Skip to main content
89

Dette jobopslag er udløbet

Ilulissani mittarfeqarfik ataatsimik angallannermi assistentimimik sulisussarsiorneq

Angallannermi assistentitut imaluunniit ilaasunik kiffartuusisutut ilinniarsimavit? Kiffartuussilluarnissallu pingaartippiuk? Ataatsikkut assigiingitsorpassuarnik suliaqarsinnaavit, allallu sulilluarnissaannik kaammattuisinnaavit? Taava Ilulissani angalanermi assistentitut atorfik ilinnut naleqqussimassaaq.

 

Suliassat:

  • Ulluinnarni ilaasunik nassatanillu suliaqarneq.
  • Timmisartuutileqatigifiit suliassaanik sullissineq.
  • Allafissornermi suliassat.
  • Securitymi suliassat

 

Piginnaasat:

  • Angallannermi assistentitut imaluunniit ilaasunik kiffartuussisutut ilinniarsimanissat kissaatiginarpoq
  • Kalaallisut, danskisut tuluttullu oqaalussinnaaneq.
  •   Sullissilluarnissamik pingaartitsisuusaatit, tamannami sullissat pitsaanerpaamik paasissutissinneqartarnissaanut pisariaqarluinnarmat.

 

Mittarfeqarfiit neqeroorutigaai:

Suliffik soqutiginartoq, ineriartortoq, sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaanik pingaartitsisoq.

 

Sillimaniarnermi akuerisaaneq

Suliffimmi atorfinissaguit sillimaniarnermi akuerisaassaatit.

 

Pinerluttulerinermi nalunaarsuiffimmit takussutissiaq ilanngullugu nassiutissavat. Taanna najukkanni politiini imaluunniit www.sullissivik.gl pissarsiarisinnaavat.

 

Atorfeqarnermi atugassarisat

Akissarsiat atorfeqarnermilu atugassarisat sulisut takkuffiannut isumaqatigiissut malillugu. Taamaattoqanngippat immikkut isumaqatigiissut atorlugu atorfinittoqarsinnaavoq.

 

Paasissutissanik annertunerusunik pissarsigit

Atorfik pillugu annertunerusunik paasisaqarusukkuit apeqqutissaqaruilluunniit mittarfimmi pisortq Hans Chr. Lyberth e-mailikkut hcl@mit.gl imaluunniit oqarasuaatikkut +299 38 27 31 attaviginissaanut tikilluaqqusaavutit.

Apeqqutit tamanut tunnganerusut pillugit HR-imi immikkoortortaqarfimmut nassiunneqassapput: HR@mit.gl

 

Qinnuteqaat

Atorfinitsitsiniarnermi eqqarsaatigineqartunut ilaassaguit qinnuteqaatit, cv ilinniarnermilu uppernarsaatit mailikkut ataani adressi atorlugu kingusinnerpaamik ulloq 3 februar 2020 nassiutissavatit.

 

Mittarfeqarfiit - Grønlands Lufthavne Kalaallit Nunaanni mittarfinnik 13-inik helipadsinik 46-nik mittarfinnilu akunnittarfinnik marlunnik ingerlatsivoq. Suliffeqarfik aallarnerit minnerillu 60.000-t sinnerlugit sullitarisarpai, ukiumullu ilaasut 350.000-t sinnerlugit sullittarlugit. Sulisut 400-t missaniillutik nunatsinni suliffeqarfiit anerit ilagaat aammalu sulisutta suiffeqarfiullu ineriartortuarnissaat sulissutigisarparput. Taamaalilluta sullississutinik ilinniarnernillu arlalissuarnik neqerooruteqartarpugut, tamassumanilu inuiaqatigiit ineriartornerannut pitsaasumik taperseeqataasinnaalluta.

 

Qinnuteqarnissamut killissarititaasoq: februaarip 3.-at, 2020

Atorfik una qinnuteqarfigiuk