Skip to main content
89

Dette jobopslag er udløbet

Ikkuteqqitaq: Mittarfik Kangerlussuaq terminalarbejderinik marlunnik pissarsiorpoq

 

Suliffeqarfimmi pissanganartumi nunanilu tamalaanisut avatangiisilimmi suliffissannik ujarlerpit?

Terminalarbejderitut ilinniagaqarpit ullullu tamaasa suliamik pitsaasumik naammassinninnissaq silaannarissumiiutigalutit nuannaraajuk? Taava Mittarfik Kangerlussuup immaqa suliffissaqartippaatit.

 

Suliassat:
Pissanganartunik assigiinngissitaartunillu suliassaqassaatit ullullu tamarmik assigiinneq ajorput. Ilaatigut makkuninnga suliaqassaatit:

  • Timmisartulerineq – timmisartunik usingiaaneq usilersuinerlu
  • Aputaajaaneq
  • Qatserineq annaassiniarnerlu kiisalu imaani annaassiniarnermik suliaqarneq
  • Suliassat takkussuuttut allat

 

Piginnaasat:
Naatsorsuutigaarput, terminalarbejderitut ilinniarsimasuunissat, suliartortuaannartutit, tunniusimasoq, kiffartuussillaqqissutillu. Taakkua saniatigut atorfimmi makkuninnga piumasaqarfigineqassatit;

  • Maskiinalerisinnaaneq
  • Mittarfinnik ingerlatsinermik misilittagaqarneq
  • Kalaallisut danskisullu oqalussinnaaneq
  • Peqqissuuneq
  • Biilinik ingerlatsisinnaanermut allagartaqarneq
  • Pinerluuteqarsimannginnermik uppernarsaateqarneq

 

Mittarfeqarfiit neqeroorutigai:
Suliffeqarfik pissanganartoq ineriartortoq, sulisuminut atugassarititanik pitsaasunik suleqatigiillu suleqatigiilluarnerannik pingaartitsisoq. Sulisut 3-6 tamarmik kisimiillutik allanillu suleqateqarlutik sulisut akuliuffigissavatit. 

 

Atorfinitsitaanermi atugassarititaasut:
Atorfinitsitaaneq SIK-p isumaqatigiissutaa ilaatigut ukunannga imaqartoq naapertorlugu pissaaq:

  • Malittarisassat atuuttut naapertorlugit ineqartinneqarneq
  • Malittarisassat naapertorlugit atorfinitsitaanermut atatillugu angalanermi akiliunneqarneq
  • Malittarisassat atuuttut naapertorlugit qaammatit aqqaneq marluk sulereernermi ukiumoortumik sulinngiffeqarnermi akiliunneqarluni angalaneq
  • Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq.
  • Isumaqatigiissuteqarneq naapertorlugu atorfinitsitaaneq pissaaq

 

Paasisaqarnerugit:
Atorfik pillugu paasisaqarnerorusukkuit imaluunniit apeqqutissaqaruit, Driftsleder Dennis Jørgensen-imut attaveqarnissannut tikilluaqqusaavutit oqarasuaat +299 52 42 09. Apeqqutit naliginnaanerusut Sulisoqarnermut Immikkoortortaqarfimmut uunga mailikkut allannikkut apeqqutigineqarsinnaapput: hr@mit.gl

 

Sillimaniarnikkut akuerineqarneq:
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik qinnuteqaatinnut ilanngullugu pinerluuteqarsimasut nalunaarsorfianniit uppernarsaammik nassiussissaatit. Taanna najukkanni politiini oqartussani imaluunniit www.sullissivik.gl aqqutigalugu pissarsiarineqarsinnaavoq.

 

Qinnuteqaat:
Atorfimmut piukkunneqassaguit qinnuteqaatit, inuuninni sulerisimaninnut allattorsimaffik kiisalu ilinniarsimanermut uppernarsaatit internetikkut attavik ataaniittoq aqqutigalugu kingusinnerpaamik ulloq 11. august 2019 nassiunneqassapput.

 

Mittarfeqarfiit Kalaallit Nunaanni mittarfiit 13-it heliportillu 43-t ingerlappaat. Ukiumut aallartut mittullu 60.000-t sinnerlugit isumagisarpagut ilaasullu 350.000-it sinnerlugit sullittarlugit. 450 missaanni sulisoqaratta nunatsinni suliffeqarfiit annersaasa ilagaatigut, aammalu sulisutta suliffeqarfittalu ineriartortinnissaat sulissutigiuarlugu. Taamaalilluta sullissinerit ilinniarnerillu arlalissuit neqeroorutigisarpagut, taamaaliornitsinnilu inuiaqatigiit pitsaasumik ineriartornissaannut tapersiisinnaavugut.

Qinnuteqarnissamut killissarititaasoq: aggustip 11.-at, 2019

Atorfik una qinnuteqarfigiuk