Skip to main content
112

CNS / Mittarfeqarfiit, Kangerlussuarmi CNS-imut immikkoortortaani teleteknikerissarsiorneq

Teknikeriuit, elektronikmekanikeriuit, imaluunniit elektronikfagteknikeriuit pisunilu najummatsisimanartuni ataatsimut isiginnissinnaassusermik attassisinnaavit? Tamatumunngalu ilutigitillugu isumassanik ulikkaarpit ajornartorsiutinillu nammineerlutit aaqqiisinnaallutit, nuannaartuullutit, taava imaassinnaavoq illit tassaasutit Kangerlussuarmi CNS-imut (Communication, Navigation & Surveillance) sulilernissannut piukkunnaateqartutit.

 

Suliffissat:

Immikkoortortaqarfitsinni marlunnik sulliveqarpugut Nuummi Kangerlussuarmilu. Immikkoortortaqarfipput savitooq arfineq marlunnik CNS teknikereqarpoq ilinniartirlu ataaseq, sulisut marluk Kangerlussuarmiillutik. Ilutsinni aammalu suliffeqarfimmi sulisunut tamanut suleqatiginnilluartuuvugut, suliavullu unammillernartuullutik. Mittarfinni 13-iusuni helikopterinullu mittarfinni 43-iusuni pingaarnerpaatut suliassaraavut atortutsinnik isumannaatsumik ingerlatsinissaq, malittarisassat ICAO-p piumasaqaatai malinnissaat qulakkeertussaallutigu, nunatsinnilu timmisartornerit isumannaatsunik ingerlanneqarnissaat qulakkiissallugu.

 

Suliassatit:

Teknikeritut suliassatit makkuusapput:

  • CNS-imut atortunik ingerlatsinermut peqataaneq nutarterinerlu – CNS-imut teknikerit allat nalingalugit
  • CNS-imut atortunik/systeminik nutaanik ikkussuinermut peqataaneq atuutilersitsinerlu
  • Mittarfinni atortut, soorlu assersuutigalugu sumiissusersiutit, naaralaartitsiviit, raadarit, VHF-imik nassitsissutit/tigooraaviit, sillimaniarnermi atortut allallu napasuliani atortut kallerup innitortut sunik ajoquteqarnerannik paasiniaaneq aamma iluarsaassineq
  • Suliassanik isumaginninnermut atatillugu angalasarnissaq naatsorsuutigineqassaaq

 

Atorfimmut pikkussaq tulluuttumik ilinniagaqassaaq assersuutigalugu elektroniktekniker, elektronikmekaniker, fagtekniker imaluunniit teletekniker. Peqqissaartuunissaq suleqatikkuminartuunissaq inuillu akornanniillaqqissuunissaq aamma piumasaqaataavoq. Saniartigut naatsorsuutigaarput

  • Teleteknikereq, elektronikmekanikereq, elektrofagteknikereq imaluunniit elektronikteknikereq
  • CNS-ip avatangiisiinut ilisimasaqarneq iluaqutaassaaq  
  • VHF senderinut nassiussisartut/tigooraasartut misilittagaqarfigivatit
  • Pinartoqartillugu tamakkiisumik isiginnissinnaassaatit  
  • Qallunaatut tuluttullu oqalussinnaallutillu allassinnaassaatit
  • Biilersinnaanermut allagartaqassaatit
  • Politiinit isumannaallisaanermut akuerineqarsinnaassaatit
  •  

Mittarfeqarfiit neqeroorutigaat:

CNS-tjenesten Mittarfeqarfinni pingasunik sulliveqarpoq Nuummi, Kangerlussuarmi Ilulissanilu. Atortut teletekniskiusut akisussaaffigaagut Mittarfeqarfiit mittarfiini 13-usuni qulimiguulinnullu mittarfeeqqani 43-suni, immikkoortortaqarfiit assigiinngitsut suleqatigilluarlugit. Tjenestip siullertut suliassaraa Mittarfeqarfiit atortui qajannaatsuunissaat pitsaasumillu ingerlanissaat, ICAO-ip Trafikstyrelsillu aalajangiussaat malillugit. Suliassaq ataqqinartorujussuartut pillugu malinniartarparput, qaqugukkulluunniit Kalaallit Nunaanni silaannakkkut angallannerup qajannaatsuunissaanut kivitseqataaniassagatta.   

 

Atorfinitsitaanermi atugassarititaasut:

Kattuffik attuumassuteqarfigisaq naapertorlugu akissarsiaqarneq aamma atorfinitsitaaneq. Taamaattoqanngippat, atorfinitsitaaneq isumaqatigiissut atorfinittussamut toqqartoq isumaqatigiissutigalugu atorfinittoqarsinnaavoq

  • Atorfinitsitaanermut atatillugu angalanermik akiliunneqarneq
  • Mittarfik Kangerlussuarmi malittarisassat atuuttut naapertorlugit ineqartinneqarneq
  • Illoqarfigisamut ukiumoortumik angalanermik akiliunneqarneq
  • Inuttut suliatigullu ineriartorneq

 

Paasisaqarnerugit:

Atorfimmut tunngatillugu apeqqutissaqaruit attaveqarnissannut tikilluaqqusaavutit Niels-Erik Petersenimut sianerlutit +299 38 26 70-mut - mailimulluunniit allallutit niep@mit.gl imaluunniit Teamlederitsinnut Thomas Skiftemut allallutit thsk@mit.gl imaluunniit sianerlutit +299 38 26 71. Mittarfeqarfiit pillugu paasissutissat uani takuneqarsinnaapput www.mit.gl

Paasissutissat naliginnaasut uunga apeqqutigineqarsinnaaput: hr@mit.gl

 

Soqutiginnippit:

Taava qinnuteqaativit, inuuninni sulerisimaninnik allattorsimaffiup kiisalu ilinniarsimanermut allagartavit internetikkut attaveqaat ataaniittoq atorlugu kingusinnerpaamik ulloq 27. september 2019 tigunissaat qilanaaraarput.

 

 

Mittarfeqarfiit suliffeqarfiuvoq sinneqartooruteqarneq tunngavigalugu ingerlanneqartoq Kalaallit Nunaanni Namminersorlutik Oqartussat ataanniittoq. Mittarfeqarfiit Nunatsinni suluusalinnik mittarfinnik, qulimiguulinnik mittarfinnik aamma mittarfinni hotelinik marlunnik ingerlatsineq isumagisaaa. Ukiumut timmisartunik tingisitsinerit mitsitsinerillu 70.000-it sinnerlugit isumagisarpagut inuillu 350.000-it sinnerlugit kiffartuuttarlutigit. Sulisut 400-t missaanniippugut. Qullersaqarfik Nuummiippoq.

 

Qinnuteqarnissamut killissarititaasoq: septembarip 27.-at, 2019

Atorfik una qinnuteqarfigiuk