Skip to main content
90

Dette jobopslag er udløbet

Hotel Narsarsuaq igaffimmi Souschef-issarsiorpoq

Igaffimmi souschef-imik piaartumik imaluunniit isumaqatigiissuteqarnikkut atorfinittussamik pissarsiorpugut. Igaffimmi pisortaq imikkut illaarissumik tikeraatta tamakkiisumik misigisisaqarnissaannik anguniagarput sutigut tamatigut immikkut ittumik pitsaassusilik timitalersueqataaffigalugulu ineriartortitseqataaffigissavaa.

 

Hotelip igasui igaffimmilu aqutsisoq suleqatigalugit hoteli ineriartortitseqataaffigalugulu aqutseqataaffigissavat – aamma ataatsimeersuartarnernik aaqqissuussisarneq, taamaasilluta pissutsinut nunani allaniittunut nallersuussinnaanngorluta.

 

Igaffiup pisortaa suleqatigalugu igaffimmi ingerlatsissaatit. Attaveqatiginnittartuuvutit aqutsisuullutillu ersarissoq qiimalluni oqartussaassusilik. Eqqissisimasuuvutit aqutsisuunerillu pillugu eqqissisimasuullutit – inunnillu peqataatitsinikkut ineriartortitsinikkullu qitiutitsinikkut inunnik ineriartortitsisarlutit. Igaffimmiinnissat iluarivat ilisimallugulu aqutsisuulluartoq siuttuusartoq.

 

 Igaffimmi pisortaq suleqatigalugu suliassat

  • Igaffimmi ulluinnarni ingerlatsinermi ingerlaavartumillu tamakkiisumik sulinermik akisussaaffeqarneq
  • Ingerlatsinermik pisiniarnissamillu pilersaarusiorneq
  • Immikkoortortami ingerlatsinermi/ingerlariaatsinik qulakkeerineq ineriartortitsinerlu: Iliuusissatut pilersaarusiorneq, periusiorneq suleriaatsinillu suliaqarneq
  • Ulluinnarni sulisunik aqutsineq, siunnersuineq aamma kajumissaarineq, ilaatigut immikkoortortami ataatsimiinnernut atatillugu
  • Immikkoortortami sulisunik ineriartortitsinermik sungiusaanermillu akisussaaffeqarneq

 

 Neqeroorutigaagut

  • Hotelip ”Kalaallit Nunaanni Pitsaanerpaat ilaat”-mik hotelinngornissannut ataatsimeersuartarfinngornissaanullu immikkuullarissumik taaneqartalernissaanik takorluukkatsinnut immikkuullarissumut suleqataanissat
  • Suliffeqarfimmi sukkasuumik ineriartortumi aqutsisoqatigiinnut ilanngunnissat
  • Atorfik namminersorfiusoq, suleqatitit peqatigalugit takuneqarsinnaasunik angusaqarfiusoq

 

 Naatsorsuutigaarput

  • Atorfimmit assingusumit misilittagaqarneq, igaffimmiutullu ilinniarsimaneq
  • Ulloq unnuarlu ingerlatsinermut peqataassallutit nuannarivat
  • Nerisassat imigassallu aqqutigalugit sullitatsinnut immikkuullarissumik sullisserusussuseqarlutit
  • Peqataatitsineq, attaveqarneq nuannaraat sulisunullu arlalinnik piumasaqaateqarsinnaallutillu naatsorsuutiginnissinnaavutit
  • Aaqqissuussaasumik suleriaaseqarputit iliuutsitillu oqaasertalersortalugit
  • Pulaartunut ammasuuvutit, tuniniaallaqqillutit tatiginnilersitsisinnaallutillu
  • Ingerlatsininni, allaffissornermi aningaasaqarnermilu torersumik suleriaaseqarputit

 

Atorfinitsitaanermi atugassarititaasut
Atorfinitsitaaneq isumaqatigiissut atorfinittumut aalajangersimasumik attuumassuteqartoq naapertorlugu pissaaq. Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq.

Atorfinitsitsisoqarsinnaassaaq ulloq 01. marts 2021 aallarnerfigalugu imaluunniit isumaqatigiissuteqarnikkut.

 

Paasisaqarnerugit
Atorfik pillugu apeqqutissaqaruit hotelip pisortaa Frederikke Reimer attavigisinnaavat uunga: mobil: +299 58 01 53 imal. Tlf.: +299 66 52 53 aamma allassinnaavutit mail-imut frre@mit.gl . Apeqqutit allamut tunngassuteqartut pillugit Sulisoqarnermut Immikkoortortaqarfimmut uunga mailerlutit apeqquteqarsinnaavutit: hr@mit.gl

 

Qinnuteqarneq
Qinnuteqaatit, inuuninni sulerisimaninnik allattorsimaffik kiisalu ilinniarsimanermut uppernarsaatit tuugassaq ataaniittoq aqqutigalugu kingusinnerpaamik ulloq 8. februar 2021 tigunissaat qilanaaraarput.

Ilisimatitsissutigissavarput qinnuteqaatit emalikkut tigusinnaannginnatsigit.

 

 

Hotel Narsarsuaq suliffeqarfiuvoq sinneqartooruteqarneq tunngavigalugu aqunneqartoq Mittarfeqarfinnit pigineqartoq. Hoteliuvoq nuannersoq 86-inik ininut ataasiuttakkanut, marluuttakkanut, ilaqutariinnut aamma ininut kusanasaakkanut agguataarsimasunik initalik. Taassuma saniatigut Hotel Narsarsuaq cafémik, cafeteriamik, neriniartarfimmik kusanasaakkanik sassaallerfiusartumik kiisalu baarimik nutaaliaasumik ingerlatsisoqarpoq.

 

www.hotelnarsarsuaq.gl

 

Qinnuteqarnissamut killissarititaasoq: februaarip 8.-at, 2021

Atorfik una qinnuteqarfigiuk