Skip to main content
93

Dette jobopslag er udløbet

Ilulissat mittarfiani pisortap tullersortissaanik pissarsiorpugut

Pisortatut ilisarnaatigiviuk Iliuusissanik qinersinermi eqqarsallaqqissuullutit, inuttut piumassuseqarluarlutit aamma niuerpalaartumik paasinnillaqqilluinnarlutit? Amma mittarfimmi pisoqarfiulluartumi inerisaaqataallutit suleqataanissat kajumigerujussuarpiuk?

Taamaassimappat, imaassinnaavoq illit atorfissaqartinneqartutit!

Mittarfeqarfiit Kalaallit Airport peqatigalugu Ilulissat mittafiani pisortap tullissaanik Iliuusissanik qinersinermi eqqarsallaqqissumik inerisaanermillu ukkatarinnissinnaasumik pissarsiorput. Mittarfiup siunissaannut piareersaaqataanissat suliaralugu ilikkassavat mittarfeqarfiup isumannaatsumik ingerlanneqarnissaa, pisisartunik ilisimasaqarluarlutit inerisaataalluartumillu ukkataqarluarlutit. Ilulissat Mittarfiat Avannaata Immikkoortuani Nunatsinni nunap iluani timmisartuussinermi qitiulluinnarpoq. Nunatta atortulersugaaneratigut mittarfik qitiulluinnartumik inissisimavoq siunissamilu timmisartunut ilaasorpassuarnut tassaajumaarluni Nunatsinni naapitassat siullerpaaq.

 

Suliffik pillugu
Ilulissat mittarfiani pisortap tullersortissaattut nutaatut atorfeqalerninni ilinniartinneqartussaavutit Ilulissat Mittarfia ingerlatissallugulu inerisassallugu. Atorfik toqqaannartumik mittarfiup pisortaanut atavoq. Ilulissat mittarfiani pisortap tullersortissaatut atorfininnermi siunniunneqartoq tassaavoq Ilulissani nunat assigiinngitsut akornanni mittarfeqarfissami pisortatut sulilernissaa, maannakkut mittarfimmi pisortaasup soraarnerussutisiaqalernissaa qanilliartormat. Ilulissat mittarfiani pisortap tullersortissaa aamma Kalaallit Airport-mut Commissioning Manager-itut atuuffeqassaaq, tamatumani iluarsartuullugu pilersaarusiamik imaqartinneqarluni, tassalu Ilulissani Mittarfissap piareersarnissaa suliarineqartussaalluni. Atorfiusoq maannakkut mittarfiusup ingerlanneqarneranut pisortaanullu atatinneqarpoq aammalu iluarsartuullugu pilersaarusiami Kalaallit Airports-imut atatinneqarluni. Suliffeqarfik atorfinitsitsisoq tassaavoq Mittarfeqarfiit.

Atorfimmi ilinniarfigisassatut ilaatigut makkua ilaatinneqarput:
·Anguniakkatut pingaarnerpaatut mittarfeqarfiup ingerlanneqarneranut akisussaaqataavoq, tamatumani aningaasaqarnermut sulisunullu tunngasut ilanngullugit.
·Niuernertaata inerisarnissaa suliffittullu aaqqissugaanera, pitsaassusersiuinermut tunngasut ilanngullugit, suliffeqartut aaqqissuusaanera, suliassat assigiinngitsut ingerlarni aamma atuuffiit assigiinngitsut.
·Sulisut 20-it missaanniittut ilinniakkaminnik assigiinngitsunik tunulequtallit aqussallugit.
·Qullersaqarfik ingerlaavartumik siunnersorlugit, s.a. atuuffiit pillugit, mittarfeqarfiup ingerlanneqarnerata avataatigut suliassaasut pillugit, s.a. mittarfeqarfissap nutaap pilersikkiartornera.
·Qulakkeerniassallugu mittarfeqarfik nunatsinni aamma nunat assigiinngitsut akornanni piumasaqaataasunut naapertuuttumik pitsaassuseqartoq – minnerunngitsumik isumannaallisaanikkut security-kkullu eqqarsaatigalugu.
·Mittarfeqarfiup sulisui ilisimasaqarnikkut inerisarnissaat, mittarfiup naliginnaasumik suliamut pikkorissusaa, niuerpalaartumik ingerlanneqarnera aamma ataatsimoorneq eqqarsaatigalugu.

 

Ilinnut
Ilinniakkamik tunulequtarisat apeqqutaanerpaassanngilaq, aamma pisariaqassanngilaq, mittarfeqarnermik tunulequtaqarnissat. Misilittakkatit tunngavilersuinermi pingaartinneqarnerussapput, suliaqarfinnillu assigiinngitsuni atorfigisimasatit qinnuteqarninni naleqqunnerusinnaallutik. Taamaattoq naatsorsuutigaarput, piumassuseqarlutit kajumissuseqarlutillu ilisimasassarnik pilersitsissasutit, tamannami tunngaviussammat suliffeqarferujussuaq niuerpalaartumik allanngorarluinnartumilu aaqqissuussaasoq ingerlatissallugulu inerisassallugu.

