisassiat atuuttut malillugit qaammatit aqqaneq-marluk atorfeqareernermi ukiumoortumik sulinngiffeqarnermi akiliunneqarluni angalaneq
  • Malittarisassiat atuuttut malillugit ineqartitaaneq
  • Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq
  • Isumaqatigiissut malillugu atorfininneq

 

Annermik paasisaqarit
Atorfik pillugu annermik paasisaqarnissaq kissaatigigukku, imaluunniit apeqqutissaqaruit uunga saaffiginninnissannut tikilluaqqusaavutit: Niels Kjærby, e-mail nkj@mit.gl imaluunniit oqarasuaat +299 52 46 15

 

Qinnuteqaat
Atorfinitsitaanissamut naatsorsuutigisaassaguit linkimut ataaniittumut qarasaasiakkut qinnuteqaatit, cv, kiisalu ilinniagaqarsimanermut uppernarsaatit nassiutissavatit, kingusinnerpaamik ulloq 11.august 2020

 

Mittarfeqarfiit Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

Qinnuteqarnissamut killissarititaasoq: aggustip 11.-at, 2020

Atorfik una qinnuteqarfigiuk