Skip to main content
66

IT-qarnermut ikiorti

Mittarfeqarfinnut IT-qarnermut ikiorti

 

Imminut nammineersinnaasutut, unneqqarissutut nuannaartutullu oqaluttuarisinnaavit ullullu ingerlanerani inuppassuit assigiinngitsut suleqatiginissaat kissaatigalugu. IT-mut tunngasumik suliamut pikkorissuseqarlutit sullisserusussuseqarpit? Taava Mittarfeqarfinni IT-teqarmut ikiortitut atorfik illit qinnutigiuk.

 

Suliassatit
Assigiinngitsorpassuarnik suliassartaqartoq ulluinnaat assigiinngiiaartut misigissavatit. Suliassat pingaarnerpaaq tassaassaaq mittarfinni aamma qulimiguullit mittarfiini Kalaallit Nunaanni tarmarmi assigiinngitsorpassuarnik suliassaqartut IT-mik aaqqissuussiffillit suleqatitit ikiussavatit, tamannalu attaveqaqatigiinnermi allakkatigut oqaluttariarsornikkullu pitsaasunik piginnaaneqarnissamik pisariaqartitsivoq. Ikiuisartutut suleqatigiit IT-mik ikiusartut allat marluk peqatigalugit ilagilissavatit.

Attaveqarfipput makkuninnga atugaqarfiusutut aaqqissuussaavoq: VmWare, Citrix, Microsoft aamma HP.

IT-mik ikiuisartutut suleqatitit IT-mik aaqqissuussiffillit makkuninnga ilaatigut ilaqartunik ikiortalissavatit:

  • Mailikkut, oqarasuaatikkut inuttulluunniit saaffiginnissutit aallaavigalugit atuisartunik ikiuisarneq
  • Annikitsumik kiffartuussiffigisartakkanik pc-nik, angallattarissanik naqiterutinillu piareersaasarnerit
  • Atuisartuusut allaffissorfigineri

 

Piginnaasatit

IT-mut tunngasunik ikorfartortitut, assigisaanilluunniit ilinniagaqarputit atorfimmit assingusumit misilittagaqarlutit. Nammineerlutit aaqqissuussaasumillu suliassat suliarisarpatit. Suleqatiginnissinnaanermut pitsaasunik piginnaasaqarputit kiffartuussinissallu siunertaralugu. Nassuiaassinermut pitsaasunik piginnaasaqarputit isumagissaartuullutillu. Kalaallisut danskisullu oqaaseqarnissat naatsorsuutigaarput, tuluttullu oqaaseqarnissaq nuannaarutaassalluni.

 

Mittarfeqarfiit neqeroorutigai:

Suliffeqarfik pissanganartoq ineriartortoq sulisuminut pitsaasunik atugassaqartitsisoq suleqatigiilluarnermillu pingaartitsisoq. Suleqatigiit pingasut, IT-mullu pisortaasoq tamarmik nammineerlutik ataatsimullu suleqatigiittartut akuliuffigissavatit.

 

Sillimaniarnikkut akuerineqarnissaq

Atorfimmut piukkunneqassaguit sillimaniarnikkut akuerineqarnissat piumasaqaataavoq.

 

Atorfinitsitsinermi atugassarititaasut

Namminersorlutik Oqartussat sulisullu kattuffiisa atorfimmut attuumassuteqartup akornanniisumaqatigiissut naapertorlugu atorfinitsitsisoqassaaq.

  • Malittarisassat atuuttut naapertorlugu atorfinitsitaaneq aamma atorfeqarunnaarneq
  • Sapaatip akunneranut piffissaq suliffiusussaq nalunaaquttap akunnerinik 40-nik sivisussusilik
  • Piaartumik immaqaluunniit isumaqatigiissuteqarneq tunngavigalugu atorfininneq

 

Ineqarneq
Atorfimmut inissiamik innersuussisoqarsinnaanngilaq. Pisortaqarfimmi atorfeqarneq aqqutigalugu qinnuteqartoq sulisumut inissiaateqariissappat sulisumut inissiamut innersuussaasumut pisinnaatitsissut attatiinnarneqassaaq. Sulisumut inissiaq atorfeqarnermut attaveqartuuvoq, atorfigisallu pissutsit atuukkunnaarnerani qimanneqassaaq.”

 

Paasisaqarnerugit

Atorfik pillugu paasisaqarnerorusukkuit imaluunniit apeqqutissaqaruit, IT-mut pisortaq Kuluk Heilmann-Larsen attavigisinnaavat: kuluk@mit.gl imaluunniit +299 38 26 60.

Apeqqutit nalinginnaanerusut Sulisoqarnermut Immikkoortortaqarfimmut uunga apeqqutigineqarsinnaapput: hr@mit.gl.

 

Mittarfeqarfinnut tunngasumik uani paasisaqarnerugit: www.mit.gl.

 

Qinnuteqaat

Atorfimmut piukkunneqassaguit qinnuteqaatit, inuuninni sulerisimaninnik allattorsimaffik kiisalu ilinniarsimanermut uppernarsaatit internetikkut attaveqaat ataaniittoq atorlugu kingusinnerpaamik ulloq 13. april 2020 nassiunneqareersimassapput.

 

 

Mittarfeqarfiit suliffeqarfiuvoq sinneqartooruteqarneq tunngavigalugu ingerlanneqartoq Kalaallit Nunaanni Namminersorlutik Oqartussat ataanniittoq. Mittarfeqarfiit Nunatsinni timmisartunut suluusalinnut mittarfinnik, timmisartunut qulimiguulinnut mittarfinnik aamma mittarfimmi akunnittarfinnik marlunnik ingerlatsineq isumagisarai. Ukiumut timmisartunik tingisitsinerit mitsitsinerillu 70.000-it sinnerlugit isumagisarpagut ilaasullu 350.000-it missaanniittut kiffartuuttarlutigit. Sulisut 400-t missaanniippugut. Qullersaqarfik Nuummiippoq.

 

Qinnuteqarnissamut killissarititaasoq: apriilip 13.-at, 2020

Atorfik una qinnuteqarfigiuk