Skip to main content
98

Dette jobopslag er udløbet

Hotel Kangerlussuaq igaffimmi pisortassarsiorpoq

Igaffimmi pisortap igaffik akisussaaffigissavaa, Hotel Kangerlussuarmilu aqutsisut allat ilagalugit aqutsisooqataalissallutit qaninnerpaatut pisortaralugu akunnittarfimmi pisortaq. Igaffimmi sulisunut, katillugit 12-t missaanniittunut qullersatut aqutsinissamut missingersuutinullu tunngasunut akisussaaffik tigummilissavat.

 

Suleqatit piginnaasallit peqatigalugit ineriartortitsinermi akisussaaffik tigummissavat ukununnga; nerisassanut sassaalliutissanut, ataatsimeersuarnerni neqeroorutaasinnaasut tunisassiarineri, nalliuttorsiornernik aaqqissuussinernut, pilersuisunut attaveqarnernut, pisiortornernut kiffartuussinernullu. Akisussaaffigissavattaaq pitsaassutsimut, kiffartuussinermut aningaasaqarnermullu anguniakkat  atuutilertinnissaasa qulakkeernissai , akunnittarfiup tamakkiisumik ilisarnaatasa nalingat qitiutillugu.

 

Aqutsisutut attaveqaataalluartuuvutit saqqumisuullutillu, qiimmassaassinnaallutit oqartussaassuseqarlutillu. Inuttut aqutsisutullu eqqissisimasuuvutit  – eqqumaffigalugulu inuit ineriartortinneqarsinnaaneri, peqataatinneqarlutik siuarsaaqataallutillu.

Igaffimmi suliassat saniatigut allaffissornikkut suliassat suliarinissai pikkoriffigaatit. Piumasaqaatit pitsaassutsimut kiffartuussinermullu tunngassuteqartut pillugit naaperiaanermi pitsaasumik oqimaaqatigiissaarisinnaavutit, pingaartillugulu ingerlatsinermik aningaasaqarnermillu tamakkiisumik aqutsinissaq.

 

Suliassat

  • Akisussaaffigalugu ulluinnarni ingerlatsineq, ataavartumillu igaffimmi pitsanngorsaanissaq
  • Ingerlatsinermi pisiortornermilu pilersaarusiornerit
  • Immikkoortoqarfimmi pitsaassusermut qulakkeerinissaq, ingerlatitsinermi suleriusinillu ineriartortitsineq: Iliuusissatut pilersaarusiornerit, periusissiaq (strategi), suleriaasissanillu suliaqarneq
  • Ulluinnarni aqutsineq, aqqutissiuineq (coaching) immikkoortoqarfimmilu sulisunik kaammattuineq soorlu: immikkoortoqarfimmi ataatsimiinnerni atatillugu
  • Akisussaaffigalugu immikkoortoqarfimmi sulisut ineriartortinnissaat sungiusarnissaallu

 

Neqeroorutigaarput

  • Akunnittarfiup anguniagaanut immikkuullareqqinnaamut peqataanissat, ”Kalaallit Nunaanni pitsaanersaat ilaat” akunnittarfiit ataatsimeersuarnermilu katersuuffimmik takorluukkamut piviusunngortitseqataanissaq
  • Suliffeqarfiup ineriartupiloortup inissitsitigaaneranilu iluaniilluni, aqutsisoqatitillu peqataanissaq
  • Atorfik namminersorfigisaq, illit suleqatitillu malunnaatilinnik naammassisaqarfiulluarsinnaasoq

 

Naatsorsuutigaarput

  • Atorfimmit assingusumit misilittagaqarnissat, aamma suliaqarfigisap iluani ilinniagaqarsimanissat
  • Ulloq unnuarlu ingerlatsinissaq nuannarissagit
  • Pimoorullugu suliniutigerusussagit tikeraartugut immikkuullarinnerpaamik tamakkiisumillu misigitinnissai nerisassat imigassallu aqqutigalugit.
  • Ilaatitsinissaq, attaveqaqatiginnittuunissat, aammalu sulisunut piumasaqaatinik naatsorsuutigisanillu erseqqissunik oqaasertalersuisinnaassuseqarnissat.
  • Tikeraanut ammasuunissat, tunisaqarluarsinnaanissaq, tutsuiginartutullu pissuseqarnissat
  • Torersaallaqqilluartuunissaq ilusilersuillaqqittuunisarlu ingerlatsinermi, allaffissornermi aningaasaqarnermilu aqutsinerup iluani

 

Isumannaallisaanikkut akuerisaaneq
Atorfinitsitaaniaraanni malittarisassiat atuuttut malillugit politiinit isumannaallisaanikkut akuerisaasinnaanissat piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat imaluunniit uani: www.sullissivik.gl.

 

Atorfininnermi atugassarisat
Atorfinitsitaaneq inunnut ataasiakkaanut atugassarisatigut pissaaq, tassani malittarisassiat atuuttut malillugit inissamik atugassaqartitsisinnaasoqarluni, aamma malittarisassiat atuuttut malillugit atorfininnermi akilikkamik angalanissamik neqerooruteqartoqarluni. Sulinerup nalaa tassaavoq sapaatip akunneranut nal. akunneri 40-t. Atorfininneq erseqqinnerusumik isumaqatigiissuteqarneq malillugu pissaaq.

 

Annermik paasisaqarit
Siunissami suliffeqarfigilersinnaasat pillugu uani atuarit: www.hotelkangerlussuaq.gl.

Atorfimmut apeqqutissaqaruit akunnittarfiup pisortaaneranut Ole Damgaard attavigineqarnissaminut tikilluaqqusivoq, uunga: olda@mit.gl imaluunniit oqarasuaatikkut: +299 38 29 9o.

 

Qinnuteqaat
Atorfik soqutigigukku kaammattussavatsigit qinnuteqaatit, CV, kiisalu ilinniagaqarnermut uppernarsaatit nassiuteqqullugit, interneti aqqutigalugu ataani tuugassaq toorlugu iserlutit. Qinnuteqarfissaq kingusinnerpaamik ulloq 30. november 2020.

 

 

Hotel Kangerlussuaq tassaavoq Mittarfeqarfiit pigisaattut nammisortitatut suliffeqarfik. Hotel Kangerlussuaq tassaavoq akunnittarfik nutaaliaq, ataasiuttarissanut ininut, marluuttarissanut ininut, ilaqutariinnut ininut inersuarnullu agguataarneqartunik 70-inik initaqartoq. Tamakku saniatigut Hotel Kangerlussuup ataatsimeersuarnernik ingerlatsisarfik, café, cafeteria, neriniartarfik á la carte, kiisalu imerniartarfik nutaaliaq ingerlappai. Akunnittarfimmi angalasut 20.000-it sinnerlugit ukiut tamaasa unnuisarput. Uani annermik atuagaqarit: www.hotelkangerlussuaq.gl

 

 

Qinnuteqarnissamut killissarititaasoq: novembarip 30.-at, 2020

Atorfik una qinnuteqarfigiuk