Skip to main content
109

Dette jobopslag er udløbet

Hotel Narsarsuaq marlunnik kiffartuussinermi sulisussarsiorpoq

Hotel Narsarsuaq suliffeqarfiuvoq akuulluartunik piginnaasalinnillu sulisoqartoq, suleqatissanillu Kiffartuussinermi sulisussanik marlunnik pissarsiorpugut.

 

Naatsorsuutigaarput:

Tatiginartuunissaq, suliartortuaannarneq sulinermilu aalajaatsuunissaq. Taakkua saniatigut pitsaasunik suleqatigiinnermi piginnaasaqassaatit sukkulluunniillu suleqativit ikiornissaannut piareersimassallutit. Piginnaasat allat pingaartinneqartut tassaapput, inuit nuannaartut, kiffartuussiillaqqissut sullitanullu inussiarnersut ujarpagut. Taassuma saniatigut atorfimmi:

  • Eqaatsumik suleriaaseqarnissat, nammineersinnaanissat kiffartuussinermillu – piffissami ulapaarfiusumi – qitiutitsinissat
  • Peqqissaartuunissat suminiaqqanullu tappissuunissat
  • Sullitatsinnik sunniuteqartumik pitsaassutsimillu qitiutitsillutit kiffartuussinissamik qulakkeerinissat
  • Sunniuteqarluartumik sukumiisumillu eqqiaasarnissat
  • ”Maannakkorpiaq” pisunut iliuuseqallaqqinnissat
  • Eqaatsumik suleriaaseqarputit pisariaqartitsisoqartillugu sulisarnissat naatsorsuutigaarput

 

Ukunannga neqeroorfigissavatsigit:

  • SIK-p isumaqatigiissutaa naapertorlugu atorfininnissaq
  • Malittarisassat atuuttut naapertorlugit atorfininnermut soraarnermullu atatillugu angalanermi akiliunneqarneq
  • Malittarisassat malillugit ineqartinneqarneq
  • Qaammatit aqqaneq marluk atorfeqareernermi feeriarluni angalanermi akiliunneqarneq
  • Suliffeqarfik Nunatsinni timmisartumik angallannermut qitiusoq
  • Ullut suliffiit tamarmik assigiinngitsut
  • Sunngiffimmi pinngortitaq pinnersorsuaq silami sammisaqarnissamik, soorlu ilaatigut qajariarnissamik aalisariarnissamillu periarfissalik neqeroorutigisinnaavarput

 

Sillimaniarnikkut akuerineqarneq:

Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkami politiitut oqartussani pineqarsinnaavoq.

 

Paasisaqarnerugit:

Suliffigiligassarisinnaasat pillugu uani paasissutissanik sukumiinerusunik atuarit: www.hotelkangerlussuaq.gl. Atorfik pillugu apeqqutissaqaruit Kunuk Storch Grønvold-mut uunga attaviginissaanut tikilluaqqusaavutit: tlf. +299 56 07 85 imaluunniit mailikkut kusg@mit.gl.

Apeqqutit naliginnaanerusut HR-imut Immikkoortortaqarfimmut uunga mailikkut apeqqutigineqarsinnaapput: HR@mit.gl  

 

Qinnuteqaat?

Atorfimmut piukkunneqassaguit qinnuteqaatit, inuuninni sulerisimaninnik allattorsimaffik kiisalu ilinniarsimanermut uppernarsaatit internetikkut attavik ataaniittoq aqqutigalugu kingusinnerpaamik ulloq 6. juni 2019 nassiunneqassapput.

 

Hotel Narsarsuaq suliffeqarfiuvoq sinneqartooruteqarneq tunngavigalugu aqunneqartoq Mittarfeqarfinnit pigineqartoq. Hoteliuvoq nuannersoq 86-inik ininut ataasiuttakkanut, marluuttakkanut, ilaqutariinnut aamma ininut kusanasaakkanut agguataarsimasunik initalik. Taassuma saniatigut Hotel Narsarsuaq cafémik, cafeteriamik, neriniartarfimmik kusanasaakkanik sassaallerfiusartumik kiisalu baarimik nutaaliaasumik ingerlatsisoqarpoq.

www.hotelnarsarsuaq.gl

 

Qinnuteqarnissamut killissarititaasoq: juunip 6.-at, 2019

Atorfik una qinnuteqarfigiuk