Skip to main content
91

Dette jobopslag er udløbet

Indsatsleder-imik Narsarsuaq-mi Mittarfik pissarsiorpoq

Suliffimmut pissanganartunik suliaqarfiusumut indsatslederimik sulisussarsiorpugut. Sammisamik pimoorussisuuit torersumillu sulinissat pingaartillugu? Ullormullu inuit assigiinngitsorpassuit attaveqarfiginissaat nuannaraajuk? Taava Narsarsuup mittarfiani Qatserinermut annaassiniarnermullu immikkoortortami iliuuseqarnermut aqutsisutut suliffik ilinnut tulluuppoq. 

 

Suliassatit
Ulluinnarni sulineq tamatigoortoq assigiinngitsorpassuarnik suliassalik misigissavat, suliassanik sulisunik aqutsinermik qatserisarfiullu ulluinnarni ingerlanneqarneranik imalik. Suleqatigiit iliuuseqarnermut suliallit suleqatigilissavatit, taakkua paarlakaajaallutik pigaartuusarneq akisussaaffigisarpaat. Taakua saniatigut aamma: 

  • Pigaartuunissamut pilersaarutit suliarinera aamma mittarfeqarfiup suliassaataanik nakkutilliineq
  • Timmisartunik suliaqarneq
  • Illut qamutillu aserfallatsaaliornerat, ukiuuneranilu susassaqarfinni aputaajaanerit
  • Qatserinermut annaassiniarnermullu tunngatillugu sungiusarnerit ingerlaavartut
  • Nammineq qatserisartorisanik sungiusaaneq – illoqarfimmi/timmisartumik qatserineq
  • Ingerlatsinermi aqutsisup peqanngiffiani taartaasarnissaq 

 

Piginnaasatit
Atorfimmut piukkunneqassaguit, mittarfeqarfinnik ingerlatsinermi tunuliaqutaqassaatit, minnerpaamillu ukiuni 2-4 qatserinermik annaassiniarnermillu misilittagaqassallutit. Minnerpaamik piumasaqaatigaarput Iliuuseqarnermi aqutsisuussasutit, timmisartunut. Taakkua saniatigut ukua pingaartippagut: 

  • Iliuuseqarnermi aqutsisuuneq, illoqarfimmi
  • Biilernermut allagartaq angisooq
  • Terminalarbejderitut naammassisimanissaq
  • Tunngaviusumik IT-mik piginnaasaqarneq

 

Mittarfeqarfiit neqeroorutigai
Suliffeqarfik pissanganartoq ineriartortoq, sulisutsinnut atugassarititanik pitsaasunik suleqatigiilluarnermillu pingaartitsisoq ilannguffigissavatit. Suleqatissatit namminersorlutik aammattaaq suleqatigiillutik sulisarput. Atorfimmi piginnaasavit inummiit inummut ilinniartinneqarnikkut, pikkorissarnikkut ilinniaqqinnikkullu ineriartortinnissaannut periarfissagissaassaatit. 

 

 

Atorfinitsitaanermi atugassarititaasut
Kattuffik attuumassuteqarfigisaq naapertorlugu akissarsiaqarneq aamma atorfinitsitaaneq pissaaq. 

  • Malittarisasat atuuttut naapertorlugit atorfininnermi soraarnermilu angalanermi nutsernermilu akiliunneqarneq.
  • Malittarisassat atuuttut naapertorlugit ineqartinneqarneq
  • Piffissaq suliffiusoq sapaatip akunneranut nalunaaquttap akunnerinik 40-nik sivisussuseqartoq
  • Piareeqqasutut pigaartuuneq nunaqarfimmi qatserersartutut

 

Sillimaniarnikkut akuerineqarnissaq
Atorfimmut piukkunneqassaguit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngussissaatit. Allagartaq politeeqarfimmi pissarsiarineqarsinnaavoq. 

 

Paasisaqarnerugit
Atorfik pillugu paasisaqarnerorusukkuit imaluunniit apeqqutissaqaruit, Mittarfimmi driftsleder Peter Johansen attaviginissaanut tikilluaqqusaavutit: pejo@mit.gl imaluunniit oqarasuaat +299 38 28 10. 

Apeqqutit nalinginnaanerusut uunga allalluni apeqqutigineqarsinnaapput: hr@mit.gl

Mittarfeqarfiit pillugit paasissutissat sukumiinerusut uani atuakkit: www.mit.gl

 

Qinnuteqaat
Atorfimmut piukkunneqassaguit, qinnuteqaatit, inuuninni sulerisimaninnik allattorsimaffik kiisalu ilinniarsimaninnut uppernarsaatit internetikkut nittartakkakkut attavik ataaniittoq aqqutigalugu kingusinnerpaamik ulloq 15. marts 2021 nassiunneqassapput. Ataavartumik qaloqatiginninnerit ingerlanneqassapput.

Ilisimatitsissutigissavarput email-ikkut qinnuteqaatit tiguneq ajoratsigit.

 

Mittarfeqarfiit suliffeqarfiuvoq Nunatsinni timmisartunut suluusalinnut 13-inik timmisartunullu qulimiguulinnut 43-nik ingerlatsisoq. Ukiumut 80.000-it sinnerlugit timmisartunik mitsitsillutalu tingisitsisarpugut kiisalu angalasut 350.000-it sinnerlugit sullittarlugit. 400-t missaannik sulisoqarluta Nunatsinni suliffeqarfiit anginersaannut ilaavugut, sulisuvullu niuernerpullu ingerlaavartumik ineriartortinnissaat sulissutigisarlutigu. Taamaasilluta kiffartuussineri ilinniartitaanerillu arlallit neqeroorutigisarpagut, taamaasillutalu inuiaqatigiit ineriartornerannut pitsaasumik tunniussaqartarluta.

 

Qinnuteqarnissamut killissarititaasoq: marsip 15.-at, 2021

Atorfik una qinnuteqarfigiuk