Skip to main content
119

Dette jobopslag er udløbet

Hotel Narsarsuaq Handymandissarsiorpoq

Hotel Narsarsuaq piumassusilimmik aammalu ingerlatserusuttumik akunnittarfiup ineriartortuarneranut peqataarusuttumik handymandissarsiorpoq.

 Hotel Narsarsuaq ataatsimiinnernut, ataatsimeersuarnernut aamma takornarianut suliarisanut toqqammavissiivoq. Kalaallit Nunaanni Hotel Narsarsuaq ataatsimiinnerit aaqqissuussinerillu ingerlatsiviunissaannut kajungernarnerpaanngortinniarlugu inuusuttut suleqatigiilluta suliaqarpugut. Taamaattumik angusassap taassuma tikinniarneranut ikiuisussamik nutaamik suleqatissarsiorpugut.

 

Illit pillutit

Nalaatassanut assigiinngiiaartunut timikkut tarnikkullu piginnaavutit, tamaviaarfissat piareersimaffigaatit, taakkulu piumassuseqarluarlutit naapittarpatit. Sulinerit nuannaraat, aammalu suleqatigiikkuuttaat assigiinngitsorpassuit suleqatigilluartarpatit, kiisalu suliassanik namminersuutigisaqarlutit naammassisaqarsinnaallutit. Tikeraagut pitsaanerpaamik kiffartuunniarlugit pikkoriffigisatut pimoorussillutillu iliuuseqarnissamut peqataaqataavutit. Inunnik kiffartuussisarnissaq sammisaraat, aammalu tikeraatta aggeqqikkusulersinnissaannik misigisassamik pinngortitseqataasarputit.

 

Kinaanerit

Suliassaqarfiit
Suliassaqarfiit pingaarnerit

  • Shuttlebussimi aquttoq
  • Aserfallatsaaliuinerit, iluarsaassallu mikinerit
  • Kiisalu akunnittarfimmi suliassat isumagisassat allat

 

Isumannaallisaanikkut akuerisaaneq
Atorfinitsitaanissaq naatsorsuutigissagukku politiinit isumannaallisaanikkut akuerineqartariaqarputit. Taamaattumik pinerluttulerinermut nalunaarsuiffimmit naqitaq ilannguguk. Taanna najugaqarfinni politeeqarfimmi pissrasiarisinnaavat, imaluunniit uani: www.sullissivik.gl

 

Neqeroorutigaarput
Piffissaq tamakkerlugu suliffik, atorfimmi assigiinngiiaartunik imalimmi amerlasuunik tamaviaarfissartalik, inuttut suliffiullu tungaatigut ineriartornissamut pitsaasunik periarfissaqarfissalik. Atorfimmi qullersarissavat neriniartarfiup pisortaa.

 

Atorfinitsitaanermut atugassarisat
Atorfinitsitaaneq SIK-p isumaqatigiissutaatigut pissaaq, ilaatigut tassaniillutik

  • Malittarisassiat atuuttut malillugit ineqarneq
  • Malittarisassiat atuuttut malillugit atorfininnermi akilikkamik angalaneq, pisattanillu nuussineq
  • Qaammatit 12-it atorfeqareernermi illoqarfimmut angerlarsimaffimmut akilikkamik angalaneq
  • Sulinerup nalaat tassaavoq sap. akunneranut nal. akunneri 40
  • Isumaqatigiissut malillugu atorfininneq

 

Annermik paasisaqarit
Siunissami atorfigilersinnaasat pillugu annermik atuarit uani: www.hotelnarsarsuaq.gl. Atorfimmut apeqqutissaqaruit akunnittarfiup pisortaanut Frederikke Reimer attaveqarnissamut tikilluaqqusaavutit, oq. +299 58 01 53

-kkut, imaluunniit mailikkut: frre@mit.gl. Apeqqutit nalinginnaanerusut HR-imi immikkoortoqarfimmut mailikkut saaffiginnissutaassapput: hr@mit.gl

 

Qinnuteqaat
Atorfinitsitaanissaq naatsorsuutigissagukku qinnuteqaatit, cv, kiisalu ilinniagaqarnermut uppernarsaatit qarasaasiakkut ataani linki aqqutigalugu kingusinnerpaamik ull. 01. juli 2021 nassiutissavatit.

 

Maili aqqutigalugu qinnuteqaatinik tigusaqarneq ajorpugut.

 

Hotel Narsarsuaq suliffeqarfiuvoq sinneqartooruteqarneq tunngavigalugu aqunneqartoq Mittarfeqarfinnit pigineqartoq. Hoteliuvoq nuannersoq 86-inik ininut ataasiuttakkanut, marluuttakkanut, ilaqutariinnut aamma ininut kusanasaakkanut agguataarsimasunik initalik. Taassuma saniatigut Hotel Narsarsuaq cafémik, cafeteriamik, neriniartarfimmik kusanasaakkanik sassaallerfiusartumik kiisalu baarimik nutaaliaasumik ingerlatsisoqarpoq.

www.hotelnarsarsuaq.gl

 

Qinnuteqarnissamut killissarititaasoq: juulip 1.-at, 2021

Atorfik una qinnuteqarfigiuk