Skip to main content
77

Dette jobopslag er udløbet

Immikkut ittutut imaluunniit HR-imut siunnersartoq, aqutsinermut sulisunullu inatsisaasunut piginnaaffeqartoq

Sulisunut inatsisaasunut aqutsinermullu tunngasunik sulisorisagut pisortagullu siunnersorlugillu ikiorsinnaavigit? Namminersuutigisannik pilersitaqartarpit, suliffinni siamasissumik attaveqarfeqarneq, allaffissorfimmilu HR-imi suliassat iluarisimaarpigit, ilusilersugaasumillu suleriaaseqarpit? Taava immaqa Mittarfeqarfiit HR-iani sulisortaarilerpatsigit.

 

Mittarfeqarfinni ullut suliffigisatit

Mittarfeqarfinni HR tassaavoq HR-imik aqutsisoqarfik, kiisalu ilinniartitaanermut ineriartortitsinermullu immikkoortoqarfik. HR-imi aqutsisoqarfiup ilagilissavaatit, tassaniipput HR-imut siunenrsuisartut marluk aamma immikkoortoqarfiup pisortaa. Suliassat namminersuutigalugit suliarisarpagut, tamatuma saniatigut pisariaqassatillugu immitsinnut ikiorseqatigiittarluta.

 

Anguniagarput tassaavoq sulisunut pissutsini tamani sulisorisat pisortallu ikiorsiisartuni suleqatigerusutaat, aammalu tamatigut kiffartuussinitsinni pitsaalluinnartumik pitsaassuseqartumik suliaqartarnissarput. Tamanna suliassat qitiusut sammisarinerisigut angussavarput, ilanngullugu immikkoortoqarfimmi akimuisumik piginnaasaqarfitta iluaqutiginissaat, aammalu niuerfigisap pisariaqartitaasa qitiutinnissaat.

 

Suliassatit

HR-imi aqutsisoqarfimmii suleqatitit suleqatigalugit mittarfimmi pisortat 13-it, kiisalu sulisunut inatsisilerinikkut apeqqutini pisortat sulisorisallu sinnerinik, aamma ulluinnarni suliassanik isumaginninnermi kiffartuussinissamut akisussaaffeqassaatit.

 

Suliassavit pingaarnerpaat ilaat tassaavoq inuttassarsiuisarnermik ingerlassaqartarnermik isumaginninnissaq, atorfinitsitsinermut isumaqatigiissutissanik suliaqartarnissaq, aamma isumaqatigiissutit, aningaasarsiaqarnermut pissutsit atorfinitsitsinermullu atugassarititat pillugit pisortanik sulisorisanillu siunnersuisarnissaq.

 

Suliassat sinneri tassaapput tamatigoortutut suliassanik isumaginninneq, aammalu assersuutigalugit erninikkut sulinngiffeqarneq, sulinngiffeqarneq, sulinngikkallarneq sulisunullu inatsisitigut pissutsit allat pillugit siunnersuisarnissaq. Taamatuttaaq HR-imi sulisuusut sinneri suleqatigalugit HR-imi suliassaqarifup ineriartortillugulu pitsaanerpaanngorsarnissaanut ilalersuissaatit, ilanngullugu HR-imi aaqqissuussiviup nutaanerusup atuutsittuarnissaa.

 

Ilinnit naatsorsuutigut tassaapput

Ilinniagaqarnermut tunngatillugu assigiinngitsunik tunngaveqarsinnaavutit – allaffissornermik ilinniagaqarsinnaavutit, qaffasissunik ilinniagaqranermik tunngaveqarsinnaavutit, imaluunniit inatsisilerinermit tunngaveqarsinnaavutit. PIngaarnerpaaq tassaavoq suliassanik isumaginnittarnermik misilittagaqarnissat, aammalu sulisunik aqutsinermut inatsisaasunullu ilisimasaqarluarnissat. Tamakku saniatigut inuttariligassami eqqortumi ilisarnaatit makku pingaartinneqassapput:

 

  • Pitsaalluinnartumik piaartumik suliassanik isumaginnittarnermut qularnaarisartuuvutit
  • Eqqortuutitsiniartuullutillu peqqissaartuuvutit, immikkuualuttortat sianigisinnaavatit, aammalu amerlasuunik immikkuualuttortaqarfilimmik suliassaqarfimmik ataatsimut isiginnissinnaanermik isumaginnissinnaanermullu piumassuseqarlutillu piginnaasaqarputit
  • Sulilluarniuteqartutut eqqarsartuuvutit, aammalu nammineq suliassatit ingerlatsisarnitillu pitsanngorsartuarusuttarlugit
  • Tusarnaarsinnaallaqqipputit, inunnillu allanik attaveqarluartuusarlutit
  • Suleqatigiinni ataatsimoorluarfiusumut, immitsinnik pitsaalerulersitsiffigisatsinni ilaarusussuseqarputit
  • Ilisimasannik siammartererusupputit, aammalu suleqatigiinni ingerlatsisinnaavutit
  • Iluassaaq HR-imi aaqqissuussivimmut Mindkeyimut ilisimasaqassaguit.

 

Mittarfeqarfiit neqeroorutigaa

Atorfinitsitsineq Namminersorlutik Oqartussat aamma attuumassutilittut sulisartut kattuffiata akornanni isumaqatigiissut najoqqutaralugu pissaaq. Piffissaq suliffik tassaavoq sap. akunneranut nal. akunneri 40.

 

Suliffigisaq tassaavoq Nuummi mittarfimmi qullersaqarfik, taamaattorli Kalaallit Nunaanni Mittarfeqarfiit sumiiffeqarfiisa sinnerinut 13-inut angalalaartarnissat naatsorsuutigissavat. HR-imi siunnersuisartutut HR-imi aqutsisoqarfimmi immikkoortoqarfiup pisortaa qullersarissavat.

 

Atorfimmut sulisunut inissiassamik innersuussisoqanngilaq. Qinnuteqartoq Namminersorlutik Oqartussani atorfeqarneq aqqutigalugu sulisunut inissiamik innersuussiffioreersimassappat sulisunut inissiamut innersuussamut pisinnaatitaaffik pigiinnarneqassaaq.

 

Annermik paasisaqarit

Atorfimmut apeqqutissaqaruit HR-imi immikkoortoqarfiup pisortaanut Ellen Kristiansenimut sianernissannut tikilluaqqusaavutit, oq. +299 382628-mut imaluunniit mobil +299 562437. Mittarfeqarfiit pillugu annertunermik paasissutissat uani pissarsiarikkit: www.mit.gl.

 

Qinnuteqaat

Atorfinitsitaanissamut naatsorsuutigineqassaguit ataani linki aqqutigalugu qarasaasiakkut qinnuteqaatit cv-llu kingusinnerpaamik pingasunngorneq 15. decembari 2019-imi nassiutissavatit. Saaffiginnissutit allanut isertuussamik suliarineqassapput, qinnuteqaatillu ingerlaavartumik suliarineqassapput.

 

Qinnuteqaatinik mailikkut nassiussanik tigusineq ajornerput ilinnut sianigeqqussavarput.

 

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

 

 

Ansøgningsfrist: 15. december 2019

Søg denne stilling