Skip to main content
133

Dette jobopslag er udløbet

Hotel Narsarsuaq saaffiginnittarfimmi pisortassarsiorpoq

Hotel Narsarsuaq ulluinnarni siulersuinermik isumaginnissinnaasussamik, aamma saaffiginnittarfimmi suliassanut tamakkununnga assigiinngitsorpassuarnut akisussaasuusinnaasumik saaffiginnittarfimmi pisortamik piginnaasalimmik pisariaqartitsivoq. Akunnittarfiup ingerlatarineranut niuernermut tunngatillugu akunnittarfimmi pisortaq suleqatigalugu saaffiginnittarfiup pisortaa akisussaaffeqassaaq.

 

Saaffiginnittarfimmi sulisunut, handymaninut, housekeepingimut, tammajuitsussanik pisiniarfimmut, imerniartarfimmut errorsisarfimmullu pisortatut siulersuinermi saaffiginnittarfimmi pisortaq akisussaaffeqassaaq, akunnittarfiullu pisortaanik qullersaqassalluni.

Piaarnerpaamik atorfinitsitaaneq, imaluunniit erseqqinnerusumik isumaqatigiissuteqarnikkut.

 

Suliassaqarfissatit
Saaffiginnittarfimmi Hotel Narsarsuarmi tikeraat immikkut ittumik tikilluaqqusaanermik misigisaqartilerlugit sulisut sinnerisa kiffartuussinermik qanilaarlunilu pitsaassuseqartussatut ilisimannittumik kiffartuussinissaat saaffiginnittarfiup pisortaata qularnaassavaa.

Pigaartuunissamut pilersaarusiornermi piffissartaata affaa (50%) affaa tigummiassavat.

Ullut marluk imminnut assigiinneq ajorput, taamaattumillu ulluinnaat suliffissat pissanganartuuneri neriorsuutigisinnaavagut, silaqassuseq ataatsimullu isiginnissinnaaneq iluatsitsinissamut toqqammavissamik pilersitsisuullutik. Saaffiginnittarfik ulloq unnuarlu nal. akunnerini tamani inuttaqartuarpoq.

 

Suliassatit ilaatigut tassaassapput:

  • Akunnittarfimmut tikeraanik ind- aamma ud-checkningit
  • Ullaakkorsiutinik sallaalliineq
  • Ingerlatsinermut akisussaaffeqarneq, aamma immikkoortortat ingerlatat inuttaqartinnissaat
  • Fakturaliornerit
  • Pigaartussanik pilersaarusiorneq
  • Allotmentinik aqutsineq
  • Inniminniisarnernut akisussaaffeqarneq, eqimattanut ataatsimeersuartitsiniartunullu neqeroorusiornerit aamma suliaralugit.
  • Karsimiittuutinik kisitsinerit, aningaasanillu tigoriaannarnik isumaginninneq
  • Aningaasaqarnermut immikkoortoqarfimmut ullormut kaaviiaartitanik nalunaaruteqar-tarneq.
  • Hotel Narsarsuarmi aqutsisut allat siunnersueqatiginissai
  • Tuniniaanerit/Pilerisaarinerit – attaveqaatit assigiinngitsut aqqutigalugit siammerterinissaq

 

Piginnaasaqassutsitit:

