Skip to main content
106

Hotel Narsarsuaq neriniartarfimmi aqutsisussarsiorpugut

Sutigut tamatigut pitsaassutsikkut kiffartuussinikkullu tikeraartutsinnut tamanut immikkuullarissumik misigisaqartitsinissamik piviusunngortitseqataasinnaasumik ineriartortitseqataasinnaasumillu suleqatissarsiorpugut.

 

Hotel NArsarsuarmi illit ulluinnarni sulinissat

Neriniartarfimmii pisortatut hotelimi aqutsisunut ilanngutissaatit, hotelimi ataatsimeersuartarfimmilu neqeroorutigineqartut ineriartortissavatit nunanilu tamalaani pitsaassutsikkut nallersuussinnaasunngorlugit.

Hotelip neriniartarfia cafeteriaalu hotelimi nakkutilliisumut hotelillu pisortaanut attuumassuteqarlutik akisussaaffigissavatit. Tunngaviusumik aqutsineq missingersuutillu neriniartarfimmi cafeteriamilu sulisunut tamanut qulit missaanniittunut akisussaaffigissavatit.

Sulisut piginnaasagissut suleqatigalugit nerisassat allattorsimaffiat, ataatsimeersuartarnermi neqeroorutit, fiistinik aaqqissuussinerit, pilersuisunut attaveqaatit, pisiniartarneq kiffartuussineq akisussaaffigissavatit kiisalu    

  • Aqutsisuuvutit attaveqallaqqissoq ersarissorlu, qujasaarumat oqartussaassusilillu.
  • Eqqissisimasuuvutit inuttut aqutsisutullu inissisimaninni – kiisalu inuit akulerutsinnerisigut ineriartortitsinikkullu qitiutitsillutit ineriartortitsillaqqillutit
  • Suugaluartunilluunniit suliaqarsinnaavutit, allaffimmi sulisinnaallutit, pigaartunik pilersaarusiornermik misilittagaqarlutik regnearkit atorlugit sulisinnaallutit, missingersuusiorsinnaallutit aningaasaqarnermillu aqutsisinnaallut
  • Pitsaassutsimut piumasaqaatit kiffartuussinerullu akornanni pitsaasumik naaperiutiginninnermi oqimaaqatigiissaarisinnaassuseqarluarputit kiisalu tamakkiisumik ingerlatsineq aningaasaqarnerlu nakkutigilluarlugit.

 

Suliassat:

  • Neriniartarfimmik cafeteriamillu ulluinnarni ingerlatsineq ingerlaavartumik tamakkiisumik ingerlatsineq
  • Ingerlatsinermik pisiniarnernillu pilersaarusiorneq
  • Immikkoortortaqarfimmi ingerlatsinerup ineriartortinneranik/ingerlariaatsinik pitsaassutsikkut qulakkeerineq: Iliuusissatut pilersaarutinik, periusissanik suleriutsinillu suliaqarneq
  • Immikkoortortami sulisunik, ilaatigut immikkoortortami ataatsimiisitsisarnikkut aqutsineq, siunnersuineq kiisalu kajumissaarineq
  • Malittarisassat atuuttut naapertorlugit pigaartussanik pilersaarusiornermut akisussaaneq
  • Immikkoortortami sulisunik ineriartortitsinissamik sungiusarnissamillu akisussaaffeqarneq

 

Neqeroorutigaagut:

  • Hotelip hotelisut ataatsimeersuartarfittullu ”Kalaallit Nunaanni pitsaanerpaat ilaannut” ilanngutsinnissaanik takorluugaqarnermut immikkut ittumik suleqatigiinnermut ilanngunnissaq
  • Suliffeqarfimmut ineriartorluartumut aqutsisoqatigiinnut ilanngunnissaq
  • Atorfik namminersorfiusoq suleqatitit ilagalugit malunnaatilimmik angusaqarfiusoq

 

Naatsorsuutigaarput:

  • Atorfimmit assigusumit misilittagaqartutit hotelimullu tunngassuteqartumik ilinniagaqarsimanissat
  • Ingerlatsinermut 24/-imut peqataanissat nuannarigit
  • Nerisassat imigassallu aqqutigalugit pulaartutsinnik immikkut illuinnartumik misigititserususseqartutit
  • Akulerutsitsisuusutit, attaveqartuusutit sulisunullu ersarissunik piumasaqaateqarsinnaallutillu naatsorsuutiginnissinnaasutit
  • Aaqqissuussaasumik suleriuseqartut oqaatsitillu iliuusinngortittaritit
  • Ammasuusutit, tuniniaasuusutit pulaartunullu tatiginnilersitsisartuusutit
  • Torersuusutit kiisalu ingerlatsinerup, allaffissornerup aningaasaqarnerullu tungaatigut aaqqissuussaasumik sulisartutit

 

Sillimaniarnikkut akuerineqarnissaq:

Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngussissaatit. Immersugassaq politeeqarfimmi pissarsiarineqarsinnaavoq.

 

 

Atorfinitsitaanermi atugassarititaasut
Akissarsiat atorfeqarnermilu atugassarititaasut kattuffiup attuumassuteqarfigisap isumaqatigiissutaat naapertorlugu pissaaq. Maleruagassat atuuttut naapertorlugit akilerneqartartussamik inissaqartitsisoqarsinnaavoq. Maleruagassat atuuttut naapertorlugit atorfininnermi soraarnermilu akiliunneqarluni angalasoqarsinnaavoq. Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq.

 

 

Paasisaqarnerugit:
Atorfik pillugu paasisaqarnerorusukkuit imaluunniit apeqqutissaqaruit hotelimi nakkutilliisumut Jeppe Ejvind Nielsenimut, +299 52 35 45 imaluunniit E-mail jeen@mit.gl attaveqarnissannut tikilluaqqusaavutit.

Apeqqutit nalinginnaanerusut Sulisoqarnermut Immikkoortortamut uunga mailernikkut apeqqutigineqarsinnaapput: hr@mit.gl

 

Soqutiginnippit?
Atorfik pillugu paasisaqarusukkuit, hotelip pisortaanut Kunuk Grønlavoldimut tlf. +299 66 52 53 imaluunniit mailikkut uunga: kusg@mit.gl

 

Qinnuteqaat:
Taava qinnuteqaatit inuuninni sulerisimaninnik allattorsimaffik aamma ilinniarsimaninnut uppernarsaatit internetikkut attaveqaat ataaniittoq aqqutigalugu kingusinnerpaamik ataasinngornermi 29. september 2019 tigunissaat qilanaaraagut.            

Mittarfeqarfiit suliffeqarfiuvoq sinneqartooruteqarneq tunngavigalugu ingerlanneqartoq Kalaallit Nunaanni Namminersorlutik Oqartussat ataanniittoq. Mittarfeqarfiit Kalaallit Nunaanni suluusalinnik mittarfiit, qulimiguulinnik mittarfiit akunnittarfiillu marluk ingerlataraat. Ukiumut 70.000-it sinnerlugit timmisartunik tingisitsisarlutalu mitsitsisarpugut ilaasullu 350.000-it sinnerlugit ukiumut sullittarlutigit. Sulisut 400-t missaanniippugut. Qullersaqarfik Nuummiippoq.

 

 

 

Qinnuteqarnissamut killissarititaasoq: septembarip 29.-at, 2019

Atorfik una qinnuteqarfigiuk