Skip to main content
100

Ikkuteqqitaq: Hotel Narsarsuaq igaffimmi pisortassarsiorpoq!

Piaartumik atorfinittussamik igaffimmi pisortassarsiorpugut, immikkuullarissumik tikeraatta tamakkiisumik misigisaqarnissaannik anguniagarput sutigut tamatigut immikkut ittumik pitsaassusilik timitalersueqataaffigalugulu ineriartortitseqataasussamik.

 

Hotelip aqutsisui allat suleqatigalugit hoteli ineriartortitseqataaffigissavat aqutseqataaffigalugillu neriniartarfik, cafeteria aammalu ataatsimeersuartarnernik aaqqissuussisarneq, taamaasilluta pissutsinut nunani allaniittunut nallersuussinnaanngorluta.

 

Igaffik akisussaaffigisat Hotel Narsarsuullu hotelip pisortaanut hotelillu ittuanut toqqaannartumik attaveqarlutit aqutsisunut ilanngutissaatit. Igaffimmi sulisunut tamanut 8-10  missaanniittunut aqutsinermik missingersuusiornikkullu akisussaaffik tamakkiisoq akisussaaffigissavat.

 

Sulisut piginnaasartuut peqatigalugit nerisassat inniminnerneqarsinnaasut allattorsimaffiat, ataatsimeersuarnermi neqeroorutit, festinik aaqqissuussinerit, pilersuisunut attaveqarneq, pisiniarneq kiffartuussinerlu ineriartortinnissaat akisussaaffigissavatit. Taamatuttaaq aamma pitsaassutsikkut anguniakkat, kiffartuussineq aningaasaqarnerlu qitiutillugit taakkuninnga atuutsitsinissaq hotel ataatsimut ilisarnaatigerusutai qulakkiissallugit akisussaaffigissavatit.

 

Attaviginnittartuuvutit aqutsisuullutillu ersarissoq qiimalluni oqartussaassusilik. Eqqissisimasuuvutit aqutsisuunerillu pillugu eqqissisimasuullutit – inunnillu peqataatitsinikkut ineriartortitsinikkullu qitiutitsinikkut inunnik ineriartortitsisarlutit. Igaffimmoi suliassat saniatigut allaffimmi suliassat suliarinissaat ajorinngilat. Piumasaqaatit pitsaassutsimut kiffartuussinermullu tunngassuteqartut pillugit naaperiaanermi pitsaasumik oqimaaqatigiissaarisinnaavutit kiisalu ingerlatsinermik aningaasaqarnermillu qitiutitsillutit.

 

Suliassatit

  • Igaffimmi ulluinnarni ingerlatsinermi ingerlaavartumillu tamakkiisumik sulinermik akisussaaffeqarneq
  • Ingerlatsinermik pisiniarnissamillu pilersaarusiorneq
  • Immikkoortortami ingerlatsinermi/ingerlariaatsinik qulakkeerineq ineriartortitsinerlu: Iliuusissatut pilersaarusiorneq, periusiorneq suleriaatsinillu suliaqarneq
  • Ulluinnarni sulisunik aqutsineq, siunnersuineq aamma kajumissaarineq, ilaatigut immikkoortortami ataatsimiinnernut atatillugu
  • Immikkoortortami sulisunik ineriartortitsinermik sungiusaanermillu akisussaaffeqarneq

Neqeroorutigaagut

  • Hotelip ”Kalaallit Nunaanni Pitsaanerpaaq”-mik hotelinngornissaanut takorluukkatsinnut immikkuullarissumut suleqataanissat
  • Suliffeqarfimmi sukkasuumik ineriartortumi aqutsisoqatigiinnut ilanngunnissat
  • Atorfik namminersorfiusoq, suleqatitit peqatigalugit takuneqarsinnaasunik angusaqarfiusoq

Naatsorsuutigaarput

  • Atorfimmit assingusumit misilittagaqarneq
  • Ulloq unnuarlu ingerlatsinermut peqataassallutit nuannarivat
  • Nerisassat imigassallu aqqutigalugit sullitatsinnut immikkuullarissumik sullisserusussuseqarlutit
  • Peqataatitsineq, attaveqarneq nuannaraat sulisunullu arlalinnik piumasaqaateqarsinnaallutillu naatsorsuutiginnissinnaavutit
  • Pulaartunut ammasuuvutit, tuniniaallaqqillutit tatiginnilersitsisinnaallutillu
  • Ingerlatsininni, allaffissornermi aningaasaqarnermilu torersumik suleriaaseqarputit

Sillimaniarnikkut akuerineqarnissaq

Atorfimmut piukkunneqassaguit sillimaniarnikkut maleruagassat atuuttuut malillugit akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq imaluunniit uani www.sullissivik.gl .

 

Atorfinitsitaanermi atugassarititaasut
Atorfinitsitaaneq isumaqatigiissut atorfinittumut aalajangersimasumik attuumassuteqartoq naapertorlugu pissaaq. Taamaattumik pisoqarsinnaanngippat isumaqatigiissuteqarneq tunngavigalugu atorfinitsitaaneq pissaaq. Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq. Isumaqatigiissuteqarnikkut atorfinitsitaaneq pissaaq.

 

Paasisaqarnerugit
Atorfik pillugu apeqqutissaqaruit hotelip pisortaanut Kunuk Storch Grønvoldimut email: kusg@mit.gl imaluunniit tlf.: +299 56 07 85 sianersinnaavutit.

 

Qinnuteqaat
Atorfimmut piukkunneqassaguit, qinnuteqaatit, inuuninni sulerisimaninnik allattorsimaffik kiisalu ilinniarsimanermut uppernarsaatit internetikkut attaveqaat aqqutigalugu kingusinnerpaamik ulloq 26. august 2019 nassiutissavatit.

 

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

Qinnuteqarnissamut killissarititaasoq: aggustip 26.-at, 2019

Atorfik una qinnuteqarfigiuk