Skip to main content
143

Dette jobopslag er udløbet

Hotel Kangerlussuaq igasumik caterimilluunniit pissarsiorpoq

Hotel Kangerlussuaq tassaavoq suliffik tamaviaarnarlunilu pissanganartoq, piaarnerpaamik, imaluunniit erseqqinnerusumik isumaqatigiissuteqarluni atorfinittussamik igasumik ilinniarsimasumik, caterimik, imaluunniit grill’ertartutut igasumik pissarsiortoq.

Ullut tamaasa Hotel Kangerlussuup ataatsimiinnernut, ataatsimeersuarnernut, aamma takornariat suliaqarnerannut toqqammavissat pilersittarpai. Ataatsimminnernut aaqqissuussanullu Kalaallit Nunaanni sumiiffinni Kalaallit Nunaanni piumaneqarnerpaani Hotel Kangerlussuup ilaalersinnissaa tamatta sulissutigaarput. Taamaattumik anguniakkamik tassannga angusaqarnissatsinnut ikiuisussamik nutaamik suleqatissarsiorpugut. Tassaalissaatit ataatsimeersuariartut akunnittarfimmilu tikeraartuutigut kiffartuunnissaannut pimoorussaqarlutik iliuuseqarusuttut suleqatigiit pikkorissut ilagiligaat.

 

Suliassatit

  • Ulluni tamani neriniartarfimmik, cafeteriami tikeraanik pikkorissarianillu kiffartuussisuni suleqatigiinni ilaanissaq
  • Nerisassat sassaalliutissat pileraarusiornerini ilalersuinissaq
  • Torersaallaqqilluarnissaq
  • Artukkiinerit nalaanni sulilluartuusarneq

 

Piginnaasatit
Igasutut, cateritut assinganilluunniit misilittagaqarputit. Pitsaassuseq sammisaraaq, aammalu tikeraatta aggeqqinnissamut kajumissuseqalersillugit misigisassap pilersinnissaanut peqataavutit.

Suliffigisanni pikkorissuuvutit, aammalu kulturit inissisimaffiillu akimorlugit inunnik assigiinngitsorpassuarnik naapitsisinnaasutut inuttut pissuseqarputit. Ileqqoraat tikikkuminassuseq suleqatigiinnikkusuttuunerlu. Saligaatsuutitsinissamik alaatsinaataqassaatit, aammalu atuisartutta pissusissamisoorluinnartumik uagutsinnit naatsorsuutigisaannut pitsaassutsip qaffasinnerpaap kiffartuussinissa inorsaatigissanngikkaa sianigissavat.

Tassaavoq piffissaq tamakkerlugu suliffiusoq, ullukkut, unnukkut sapaatillu naanerani sulisarnermik imaqartoq.

 

Hotel Kangerlussuup neqeroorutigai
Suliffik pissanganartoq ineriartortuusoq, sulisitsinnut atugassanik pitsaasunik pingaartitsillunilu suleqatigiilluarnermik naleqartitaqartoq.

 

Atorfinitsitaanermi atugassarisat
Aningaasarsiat atorfinitsitaanermillu pissutsit attuumassutilittut sulisartut kattuffiannut naleqqiullugu pissaaq.

  • Sulinerup nalaa tassaavoq sapaatip akunneranut nal. akunneri 40-t
  • Malittarisassiat atuuttut malillugit atorfininnermi soraarnermilu akilikkamik angalaneq
  • Malittarisassiat atuuttut malillugit inissaqartitaaneq

 

Annermik paasisaqarit
Atorfimmut atatillugu paasisaqarnerorusukkuit imaluunniit apeqqutissaqaruit akunnittarfiup pisortaa Jeppe Eivind Nielsen saaffiginninnissannut tikilluaqqusaavutit, ugguuna: jeen@mit.gl

imal. tlf.: 38 29 91.  Apeqqutit nalinginnaanerusut HR-ip immikkoortoqarfianut mailikkut saaffiginnissutigineqarsinnaapput: hr@mit.gl

 

Hotel Kangerlussuaq pillugu nittartakkatsinni annertunermik paasissutissat nassaarisinnaavatit: www.hotelkangerlussuaq.gl aamma Mittarfeqarfiit pillugit uani: www.mit.gl

 

Soqutigaajuk?
Taava kingusinnerpaamik ulloq 17. maj 2021 qinnuteqaatit, CV, kiisalu ilinniagaqarnermut uppernarsaatit linki ataaniittoq aqqutigalugu tigunissaat qilanaaraarput. Oqaloqatiginninnerit ataavartumik ingerlanneqassapput.

 

Emailikkut qinnuteqaatit tiguneq ajorpagut.

 

Hotel Kangerlussuaq tassaavoq Mittarfeqarfiit pigisaattut nammisortitatut suliffeqarfik. Hotel Kangerlussuaq tassaavoq akunnittarfik nutaaliaq, ataasiuttarissanut ininut, marluuttarissanut ininut, ilaqutariinnut ininut inersuarnullu agguataarneqartunik 70-inik initaqartoq. Tamakku saniatigut Hotel Kangerlussuup ataatsimeersuarnernik ingerlatsisarfik, café, cafeteria, neriniartarfik á la carte, kiisalu imerniartarfik nutaaliaq ingerlappai. Akunnittarfimmi angalasut 20.000-it sinnerlugit ukiut tamaasa unnuisarput. Uani annermik atuagaqarit: www.hotelkangerlussuaq.gl

 

 

Qinnuteqarnissamut killissarititaasoq: maajip 17.-at, 2021

Atorfik una qinnuteqarfigiuk