Skip to main content
89

Dette jobopslag er udløbet

Kangerlussuarmi iffiortumik ilinniarsimasumik pissarsiorpugut

Hotel Kangerlussuarmut ilinniarsimasumik iffiortussarsiorpugut akunnittarfimmi ineriartortitseqataarusussusilimmik. Aamma ilumoorussillutit pimoorussillutillu ineqartutsinnik pikkorissariartunik ataatsimiigiartunillu pitsaasumik kiffartuusserusussuseqassasutit.

Hotel Kangerlussuarmiittarput ataatsimeersuariartut, pikkorissariartut takornarissallu. Peqatigiilluta Kangerlussuaq orniginarsarusupparput Kalaallit Nunaanni ataatsimeeqatigiinniarluni allatigulluunniit katerititsinissanik aaqqissuusseqatigiinniarluni piukkunnarnerpaanngorsarusupparput. Tamannalu angutserlugu nutaamik suleqatissarsiorpugut.

 

Suliassat 

Unnukkuunerusoq sulisassaatit. Kisimiillutit suliassarnik aallussisartussaassagavit annertuumik namminersorsinnaassuseqartariaqarputit. Suliassavit ilagaat inunnut amerlasuusunut iffiorneq, kaagiliorneq aamma kinguleraliornerit cafeteriamut, neriniartarfimmut kiisalu niuertarfimmut.

 

Illit piginnaasassatit

Iffiortutut ilinniarsimasuuvutit ukiunik pingasuniik tallimanut misilittagaqareerputit. Pitsaassutsimikkut qaffasinnerpaanik suliaqartarnissat pingaartippat ineqartutsinnut ilorrisimaartitserususseqartuuvutit tikeqqinnissaminnut qilanaalereertassapput suliatit ussersimagaangamikkit. Inuttut qanilaassuseqarlutillu naapikkuminartuuvutit inuppassuarnik nunani allaneersunik inuttullu assigiinngiiaartunik peqateqarsinaasussaavutit. Salingaatsuussaatit nerisassiatigullu pitsaassumikkut qaffasissuunissaa anguniartartussaavat sullitatta ilimasuutaat eqquutsillugit.

 

Mittarfeqarfiit neqeroorutigaai:
Suliffik soqutiginartoq, ineriartortoq, sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaannik pingaartitsisoq.

 

Atugaritittassagut

Akissarsiat atorfinitsitaanermilu atugassarititaasut sulinermi kattuffik attuumassuteqarfigisaq naapertorlugu pissapput, taakkulu saniatigut ataani allaqqasut atorfimmut ilaapput. 

  • Malittarisassat atuuttut naapertorlugit atorfinitsitaanermi soraanermi angalaneq 
  • Atorfinitsitaanermut atatillugu angalaneq pisattallu nassiunneqarnerannik, maleruagassat attuutut naappertorlugit akiliunneqarneq
  • Qaammatit aqqaneq marluk atorfeqareernermi feeriarluni angalanermi akiliunneqarneq 
  • Malittarisassat atuuttut naapertorlugit akilersukkamik  ineqartinneqarneq 
  • Piffissaq suliffiusoq sapaatip akunneranut 40 tiiminik sivisussuseqarpoq  
  • Piaarnerpaamik isumaqatigiissuteqarnikkulluunniit atorfininneq

 

Paasisaqaqqikkusukkuit

Siunissami suliffittaarinissaanut periarfissaqarfigisinnaasat uunga iserlutit www.hotelkangerlussuaq.gl misissuataaruk. Atorfik pillugu apeqqutissaqaruit bager mesteri Ludvig Jørgensen attavigiuk uunga  ludj@mit.gl , imaluunniit akunnittarfiup pisortaa Jeppe E. Nielsen uunga jeen@mit.gl  attavigineqarsionnaavoq  Apeqqutigerusutatillu naliginnaasut atorfilinnik sullissivimmut mailikkut apeqquteqarfigikkit uunga: hr@mit.gl 

 

Qinnuteqaat

Atorfik pilerinartikkukku qinnuteqarit, ukiuni kingullerni suliffigisimasatit, ilinniakkatigullu uppernarsaatit ilanngullugit nassiutikkit ataani internetsikkut iserfiusinnaasoq aqqutigalugu kingusinnerpaamik 12. juuli 2020.

 

Hotel Kangerlussuaq

Hotel Kangerlussuaq suliffeqarfiuvoq sinneqartooruteqarneq tunngavigalugu aqunneqartoq Mittarfeqarfinnit pigineqartoq. Hotel Kangerlussuaq hoteliuvoq nutaaliaasoq 70-inik ininut ataasiuttakkanut, marluuttakkanut, ilaqutariinnut aamma ininut kusanasaakkanut agguataarsimasunik initalik. Taassuma saniatigut Hotel Kangerlussuarmi cafémik, cafeteriamik, neriniartarfimmik kusanasaakkanik sassaallerfiusartumik kiisalu baarimik nutaaliaasumik ingerlatsisoqarpoq. Ukiut tamaasa inuit 20.000-it missaanniittut hotelimi unnuisarput. Paasissutissat sukumiinerusut uani atuakkit www.hotelkangerlussuaq.gl

Qinnuteqarnissamut killissarititaasoq: juulip 12.-at, 2020

Atorfik una qinnuteqarfigiuk