Skip to main content
142

Dette jobopslag er udløbet

Hotel Narsarsuarmut handymanit marluk

Hotel Narsarsuaq ineriartortuullunilu suliffik pissanganartoq piaarnerpaamik atorfinitsitassamik, imaluunniit erseqqinnerusumik isumaqatigiissuteqarfigisamik handimanissarsiorpoq.

 

Suliassat:

Suliarisassatit pissanganarlutillu tamatigoortuussapput, ullullu tulleriit assigiinngisaannassapput. Ilaatigut makku suliaqarfigisassavatit:

  • Shuttle bussimi aquttoq
  • Akunnittarfimmi suliassat takkuttartut
  • Aserfallatsaaliuinerit annikitsunillu iluarsaassisarnerit

 

Piginnaasat:

Pisunut assigiinngisitaartunut timikkut tarnikkullu piginnaaneqassaatit, tamaviaarfissat piareersimaffigissallugit aammalu tamakku pimoorullugit isumaginiartassallugit. Sulineq nuannaarnartippat suleqateqarnerlu iluaralugu, aammali namminersuutigisannik ingerlatsisinnaavutit, tamakkulu saniatigut makkuninnga piginnaasaqarputit:

  • Biilinik ingerlatsinissamut imaluunniit inuutissarsiortutut biilinik ingerlatsinissamut allagartaqarneq
  • Kalaallisut danskisullu oqalussinnaavutit, tuluillu oqaasiinik atuisinnaaguit iluaqutaaginnassaaq
  • Aalaakkaasuuvutit, sungiussiasuuvutit, ullullu ingerlanerani suliassat assigiinngitsorpassuit isumaginissaanut piareersimavutit

 

Atorfinitsitaanermi atugassarisat:

Atorfinitsitsineq SIK’p isumaqatigiissutaanik tunngaveqarpoq, ilaatigut tassani makku ilaallutik:

  • Malittarisassiat atuuttut malillugit ineqartitaaneq
  • Malittarisassiat atuuttut malillugit atorfininnermi akilerneqartumik angalaneq, pisattanillu nuussineq
  • Qaammatit 12-it atorfeqareernerup kingorna illoqarfimmut angerlarsimaffimmut akilikkamik angalasinnaaneq
  • Sapaatip akunneranut sulinerup nalaa nal. akunneri 40-nik sivisussuseqarpoq
  • Isumaqatigiissut malillugu atorfininneq

 

Isumannaallisaanermut akuersissut:

Atorfimmut naatsorsuutigineqassagaanni politiinit isumannaallisaarnermut akuersissuteqarnissat pisariaqartinneqarpoq. Taamaattumik pinerluttulerinermik nalunaarsuiffimmit naqitaq ilanngullugu nassiuguk. Taanna najukkami politiit pisortaqarfianni pissarsiarineqarsinnaavoq, imaluunniit uani:

www.sullissivik.gl.

 

Annertunermik paasisaqarusukkuit:

Atorfik pillugu annertunermik paasisaqarusukkuit imaluunniit apeqqutissaqaruit Akunnittarfiup pisortaanut Kunuk Stoch Grønvoldimut saaffiginninnissannut tikilluaqqusaavutit, oqarasuaat +299 38 28 40, imaluunniit mailikkut: kusg@mit.gl. Apeqqutit nalinginnaanerusut HR-imik immikkoortoqarfimmut mailikkut uunga nassiutissapput: hr@mit.gl.

 

Qinnuteqaat:

Atorfimmut naatsorsuutigineqassaguit kingusinnerpaamik ulloq 11. juli 2019-imi linki ataaniittoq aqqutigalugu qarasaasiakkut qinnuteqaatit, cv, ajornanngippallu ilinniagaqarsimanermut uppernarsaatit nassiutissavatit.

 

 

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

Qinnuteqarnissamut killissarititaasoq: juulip 11.-at, 2019

Atorfik una qinnuteqarfigiuk