Inummik avammut ammasumik inoqatiminullu malunnaatilimmik attaveqaqatigiillaqqissumik ujarlerpugut, inunnik suleqateqallaqqissoq inulerillaqqissorlu. Niuerpalaartumik nukittuumik paasinnillaqqipputit, ungasinnerusumut pisussanut pilersaarusiullaqqillutit pisariaqartillugulu naammagittartumillu pilersaarusiornikkut anguniakkani angusinnaagai, avatangiisai niuerpalaartuuppata naalakkersuinikkulluunniit aqutaappata.

Nutaaliornissamik eqqarsallaqqissuuvutit, pisortatullu pissuserisat tassaavoq siuttutut siulliullutit maligassiuisaravit. Ersarissumik oqaloqatiginnillaqqinnerit suleqatinnut allaat isumassarsinarpoq. Ilanngullugu aamma namminersorlutit sulillaqqipputit aalajangiissuseqarluarlutit suliffeqarfiup siumungaaq aallarnissaa sulissutigillaqqillugu.

Ilanngullugu aamma inuttut suliamullu piginnaanerit makkua ujartorpavut:
·Pisisartunik ukkatarinnipputit, aningaasaqarnikkut niuerpalaartumillu eqqarsariallaqqillutit
·Inuttut annertuumik nukissaqartuuvutit aalajangiillaqqissuseqarlutit naammassinnillaqqillutillu
·Pisortaavutit malunnaatilik, suliassanik agguataarinnittoq sulisunillu kaammattuisoq.
·Oqaatsitit eqquutsittarpatit, attaveqariaatsillu ersarillunilu paatsoorneqarsinnaanani.
·Pilersaarusiullaqqillutillu iliuusissanik ujartuillaqqipputit, siunniussamillu takunnillaqqillutit.
·Inuttut inerisimalluarputit qajannaatsuullutillu, imminut ilisarisimalluartoq qaffasissumillu aalajangiillaqqissusilik.
·Suliatit akimut ersersillugit ammasumik ingerlatsillaqqipputit misilittagaqarlutillu, siunniussanik anguniakkanillu piviusunngortitsillaqqipputit, suliat kikkunnut tamanut isumaqalersitsillutillu iluatsilluarnissaat angutserlugu.
·Nunat assigiinngitsut akornanni siunniussaqarluarputit aamma tuluttut allassinnaallutillu oqalussinnaavutit.

Kalaallit kulturiata paasilluarnissaa aamma Nunatsinnut attuumanissat pingaaruteqarsinnaavoq. Ilanngullugu kalaallisut oqaatsivut ilisimanissaat pitsaaqutaassaaq, piumasaqaataanani.

Qulaani allassimasut soqutigissagukkit, periarfissatsialammillu tiguserusukkuit taava mittarfeqarfiit nunatsinniittut ingerlanneqarnerinut sunneeqataasinnaavutit, suliffeqarferujussuarlu pissanganartoq inerisarsinnaallugu, taava una atorfik qularnanngitsumik ilinnoorpoq.

 

Neqeroorfigineqarputit:
Periarfissatsialassuarmik tunineqarputit mittarfeqarfimmi pisortassatut ilinniartinneqassallutit, suliffeqarfimmi ineriartorfiujuaannartumi.

Ilanngullugu neqeroorutigineqarpoq:
·Akissarsiatigut atugassarititat unammillersinnaasut.
·Ilinnut ilaquttannullu atorfininnernut tunngasumik angalaneq.
·Atorfininnermi pisattat nutserneqarnerat.
·Malittarisassat atuuttut malillugit atorfik aqqutigalugu ineqartitaaneq.

 

Isumannaallisaanermi akuerineqarneq:
Atorfeqalersinnaanermut isumannaallisaanermi akuerineqarnissaq piumasaqaataavoq. Taamaammat pinerluuteqarsimannginnermit nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq imaluunniit uani www.sullissivik.gl   

Paasisaqarnerorusukkuit
Atorfigiligassatut periarfissaasumut paasisaqarnerorusukkuit, tikilluaqquneqarputit Ingerlatsinermi direktøri Niels Grosen oqarasuaammi + 299 38 26 01 attavigissallugu.

Apeqqutit naliginnaanerusut HR-ip immikkoortortaqarfianut mail: hr@mit.gl.

Mittarfeqarfiit pillugit paasisaqarnerorusukkuit uani takusinnaavatit www.mit.gl

 

Qinnuteqaat:
Atorfik soqutigigukku kaammattussavatsigit qinnuteqaatit, CV, kiisalu ilinniagaqarnermut uppernarsaatit nassiuteqqullugit, online aqqutigalugu ataani tuugassaq toorlugu kingusinnerpaamik pingasunngornermi

30. december 2021.  Saaffiginninnerit tamaasa isertortumik suliarineqartarput. Atorfinitsitsinissaq pillugu oqaloqatiginninnissat ingerlaavartumik ingerlanneqassapput.

 

Qinnuteqaatit maili aqqutigalugu nassiussat tiguneq ajorpagut.

 

Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 400.000-it sinnerlugit kiffartuuttarlutigit. 400-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

Mittarfeqarfiit 2017-imi aamma 2021-mi ukiumi suliffittut suliaqarluarfiulluartutut nersornaasigaavoq.

Qinnuteqarnissamut killissarititaasoq: decembarip 30.-at, 2021

Atorfik una qinnuteqarfigiuk