Skip to main content
122

Dette jobopslag er udløbet

Ikkuteqqitaq: Paamiuni Mittarfimmut AFIS Operatørimik/Check in assistentimik pissarsiorpugut

Arlalinnik isumaginninnissaq pikkoriffigaajuk? Atorfik una tassaavoq atorfik arlalinnik ingerlatsiviusussaq, Paamiunut timmisartuussisoqarnerani AFIS operatøriullutillu check in assistentiussallutit. AFIS operatøritut check in assistentitullu suliffik timmisartuussisarnerup iluani tassaavoq pissanganartoq, pisunik arlalippassuarnik isumaginnissinnaanerinut misileraaffigisassat. Suleqatigiilluartut ilagilissavaatsit, tassaasut sulisut qulit aamma AFIS?imik sulisoq ataaseq. Piaarnerpaamik, imaluunniit isumaqatigiissutigisamik atorfinitsitsisoqassaaq.


Suliassatit:

  • Mittarfimmi timmisartuussinissamik ilisimatitsisarneq aamma ajutoornermi kalerrisaarisarneq
  • Silasiortarneq
  • Pisussat pillugit paasititsiniaanermik suliassat
  • Mittarfimmi nalunaarsuisarfinnik allattuisarneq, allaffissornermilu suliassat allat
  • Qaammammi nakkutiginnittussanik pilersaarummi aalajangersimasumi ilanngunneq, aammali unnuakkut sapaassuarni piffissap ilaani suliartoqqusaasarnissaq naatsorsuutigineqassaaq
  • Ilaasut isumaginerannik, assartugassanik isumaginninnermik ulluinnarni suliassat
  • Timmisartuussinermik ingerlatseqatigiiffinnut iliuusissatut suliassat
  • Allaffissorfimmi suliassat


Piginnaasatit:

  • (Minnerpaamik) AFI-tut suussutsimut atuuttumik AFIS-uppernarsaateqarnissaq
  • Silasiortartutut ilinniagaqarsimaneq
  • Politiinit isumannaallisaanermut tunngatillugu akuerineqarsinnaanissaq
  • Piumasaqaataanngitsumik OJTI-mik pikkorissarsimanermik atuuttumik peqartoqarsinnaavoq
  • Timmisartuussisarnerup iluani ukiup affaanik-ataatsimik misilittagaqarneq


Mittarfeqarfiit neqeroorutigaat:

  • RAF-ip isumaqatigiissutaani atorfinitsitaaneq
  • Malittarisassiat atuuttut malillugit sulisut inissaanniititaaneq
  • Malittarisassiat atuuttut malillugit atorfinitsitaanermi akilikkamik angalanissaq pigisanillu nuussaqarnissaq


Isumannaallisaanermut tunngatillugu akuerisaaneq:

Atorfimmut piukkunnaateqarnissannut isumannaallisaarnermut tunngatillugu akuerineqarsinnaanerit piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiutissavat. Taanna najukkami politeeqarfimmi imaluunniit sullissivik.gl-imi pissarsiarineqarsinnaavoq.


Annermik paasisaqarusukkuit:

Atorfik pillugu annermik paasisaqarusukkuit imaluunniit apeqqutissaqaruit Mittarfiup pisortaa Hugo Geisler Svennsonip attaviginissaaanut tikilluaqqusaavutit, oqarasuaat +299 38 27 91, imaluunniit maili una aqqutigalugu: hugs@mit.gl

Apeqqutit nalinginnaanerusut HR-mik immikkoortoqarfimmut nassiutissapput, maili una aqqutigalugu: hr@mit.gl


Qinnuteqaat:

Atorfimmut piukkunnaateqassaguit qinnuteqaatit, cv, kiisalu ilinniakkanut uppernarsaatit qarasaasiakkut nassiutissapput kingusinnerpaamik ulloq 18. januar 2019, linki ataaniittoq aqqutigalugu.

Send din ansøgning via dette link:

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.