Skip to main content
63

Dette jobopslag er udløbet

Hotel Kangerlussuaq nutaanik suleqatissarsiorpoq

Hotel Kangerlussuaq aasaanerani sulinissamut sullitassarpassuit nunarsuarmit tamarmeersut sullinnissaannut piareersaruttulerpoq. Tikeraartut amerlanerit Kangerlussuaq siullertut tikiffigisarpaat, taamaattumik pingaaruteqarpoq kiffartuusserusuttuunissat, akuulluartuunissat aammalu avatangiisit ulapaarfiusut sungiusimanissai.

Hotel Kangerlussuaq suliffeqarfiuvoq akuulluartunik piginnaasalinnillu sulisoqartoq, aasaaneranilu suleqatissat uku ujarpagut:

  • Kiffartuussinermi sulisut pingaarnertut cafeteriami eqqiaanermilu suliaqartussat
  • Igasut cafeteriami neriniartarfimmilu sulisussat
  • Saaffiginnittarfimmi baarimilu sulisussat

Naatsorsuutigaarput:
Atorfinnut tamanut atuuttoq tassaavoq tatiginartuunissaq, suliartortuaannarneq sulinermilu aalajaatsuunissaq. Taakkua saniatigut pitsaasunik suleqatigiinnermi piginnaasaqassaatit sukkulluunniillu suleqativit ikiornissaannut piareersimassallutit. Piginnaasat allat pingaartinneqartut tassaapput, inuit nuannaartut, kiffartuussiillaqqissut sullitanullu inussiarnersut. Taassuma saniatigut atorfimmi naatsorsuutigaarput:

  • Eqaatsumik suleriaaseqarnissat, nammineersinnaanissat kiffartuussinermillu ? piffissami ulapaarfiusumi ? qitiutitsinissat
  • Peqqissaartuunissat suminiaqqanullu tappissuunissat
  • Sullitatsinnik sunniuteqartumik pitsaassutsimillu qitiutitsillutit kiffartuussinissamik qulakkeerinissat
  • Sunniuteqarluartumik sukumiisumillu eqqiaasarnissat
  • ?Maannakkorpiaq? pisunut iliuuseqallaqqinnissat
  • Eqaatsumik suleriaaseqarputit pisariaqartitsisoqartillugu sulisarnissat

 

Ukuninnga neqeroorfigissavatsigit:

  • SIK-p isumaqatigiissutaa naapertorlugu atorfininnissaq
  • Malittarisassat atuuttut naapertorlugit atorfininnermut soraarnermullu atatillugu angalanermi akiliunneqarneq
  • Malittarisassat atuuttut naapertorlugit akilersugassamik ineqartinneqarneq
  • Pisattat timmisartukkut 75 kg imaluunniit umiarsuakkut 200 kg nassiunnerannik akiliunneqarneq
  • Suliffeqarfik Nunatsinni timmisartumik angallannermut qitiusoq
  • Ullut suliffiit tamarmik assigiinngitsut
  • Sunngiffimmi pinngortitaq pinnersorsuaq silami sammisaqarnissamik, soorlu ilaatigut qajariarnissamik aalisariarnissamillu periarfissalik neqeroorutigisinnaavarput

 

Sillimaniarnikkut akuerineqarneq:
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkami politiitut oqartussani pineqarsinnaavoq.

 

Paasisaqarnerugit:
Suliffigiligassarigunakkat pillugu uani paasissutissanik sukumiinerusunik atuarit: www.hotelkangerlussuaq.gl. Atorfik pillugu apeqqutissaqaruit Jeppe ejvind Nielsenip uunga attaviginissaanut tikilluaqqusaavutit: tlf. +299 52 35 45 imaluunniit mailikkut jeen@mit.gl . Apeqqutit nalinginnaanerusut HR-imut Immikkoortortaqarfimmut uunga mailikkut apeqqutigineqarsinnaapput: hr@mit.gl

 

Soqutiginnippit?
Atorfimmut piukkunneqassaguit qinnuteqaatit, inuuninni sulerisimaninnik allattorsimaffik kiisalu ilinniarsimanermut uppernarsaatit internetikkut attavik ataaniittoq aqqutigalugu kingusinnerpaamik ulloq 1. juni 2018 nassiunneqassapput.

 

Hotel Kangerlussuaq suliffeqarfiuvoq sinneqartooruteqarneq tunngavigalugu aqunneqartoq Mittarfeqarfinnit pigineqartoq. Hotel Kangerlussuaq hoteliuvoq nutaaliaasoq 70-inik initalik ininut ataasiuttakkanut, marluuttakkanut, ilaqutariit inaannut ininullu kusanasaakkanut agguataarsimasunik. Taassuma saniatigut Hotel Kangerlussuaq ataatsimeersuartarfeqarpoq, caféqarpoq, kusanasaakkanik neriniartarfeqarpoq kiisalu nutaaliaasumik baareqarluni. Ukiut tamaasa inuit 20.000-it sinnerlugit unnuisarput. Uani hoteli pillugu paasissutissanik sukumiinerusunik atuarit: www.hotelkangerlussuaq.gl

Send din ansøgning via dette link