Skip to main content
137

Dette jobopslag er udløbet

Hotel Kangerlussuaq saqisussarsiorpoq

Saqisumik ilinniarsimasumik Hotel Kangerlussuaq pissarsiorpoq

 

Hotel Kangerlussuaq kajumissuseqarluni ingerlatseqataarusussuseqarlunilu hotelip ineriartortinneqarneranik peqataarusuttumik ilinniarsimasumik saqisussarsiorpoq.

 Hotelimi ataatsimeersuariat – pulaartullu – kiffartuunnissaannut aamma suliamut pikkorissuseqarlutit akuliusimalluarlutillu iliuuseqarnissat kajumigisorujussuussavat.

Hotel Kangerlussuaq ataatsimiinnernik, ataatsimeersuarnernik takornariaqarnermillu ingerlatsiffiuvoq. Hotel Kangerlussuup Nunatsinni ataatsimeersuarnernik aaqqissuussinernillu ingerlatsiffiginissaa ataatsimoorluta suleqatigiissutigaarput. Taamaattumik tamatuma anguniarnerani suleqatissatsinnik nutaamik ataatsimik pissarsiorpugut.

 

Suliassaqarfiit

  • Ataatsimeersuartoqartillugu piareersaaneq sassaalliinerlu
  • Ulloqeqqarsiutinik, frokostinillu sassaalliineq,neriniartarfimmi sassaalliutinik sassaalliineq.
  • Ilassinnittoqartillugu sassaalliineq
  • Ataatsimiinnersuarfinni sassaalliineq
  • Cafeteriami ulapaarfinni ikiuussinnaaneq

 

Illit pillutit

Saqisutut ilinniarsimasuuvutit.Inunnik toqqartumik sullissinerup peqataasunik uteqqikkusulersitseqataasup pilersitseqataaffiginissaa qitiutippat.

Suliamut pikkorissuseqarputit tamatumunngalu ilutigitillugu inunnik assigiinngitsorpassuarnik piorsarsimassuseq qanorlu inissisimaneq akimorlugit sullissisinnaassuseqarlutit. Inussiarnersuuvutit suleqatiginnikkususseqarlutillu. Eqqiluisaarnermik qitiutitsissaatit sassaalliinerullu qaffasissumik pitsaassusillip timitalernissaa atuisutta uatsinnit naatsoorsuutigisaat qitiutissallugu.

 

Neqeroorutigisavut
Atorfik pitsaasoq atorfimmi inuttut suliavillu tungaatigut ineriartornissannik pitsaasunik periarfissaqartitsisoq, unammillernartorpassualik, pissanganartoq namminersorfiusorlu. Atorfik cafeteriami aqutsisumut toqqaannartumik attuumassuteqarpoq.

 

Atorfinitsitaanermi atugassarititaasut
Atorfinitsitaaneq atorfinittumut toqqartumik isumaqatigiissusiornikkut pissaaq, tassunga ilaavoq malittarisassat naapertorlugit inimik neqeroorfigitinneq. Taakkua saniatigut malittarisassat naapertorlugit atorfinitsitaanermut atorfeqarunnaarnermullu atatillugu angalanermik akiliussisoqassaaq. Qaammatit aqqaneq marluk atorfeqareernermi illoqarfimmut angerlarsimaffigisamut sulinngiffeqarluni angalanermik akiliunneqarneq. Atorfik ulloq tamaat suliffiuvoq kiisalu unnukkut akunnerullu naanerani sulisarnissaq aamma pisarsinnaalluni. Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq.

 

Paasisaqarnerugit
Siunissami suliffigilerumaagassarigunakkat pillugu paasissutissat uani atuakkit: www.hotelkangerlussuaq.gl. Atorfik pillugu apeqqutissaqaruit, neriniartarfimmi pisortaq Taus Borgquist attavigiuk taub@mit.gl. Apeqqutit nalinginnaanerusut Sulisoqarnermut Immikkoortortaqarfimmut ugguuna saaffiginnissutigineqassapput: hr@mit.gl

 

Qinnuteqaat
Atorfimmut piukkunneqassaguit qinnuteqaatit, inuuninni sulerisimaninnik allattorsimaffik kiisalu ilinniartitaanermut uppernarsaatit internetikkut attaveqaat ataaniittoq atorlugu kingusinnerpaamik ulloq 20. maj 2021 nassiunneqassapput.

Emailikkut qinnuteqaatit tiguneq ajorpagut.

Hotel Kangerlussuaq Mittarfeqarfinnit pigineqarpoq. Hotel Kangerlussuaq hoteliuvoq 70-inik initaqartoq ininut ataasiuttakkanut, marluuttakkanut, ilaqutariit inaannut ininullu kusanasaakkanut agguataarsimasunut. Taassuma saniatigut Hotel Kangerlussuarmi ataatsimeersuartarnernik, caféqarnermik, cafeteriaqarnermillu ingerlatsisoqartarpoq.

 

Qinnuteqarnissamut killissarititaasoq: maajip 20.-at, 2021

Atorfik una qinnuteqarfigiuk