Skip to main content
88

Dette jobopslag er udløbet

Hotel Kangerlussuarmi Cafeteria qiimasumik kiffartuusserusuttumillu sulisussarsiorpoq

Hotel Kangerlussuaq akunnittarfiup ineriartornerata nanginnissaanut peqataasussamik sulisussarsiorpoq.

Tikeraagut kiffartuunniarlugit pimoorullugu tunniusimaffigalugulu suleqataaffiginissai salliutissavatit.

Hotel Kangerlussuaq ataatsimiinnernut, ataatsimeersuarnernut takornarianullu suliaqartarnernut sinaakkutassiivoq. Ataatsimiinnernut aaqqissuussinernullu Hotel Kangerlussuaq Kalaallit Nunaanni sumiiffinni piumaneqarnerpaanut ilaalersinniarlugu peqatigiilluta sulissutigaarput. Taamaattumik angusassap taassuma tikinniarneranut ikiuisussamik nutaamik suleqatissarsiorpugut.

 

Suliassaqarfiit

·Cafeteriap niuerfittut piareersartarnera

·Ulluinnarni ingerlatsinermi peqataaneq

·Nioqqutissanik immersuineq

·Karsimi sulineq

·Torersaaneq erruinerlu

·Matusineq karsillu kisinnera

 

Illit pillutit
Ajornanngippat suliamut attuumassutilimmik tulluartumillu ilinniagaqarneq. Inuttut kiffartuussineq soqutigisaraat, aammalu tikeraatta uteqqikkusullutik misigitinnissaannut peqataallutit sunneeqataanissat pisariaqartipparput.

Suliannut pimoorussisuuvutit qiimallutit, aammalu kinaassutsinnut ilaavoq, kulturit inissisimaffiillu akimorlugit inuppassuarnik assigiinngitsunik inissaqartitsisuunerit. Pissuseraat saaffigikkuminartuunerit suleqateqarsinnaassuserlu. Eqqiluisaarneq salliutissavat tappiffigalugulu, aammalu atuisutta uagutsinnit pissusissamisoorluinnartumik naatsorsuutigisaattut qaffasissumik pitsaassuseqartumillu naammasinneqataanissaq suleqataaffigissalluguttaaq.

 

Neqeroorutigaarput
Suliffitsialak atorfimmi pissanganartumi namminersorfiusumilu amerlasuunik tamaviaarfissartalik, inuttut sulianullu tunngasunut

ineriartornissamut periarfissatsialannik pissarsiffissaq.                                  

Cafeteriami pisortaq qullersarissavat.

 

Atorfinitsitaanermi atugassarisat
Aningaasarsiatigut atorfinitsitaanikkullu atugassarisat attuumassutilittut sulisartut kattuffiat naapertorlugu pissapput, ilaalluni inissaq pillugu neqeroorut, tassunga malittarisassiat atuuttut malillugit akiliuteqartoqartassalluni.

Aammattaaq malittarisassiat atuuttut malillugit atorfininnermi akilikkamik angalasoqartitsissaaq. Qaammatit 12-t atorfeqareerneq aallarniutigalugu ukiumoortumik illoqarfimmut angerlarsimaffigisamut sulinngiffeqarnermi sulisitsisup akiligaanik angalasinnaatitaaneq atuutilissaaq. Atorfik tassaavoq piffissami tamarmiusumi atorfiusoq, sap. akunneranut akunnerit 40-llutik.

Unnukkut aamma sap. akunnerata naanerani sulisarnissaq naatsorsuutigineqassaaq. Atorfininneq piaarnerpaamik, imaluunniit erseqqinnerusumik isumaqatigiissuteqarnikkut pissaaq.

 

Paasisaqarnerorusukkuit
Siunissami suliffeqarfigilersinnaasat pillugu annermik uani atuarit: www.hotelkangerlussuaq.gl Atorfimmut apeqqutissaqaruit Neriniartarfiup pisortaa Taus Borgquist attaviginissaanut tikilluaqqusaavutit, mailikkut: taub@mit.gl imaluunniit moibil nr. + 299 52 04 50. Apeqqutit nalinginnaanerusut HR-imi immikkoortoqarfimmut saaffiginnissutaasinnaapput, mailikkut ugguuna: hr@mit.gl.

 

Qinnuteqaat
Atorfimmut soqutigigukku qinnuteqaatit, cv, kiisalu ilinniagaqarnermut uppernarsaatit ataani link-i aqqutigalugu kingusinnerpaamik ulloq 15. marts 2021-mi nassiutissavatit.

 

Hotel Kangerlussuaq

Hotel Kangerlussuaq tassaavoq Mittarfeqarfiit pigisaattut nammisortitatut suliffeqarfik. Hotel Kangerlussuaq tassaavoq akunnittarfik nutaaliaq, ataasiuttarissanut ininut, marluuttarissanut ininut, ilaqutariinnut ininut inersuarnullu agguataarneqartunik 70-inik initaqartoq. Tamakku saniatigut Hotel Kangerlussuup ataatsimeersuarnernik ingerlatsisarfik, café, cafeteria, neriniartarfik á la carte, kiisalu imerniartarfik nutaaliaq ingerlappai. Akunnittarfimmi angalasut 20.000-it sinnerlugit ukiut tamaasa unnuisarput. Uani annermik paasiniaagit: www.hotelkangerlussuaq.gl

 

 

Qinnuteqarnissamut killissarititaasoq: marsip 15.-at, 2021

Atorfik una qinnuteqarfigiuk