Skip to main content
112

Hotel Narsarsuaq ullaakkoortartussamik igasussarsiorpoq

Nerisassat piareersarluarsimasut sassaalliutiginissaat ataqqinaatigiumasarpiuk, nerisassiornerlu nuannaraajuk? Taava Hotel Narsarsuarmi ullaakkut igasutut atorfik ilinnut tulluulluinnarpoq. Sulisumik akisussaassuseqartumik eqaatsumillu suleriaasilimmik piaartumik imaluunniit isumaqatigissuteqarnikkut sulilersussamik sulisussasiorpugut.

 

Suliassat 

Hotel Narsarsuarmi igaffimmi ullaakkoortartutut suliffeqassaatit. Hotel Narsarsuarmi ukiumut inunnut 8000-it missaanniittunut nerisassanik sassaalliisarpugut. Igaffimmi sulisut 8-10-t missaanniipput, igaffimmi pisortaq ullormut nerisassiornermi suleqatigineqartarpoq. Suliassatit tassaassapput:

  • Ullaakkorsiutinik kantinemilu sassaalliutissanik nerisassiorneq
  • Nerisassiornissamut piareersaaneq
  • Eqqiluisaarnissamut nakkutiginninneq
  • Suliassanik takkussuuttunik suliaqarneq

 

Piginnaasat:

  • Nerisassanik ikiortitut ilinniarsimaneq imaluunniit cafeteriami, igaffimmi, kantinami imaluunniit nerisassanik suliaqarnermik kiisalu kiffartuussinermi sivikinnerpaamik ukiuni 3-5-ini misilittagaqarneq
  • Nerisasserinermik sivikinnerpaammik ukiuni marlunni misilittagaqarneq
  • Pitsaasumik pissuseqarneq, eqaatsumik suleriaaseqarneq, peqqissaartuuneq sulinermilu ulapaarluni avatangiiseqarluni sulinermik sungiusimasaqarneq
  • Nammineerluni sulisinnaaneq, kiisalu pitsaasunik suleqatigiinnermut piginnaasaqarneq

 

 Mittarfeqarfiit neqeroorutigai:

  • Kattuffik attuumassuteqarfigisaq naapertorlugu akissarsiaqarneq aamma atorfinitsitaaneq. Taamaattoqanngippat, atorfinitsitaaneq isumaqatigiissut atorfinittussamut toqqartoq isumaqatigiissutigalugu atorfinittoqarsinnaavoq
  • Atorfinitsitaanermi soraarnermilu malittarisassat atuuttut malillugit angalanermik akiliunneqarneq
  • Mittarfik Narsarsuarmi malittarisassat atuuttut naapertorlugit pequsersukkamik ineqartinneqarneq
  • Illoqarfigisamut ukiumoortumik angalanermik akiliunneqarneq – qaammatit 12-it atorfeqareernermi
  • Pisattat umiarsuakkut 200 kg imaluunniit timmisartukkut 75 nassiunnerannik akiliunneqarneq

 

Sillimaniarnikkut akuerineqarnissaq
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngussissaatit. Immersugassaq politeeqarfimmi pissarsiarineqarsinnaavoq.

Paasisaqarnerugit
Atorfik pillugu apeqqutissaqaruit Hotelimi pisortaq Kunuk Storch Grønvold uani mobil +299 56 07 85-mut mail: kusg@mit.gl attaviginissaanut tikilluaqqusaavutit. Apeqqutit nalinginnaanerusut Sulisoqarnermut Immikkoortortaqarfimmut mailikkut uunga apeqqutigineqarsinnaapput: HR@mit.gl   

 

Qinnuteqaat

Atorfimmut piukkunneqassaguit qinnuteqaatit inuuninni sulerisimaninnik allattorsimaffik kiisalu ilinniagaqarsimanermut uppernarsaatit internetikkut attaveqaat ataaniittoq atorlugu kingusinnerpaamik 23. september 2019 nassiunneqassapput.

 

Mittarfeqarfiit suliffeqarfiuvoq Nunatsinni timmisartunut suluusalinnut 13-inik timmisartunullu qulimiguulinnut 46-nik ingerlatsisoq. Ukiumut 80.000-it sinnerlugit timmisartunik mitsitsillutalu tingisitsisarpugut kiisalu angalasut 800.000-it sinnerlugit sullittarlugit. 400-t missaannik sulisoqarluta Nunatsinni suliffeqarfiit anginersaannut ilaavugut, sulisuvullu niuernerpullu ingerlaavartumik ineriartortinnissaat sulissutigisarlutigu. Taamaasilluta kiffartuussineri ilinniartitaanerillu arlallit neqeroorutigisarpagut, taamaasillutalu inuiaqatigiit ineriartornerannut pitsaasumik tunniussaqartarluta.

 

Qinnuteqarnissamut killissarititaasoq: septembarip 23.-at, 2019

Atorfik una qinnuteqarfigiuk