Skip to main content
90

Hotel Kangerlussuaq allanngortinneqarlunilu ineriartortinneqassaaq!

Taamaattumik ulloq 1. apriili 2020-mi imaluunniit isumaqatigiissut malillugu igaffimmi pisortassarsiorpugut, taanna suliassaqarfinni tamani immikkut ittumik pitsaassuseqarneq kiffartuussisarnerlu aqqutigalugit tikeraatsinnut tamanut asseqanngitsumik tamakkiisitamik misigisassanik pilersitsinissaq pillugu anguniakkatsinnik piviusunngortitsinermik ineriartortitaqarnermillu peqataaqataassalluni.

 

Akunnittarfimmi siulersuisut sinneri suleqatigalugit inissisimaffiit nunat tamalaani inissisimaffiusunut sapersaateqanngitsut anguniarlugit akunnittarfik, neriniartarfik, cafeteria aamma ataatsimeersuartitsisarnermut najoqqutassat ineriartortillugillu siulersugarissavatit.

 

Igaffimmut akisussaaffeqalissaatit, aammalu akunnittarfimmi inspektøri aamma akunnittarfimmi pisortaq qullersaralugit Hotel Kangerlussuup tamakkiisutut siulersuisooqatigiiani ilaalissallutit. Igaffimmi sulisunut tamanut, katillugit inuit 12-it missaanniittunut qullersatut siulersuinissamut missingersuutinullu tunngasunut akisussaaffik tigummilissavat.

Suleqatit piginnaasallit suleqatigalugit nerisassat sassaalliutissat ineriartortinnissaannut, ataatsimeersuarnerni tunisassarisanut, nalliuttorsiornernik aaqqissuussinernut, pilersuisunut attaveqarnernut, pisiortornernut kiffartuussinernullu akisussaaffiit tigummilissavatit. Aamma akunnittarfiup tamakkiisumik ilisarnaatitut nalingata ilaanik pitsaassutsimut, kiffartuussinermut aningaasaqarnermullu anguniakkat tikinnissaannik sammisaqarluni atuutsitsilernissap qularnaarnissaanut akisussaaffik tigummilissavat.

Pisortaavutit attaveqartuullunilu takussaasoq, qungujussinnaassuseqarlunilu ataqqinassuseqartoq. Immini pisortatullu inissisimaffinni eqqissisimaffeqarputit – aammalu ilanngussuineq ineriartortitsinerlu aqqutigalugit inuit ineriartortinnissaat alaatsinaataraat. ”Naqqup qeqqani” soorlulusooq allaffimmi ingerlataqarluarputit. Pigaartussat pilersaarusiullaqqillugillu regnearkit, missingersuutit imaluunniit aningaasaqarnermik aqutsinerit qunugiffissaqartinngilatit. Pitsaassutsimut kiffartuussinermullu tunniutiinnarfissaanngitsutut piumasaqaatit, kiisalu ingerlatsinerup aningaasaqarnerullu pitsaanerpaamik aqutarisaanissaannik sammisaqarnerup akornanni pitsaasumik oqimaaqatigiissitsivutit.

 

Suliassat

  • Ulluinnarni ingerlatsinerup, aamma igaffimmik pitsanngorsaajuarnermut akisussaaffeqarneq
  • Ingerlatsinermik pisiortornermillu pilersaarusiornerit
  • Immikkoortoqarfimmi pitsaassutsit qularnaarlugillu ingerlatsinerit/ingerlatat ineriartortinnissaat: Iliuusissatut pilersaarusiorneq, periusissiaq, suleriaatsillu
  • Ulluinnarni siulersuineq, coaching, aamma immikkoortoqarfimmi sulisunik kaammattuisarneq, ilaatigut immikkoortoqarfimmi ataatsimiinnernut atatillugu
  • Immikkoortoqarfimmi sulisut ineriartortillugillu sungiusarnissaannut akisussaaffeqarneq.