  • Niuerfigisamut samminninneq, aamma tikeraat kissaataannik piviusunngortitsinissamik naatsorsuutigisaannillu sinniisumik iliuuseqarniartarnermut piareersimaneq
  • Suliffigisamut ilisimasaqarneq, suliffigisamit misilittagaqarlutillu paasisimannipputit, immikkoortortallu sinnerinik suleqatigiilluarnissap pingaaruteqassusianik ilisimannillutit
  • Siulersuisuuvutit takussaasoq, aamma peqatigiilluni suleqataasartoq, siuttuunissaminut tunuarsimaanngitsoq, aammalu nammineq anguniakkannik aamma suleqatigiit tamarmiusut iluatsitsinissaannik oqimaaqatigiisitsisinnaasoq
  • Immikkuualuttortat arajutsisimanngilatit
  • Sammisaqarniartuuvutit, anguniagaqartuullutit attaveqatiginnilluaqqillutillu
  • Aserujanngitsumik ataatsimut isiginnissinnaassuseqarputit, arlalinnillu ataatsikkoortitsinissaq sapersaatiginagu
  • Avammut sammisuuvutit, qungujulaartuullutit, naapikkuminarlutillu
  • Aalajaaatsuuvutit, pimoorussillutit sungiussiallutillu
  • Sallujuitsuuvutit, aamma tatiginartuuvutit, sulininnilu ileqqorissaartuullutit.

 

Hotel Narsarsuup neqeroorutigai
Suliffik pitsaasoq, aalaakkaasoq amerlasuunik tamaviaarfissalik, atorfimmi pissanganarlunilu namminersuutigisamiittoq, illit inuttut sulianullu tunngatillugu ineriartornissannut periarfissaqarluarfissat. Suliffiup ulluinnarnik ulapaarfiusunik asasaqartup, aammalu niuerfigisatsinnik kiffartuussiniarnermik assup pingaartitsisup ilagilissavaatit. Sunngiffimmi pinngortitami pinnersumi silami suliassaqarnermut periarfissaqarluarpoq.

 

Sillimaniarnikkut akuerineqarneq:
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkanni politiitut oqartussani pineqarsinnaavoq imaluunniit uani: www.sullissivik.gl

 

Atorfinitsitaanermi atugassarititaasut
Aningaasarsiat atorfinitsitaanermullu atugassarisat kattuffik attuumassutilik naapertorlugu pissaaq. Narsarsuarmi malittarisassiat atuuttut malillugit sulilernermi soraarnermilu angalanerit akilerneqartut.

  • Malittarisassiat atuuttut malillugit pisattanik nuussinerit.
  • Inissiassaq, tassunga malittarisassiat atuuttut malillugit akiliuteqartoqassalluni.
  • Suliffittut piffissaq tassaavoq sapaatip akunneranut nal. akunneri 40.
  • Piaarnerpaamik atorfinitsitaaneq, imaluunniit erseqqinnerusumik isumaqatigiissuteqarnikkut.

Annermik paasisaqarit
Atorfik pillugu apeqqutissaqaruit akunnittarfiup pisortaa Frederikke Reimer saaffiginninnissannut tikilluaqquvaatit, mailimut uunga: frre@mit.gl. Apeqqutit nalinginnaanerusut Sulisoqarnermut Immikkoortortaqarfimmut uunga mailerlutit apeqqutigisinnaavatit: hr@mit.gl.

 

Qinnuteqaat
Atorfimmut naatsorsuussaaniaruit qinnuteqaatit, cv, kiisalu ilinniagaqarnermut uppernarsaatit qarasaasiakkut ataani linki aqqutigalugu kingusinnerpaamik ulloq 15. juli 2021-imi nassiutissapput.

 

Ilisimatitsissutigissavarput qinnuteqaatit emalikkut tigusinnaannginnatsigit.

 

Hotel Narsarsuaq tassaavoq Mittarfeqarfinnit pigineqartutut suliffeqarfik namminersortitaq. Hotel Narsarsuaq tassaavoq akunnittarfik 80-inik ineqartoq, taakku ininut inummut, inunnut marlunnut, ilaqutariinnut suitenullu agguataarneqarlutik. Tamakku saniatigut Hotel Narsarsuup ataatsimeersuartarfik, mittarfiup kioskia, cafeteria, á la cartenik neriniartarfik, kiisalu imerniartarfik ingerlatarai. Uani annermik atuarsinnaavutit: www.hotelnarsarsuaq.gl

 

Qinnuteqarnissamut killissarititaasoq: juulip 15.-at, 2021

Atorfik una qinnuteqarfigiuk