Ilinnut pingaarluinnarpa suliaq ajunngitsumik suliarissallugu? Ajunngitsumik sullissinertalerlugu pitsaassuseqartissallugulu qaffassittumik?  Taava atorfik una inuttassaqanngikkallartoq elektrikeritut immaqa ilinnoorpoq. Ullormik susoqarfiulluartumik assigiinngitsorpassuarnillu suliassartalimmik neqeroorsinnaavugut.

 

Suliassartai:

Aserfallattaalinermik suliaqassalluni atortunillu innaallagiartortunik aqqutaanillu iluarsaatassat

Innaallagissamik aqqutit nutaanerusut minnerit, atortullu innaallagiartortut suliarineri

Innaallagissap aqqutaannik kukkunersiuineq nakkutiginninnerlu – tamatumani mittarfittaani qulliit malittarisassiat atuuttut malillugit nakkutigisassat ilanngullugit.

Aserfallattaaligassatut nakkutigisassat tamatumani kalerrisaarutit- isumannaallisaanermullu atortut pineqarput

Suliffeqarfiup immikkoortortaani allani suliassat ingerlaavartumik takkuttartut.

 

Piginnaaneqarfigisassat:                    

Suleqatigiinni team´s-ini sulillaqqittuuvutit namminersullaqqillutillu. Ilaatigooriarluni suliassarpassuaqariartaartarpoq, taamaattumik pingaaruteqarpoq eqqissisimasuunissat suliassallu tamakkerlugit isigisinnaanissaat.

 

Sulilertussamut piukkussatsinnut aamma ilanngullugit makkua piginnaaneqarfigineqassapput:

Elektrikeritut ilinniarsimasuunissaq

Mittarfeqarfimmi innaallagissatigut aqqutinut misilittagaqarnissaq

Oqaluukkuminartoq qungujunnartunillu nuannarisaqartoq

 

Mittarfeqarfiit neqeroorutigaat:

Suliffeqarfimmi pissangarnartumi ineriartorfiusumilu atorfeqartissallutit, Nunatsinni suliffeqarfinni tamani pilerinarnerpaanngulersumi. Ullunnarni sulinissat inuinnarpalaartumik ingerlanneqassaaq, tassanilu sullissinermik pitsaasumik, pitsaassuseq qaffasissoq suliffimmilu tunniussimaneq pingaarnerpaalluni. Ulluinnarni sulininni assigiinngitsorpassuarnik nuannersunillu unamminartunik naammattuugaqartassaatit.

 

Atorfinitsitaanermut atugassarititat:

Atorfinissaatit immikkut ittumik isumaqatigiissuteqarlutit, atorfigisassamullu piumasaqaatit makkua ilanngunneqassapput:

Malittarisassiat atuuttut malillugit sulilernermi soraarnermilu akeqanngitsumik angalatitaaneq

Nassatat akeqanngitsut luftfragt 75 kg. tungaannut oqimaatsigippata imaluunniit umiarsuakkut 200 kg. sulilernermi soraarnermilu.

Immikkut ittumik isumaqatigiissut atorlugu atorfininneq, 2/2-mik aaqqissuussineq (qaammatit marluk suleriarluni tulleriissiinnarlugulu qaammatit marluk sulinngiffeqarluni.)

Nerlerit Inaani malittarisassat atuuttut naapertorlugit pequtitalimmik ineqartitaaneq

Sapaatip akunneranut suliffigisassaq tassaavoq akunnerit 40-it

Isumaqatigiissuteqarnikkut sulilluni aallartissaaq.

                                                       

Paasisaqarnerorusuppit:

Paasisaqarnerorusupppit imaluunniit atorfimmut apeqqutissaqarpit, taava tikilluaqquneqarputit Mittarfeqarnermi Pisortaq Robert Larsen mail-ikkut: rola@mit.gl imaluunniit oqarasuaatikkut: +299 38 28 81.

Apeqqutit naliginnaanerusut HR-ip immikkoortortaanut saaffiginnissutaasinnaapput mail-mut: HR@mit.gl

 

Qinnuteqaat

Atorfik soqutigigukku kaammattussavatsigit qinnuteqaatit, CV, kiisalu ilinniagaqarnermut uppernarsaatit nassiuteqqullugit nittartakkatsigut www.mit.gl kingusinnerpaamik ulloq Marsip 31-at 2023.

 

Qinnuteqaatit e-mailikkut aqqutigalugu nassiussat tiguneq ajorpagut.

 

Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.