 

Neqeroorutigut

  • Akunnittarfiup ”Kalaallit Nunaanni akunnittarfiit ataatsimeerusarnermillu ingerlatsisarfiit pitsaanerpaat ilaat” pillugu takorluukkamut tunngasutut asseqanngitsumik suleqatigiinnermi ilaalerneq
  • Siulersuisooqatigiit ilaattut aaqqissuussiffimmi ineriartupiloortumi ilaalerneq
  • Atorfik namminersorfigisaq, illit, suleqatigiit akuuffigisatit peqatigalugit malunnaatilinnik inerniliissutinik pilersitsisuuffigisat

 

Naatsorsuutigaarput

  • Atorfimmit assingusumit misilittagaqarnissat, aamma suliaqarfigisap iluani ilinniagaqarsimanissat
  • 24/7-imi ingerlatsinermi ilaanerit nuannarissagit
  • Nerisassat imigassallu aqqutigalugit tikeraat assissaqanngitsumik tamakkiisitatut misigisassamik tunniussiffiginissaannik pimoorusserusussasutit
  • Ilanngussuisuunissat, attaveqaqatiginnittuunissat, aammalu sulisunut piumasaqaatinik naatsorsuutigisanillu erseqqissunik oqaasertalersuisinnaassuseqarnissat.
  • Tikeraanut ammasuunissat, tunisaqartuunissat, tutsuiginartutullu pissuseqarnissat
  • Torersaallaqqilluartuunissaq, aamma ingerlatsinermut, aqutsisoqarfimmut aningaasaqarnermullu tunngatillugu iluserititaqartuunissat

 

Isumannaallisaanikkut akuerisaaneq

Atorfinitsitaaniaraanni malittarisassiat atuuttut malillugit politiinit isumannaallisaanikkut akuerisaasinnaanissat piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat imaluunniit uani: www.sullissivik.gl.

 

Atorfininnermi atugassarisat

Atorfinitsitaaneq inunnut ataasiakkaanut atugassarisatigut pissaaq, tassani malittarisassiat atuuttut malillugit inissamik atugassaqartitsisinnaasoqarluni, aamma malittarisassiat atuuttut malillugit atorfininnermi akilikkamik angalanissamik neqerooruteqartoqarluni. Sulinerup nalaa tassaavoq sapaatip akunneranut nal. akunneri 40-t. Atorfininneq erseqqinnerusumik isumaqatigiissuteqarneq malillugu pissaaq.

 

Annermik paasisaqarit

Siunissami suliffeqarfigilersinnaasat pillugu uani atuarit: www.hotelkangerlussuaq.gl. Atorfimmut apeqqutissaqaruit akunnittarfiup inspektørianut Jeppe Ejvind Nielsenimut attaveqarnissannut tikilluaqqusaavutit, ugguuna: jeen@mit.gl imaluunniit oqarasuaatikkut: +299 38 29 91.

 

Qinnuteqaat

Atorfinitsitaanissamut naatsorsuutigisaqassaguit qinnuteqaatit, cv, kiisalu ilinniagaqarnermut uppernarsaatit kingusinnerpaamik ulloq 20. februaari 2020-mi qarasaasiakkut uunga nassiutissapput: jeen@mit.gl.

 

Ilisimatitsissutigissavarput qinnuteqaatit Emalikkut tigusinnaannginnatsigit.

 

Hotel Kangerlussuaq tassaavoq Mittarfeqarfiit pigisaattut nammisortitatut suliffeqarfik. Hotel Kangerlussuaq tassaavoq akunnittarfik nutaaliaq, ataasiuttarissanut ininut, marluuttarissanut ininut, ilaqutariinnut ininut inersuarnullu agguataarneqartunik 70-inik initaqartoq. Tamakku saniatigut Hotel Kangerlussuup ataatsimeersuarnernik ingerlatsisarfik, café, cafeteria, neriniartarfik á la carte, kiisalu imerniartarfik nutaaliaq ingerlappai. Akunnittarfimmi angalasut 20.000-it sinnerlugit ukiut tamaasa unnuisarput. Uani annermik atuagaqarit: www.hotelkangerlussuaq.gl

 

 

Qinnuteqarnissamut killissarititaasoq: februaarip 20.-at, 2020

Atorfik una qinnuteqarfigiuk