Skip to main content
111

Dette jobopslag er udløbet

Ikkuteqqitaq: Hotel Narsarsuarmut igasoq ilinniarsimasoq

Hotel Narsarsuarmi igaffiup ineriartortinnissaa peqataaffigerusuppiuk, aammalu ilaatigut nunatsinnit nerisassiassat atorlugit nerisassat suliarilluakkat sassaalliutiginissaat pingaartippiuk? Taava igasutut atorfik immaqa ilinnut naleqquteruttortoq. Aalajangersimasumik atorfeqartussamik igaffitsinnut igasoq akisussaaffeqarlunilu pitsaassutsinik ilisimasalik ujarparput.

Suliassaqarfik

Akunnittarfimmi cafeteria, aamma Kalaallit Nunaanni neriniartarfiit kusanarnerpaamik inissisimaffeqartut ilaat igaffiup sullitarai.

Tassaassaatit nunatsinnit nerisassiassanik pingaarnerutitaqartunik nerisassat toqqartugassat nutaat ineriartortitaanerini, kiisalu ilinniagaqartuutitta ilinniartitarinerini pingaarutilittut inissisimafffeqassaatit.

Suleqatigiissut qiimasut, sulisorisat 8-10 (pisoqarfiunerpaap nalaata avataani ikinnerulaartartut) aamma igaffiup pisortaanik inuttaqartut ilagilissavaatsit.

 

Piginnaasat

  • Igasutut ilinniagaqarsimavutit – ukiullu arlerlugit misilittagaqarlutit
  • Kissartunik nillertunillu igasarfimmi nutaaliortarnissamut nukissaqarlutillu piumassuseqarputit
  • Allanngorarnerit, nutaanik isumaliortarnerit iluaraatit, aammalu imaaliallaannaq iluarinninneq ajorputit, isumassarsianillu nutaanik kaammattorneqartarlutit
  • Piaartumik, aaqqissuusaasumillu suliaqartarputit, tamannalu ilutigalugu pitsaassusissaq alaatsinaaffigalugu
  • Nuannaartuuvutit, nukissaqarluarlutit suleqatigiinnullu ilorraap tungaanut ilapittuillutit
  • Ulluinnarni pissusissamisoortutut atugarisattut imminut aqussinnaaneq ilaatippat

 

Mittarfeqarfiit neqeroorutigaat

  • Aningaasarsiat atorfinitsitaanermullu atugassarisat kattuffik attuumassutilik naapertorlugu pissapput. Taama ittumik peqanngippat inummut ataasiakkaamut isumaqatigiissuteqarnikkut atorfinitsitsisoqarsinnaavoq
  • Mittarfeqarfimmut malittarisassiat atuuttut malillugit sulilernermi soraarnermilu angalanerit akilerneqartut
  • Mittarfeqarfimmut malittarisassiat atuuttut malillugit pisattat nuunneri aamma inissiassaq
  • Pinngortitami kusanartumi atorfinitsitaaneq, tamaani immami angalaarnissami, nunami pisuttuarnissamut, aalisarnermut, piniarnermut, sisorarnermut, qamuteralannermut il.il. periarfissaqarluni

 

Sillimaniarnikkut akuerineqarneq

Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkanni politiitut oqartussani pineqarsinnaavoq.

 

 

Annermik paasisaqarit

Atorfik pillugu apeqqutissaqaruit akunnittarfiup pisortaa Kunuk Storch Grønvoldimut saaffiginninnissannut tikilluaqqusaavutit, oqarasuaat angallattagaq +299 66 52 53, imaluunniit mailikkut uunga: kusg@mit.gl. Apeqqutit nalinginnaanerusut Sulisoqarnermut Immikkoortortaqarfimmut uunga mailerlutit apeqqutigisinnaavatit: hr@mit.gl.

 

Qinnuteqaat

Atorfimmut naatsorsuussaaniaruit qinnuteqaatit, cv, pinerluuteqarsimasunik nalunaarsuiffimmit naqitaq, kiisalu ilinniagaqarnermut uppernarsaatit qarasaasiakkut ataani linki aqqutigalugu kingusinnerpaamik ulloq 26. august 2019 nassiutissapput.

 

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.


Qinnuteqarnissamut killissarititaasoq: aggustip 26.-at, 2019 

Atorfik una qinnuteqarfigiuk