Skip to main content
99

Dette jobopslag er udløbet

Hotel Kangerlussuarmi Cafeteriami supervisori

Hotel Kangerlussuaq annertunerusumik suliaqarnermik ingerlatsiviulerpoq, taamaattumillu suleqatissat piginnaanillit pisariaqartippagut

Akunnittarfiup ineriartornerata nanginnissaanut peqataasussamik supervisorimik (nakkutiginnittumik) Hotel Kangerlussuaq pissarsiorpoq. Aamma tikeraagut kiffartuunniarlugit sulininni pikkorillutit pimoorussillutillu iliuuseqarusussaatit.

Ataatsimiinnernut, ataatsimeersuarnernut takornarianillu suliaqartitsinernut Hotel Kangerlussuaq toqqammaviuvoq. Ataatsimiinnerit aaqqissuussinerillu ingerlannissaannut Hotel Kangerlussuaq Kalaallit Nunaanni sumiiffinnut piumaneqarnerpaanut ilaalersinniarlugu peqatigilluta suliaqarpugut. Taamaattumik anguniakkamik tassannga tikitaqarnissatsinnut ikiuerusuttumik nutaamik suleqatissarsiorpugut.

 

Suliassaqarfiit

  • Neriniartarfimmi pisortamik suleqateqarluni pigaartussanut pilersaarusiorneq
  • Ulluinnarni ingerlatsinermi peqataaneq
  • Akunnittarfimmi cafeteriamut tunisassianik nutaanik ineriartortitsineq

 

Illit pillutit

Attuumassutilimmik suliarisamut ilinniagaqarputit. Inuttut kiffartuussinissat alaatsinaatsuuat, aammalu tikeraagut takkuteqqinnissamut piumassuseqartilerlugit misigisassamik pilersitsinissamut peqataavutit.

Suliannut pikkorissuuvutit, aamma kulturit inissisimaffiillu akimorlugit inunnik assigiinngitsorpassuarnik naapitsisinnaasutut inuttut pissuseqarputit. Inussiarnersuuvutit suleqatigiinnissarlu piareersimaffigalugu. Siulersuisutut piginnaaneqarluarputit. Eqqiluisaarnissaq arajutsisimassanngilat, aammalu atuisartutta pissusissamisoorluinnartumik uagutsinnit naatsorsuutigisaannik inissisimaffimmut qaffasissumut kiffartuussinitta inissisimaffeqarnissaa sianigisarissavat.

 

Neqeroorutigaarput

Inuttut suliarisannullu tunngatillugu ineriartornissamut periarfissaqarluarfigisannik atorfimmi pissanganartumik namminersuutigisamilu suliffitsialak amerlasuunik tamaviaarfissartalik. Qullersarissavat neriniartarfiup pisortaa.

Atorfinitsitaanermi atugassat

Attuumassuteqartumut suliffimmi kattuffimmut naleqqiullugit aningaasarsiani atorfinitsitaanermilu atugassarisat, ilanngullugu malittarisassiat atuuttut malillugit akilersuiffiusussamik inissiaq pillugu neqeroorut.

Tamatuma saniatigut atorfininnermi angalaneq malittarisassiat atuuttut malillugit ikiorsiissutaassaaq. Qaammatit 12-it atorfinissimanerup kingornatigut angerlarsimaffigisamut sulinngiffeqarnermi akilikkamik angalaneq ikiorsiissutaassaaq. Malittarisassiat atuuttut malillugit piffissamik tamakkiisumik suliffigisatut atorfiuvoq, sap. akunneranut nal. akunnerinik 40-nik sivisussuseqartoq. Unnukkut aamma sapaatip akunnerata naanerani sulisarnissaq naatsorsuutigineqassaaq. Ulloq atorfiniffik junip qeqqani, imaluunniit erseqqinnerusumik isumaqatigiissuteqarnikkut.

 

Annertunerusumik paasisaqarit

Siunissami suliffigisinnaasat pillugu annertunerusumik uani atuagaqarsinnaavutit: www.hotelkangerlussuaq.gl. Atorfimmut apqqutissaqaruit akunnittarfiup pisortaanut Jeppe E. Nielsenip attaviginissaanut tikilluaqqusaavutit, mailikkut: jeen@mit.gl imaluunniit oqarasuaatikkut + 299 38 29 91. Apeqqutit nalinginnaanerusut HR-imik immikkoortoqarfimmut mailikkut nassiutissapput, uunga: hr@mit.gl

 

Qinnuteqaat

Atorfimmut naatsorsuutigineqassaguit ataani linki aqqutigalugu qinnuteqaatit, cv, kiisalu ilinniagaqarnermut uppernarsaatit kingusinnerpaamik ulloq 6. juni 2019 nassiutissavatit.

Hotel Kangerlussuaq

Hotel Kangerlussuaq tassaavoq Mittarfeqarfiit pigisaattut suliffeqarfik. Hotel Kangerlussuaq tassaavoq akunnittarfik nutaaliaq, ininut ataasiuttarissanut, marluuttarissanut, ilaqutariinnut suitenullu immikkoortitigaasunik 70-inik initaqartoq. Tamakku saniatigut Hotel Kangerlussuaq ataatsimeersuartarfimmik, cafémik, cafeteriamik, á la carte’nik neriniartarfimmik, kiisalu imernertarfimmik nutaaliamik ingerlataqarpoq. Ukiut ataasiakkaat tamaasaa akunnittarfimmi angalasut 20.000-it sinnerlugit unnuisarput. Annertunermik atuagaqarit uani: www.hotelkangerlussuaq.gl

 

Qinnuteqarnissamut killissarititaasoq: juunip 6.-at, 2019

Atorfik una qinnuteqarfigiuk