Skip to main content
93

Dette jobopslag er udløbet

Atorfimmut pissanganartumik Mittarfeqarfiit finansbogholderissarsiorpoq

 

Bogholderiimi ingerlatanik suliassarisanillu pitsaanerpaanngorsaanermik ineriartortitseqqinnermillu suliaqartuaratta aningaasalersuinermik suliassaqarfimmi ingerlassamut tamarmiusumut soqutiginnittumik bogholderissarsiorpugut.

 

Ineriartortitsinermik suliassat pissanganartut nutaat, aamma ingerlattakkanik assigiinngitsunik pitsaanerpaanngorsaanerit suliarineqartassapput. Taamaattumik ulluinnarni sulinerit ingerlatsinermik ineriartortitsinermillu suliassanik imaqartassaaq.

 

Suliassatit pingaarnerit:

Mittarfeqarfinni aningaasalersuinermik immikkoortoqarfiup akiliutit akiligassallu tamaasa, aamma mailikkut oqarasuaatikkullu nioqquteqarfigisanit saaffiginnissutinik akissuteqarnerit aqutarai.

Aningaasalersuinermik immikkoortoqarfimmi suliassat ilaatigut makkuupput:

  • Tamatigoortumik fakturanik isumaginnittarneq
  • Ulluinnarni bogføriineq, kiisalu aningaaserivillu naatsorsuutit iluarsisarneri
  • Aningaasalersugaasunik naatsorsuutinik iluarsiisarnerit
  • Ingerlattakkanik nutarsaasarlunilu pitsaanerpaanngorsaajuarnerit
  • Ilitsersuutit nutarsartarneri
  • Ukiumut naatsorsuutit aamma kukkunersiuisarnerit piareersarneri

 

Piginnaasatit:

Allaffissornermik ilinniagaqarputit, suliffimmiillu assingusumik minnerpaamik ukiunik pingasunik misilittagaqarfeqarlutit. AX2012-imik, imaluunniit aningaasaqarnermik aqutsinermik aaqqissuussivinnik allanik aamma Office pakkimik misilittagaqassaguit iluaqutaassaaq.

IT-mik piginnaasaqarluartuuvutit, kiisalu oqaluttariarsorluni allattariarsorlunilu paasisitsiniaallaqqillutit, tassaavutillu:

  • Sungiussiasoq
  • Kalaallisut aamma/imaluunniit danskisut tuluttullu oqalullutillu allassinnaakutsoortoq
  • Suleriaatsit pitsanngorsarnissaat kajungernartitsisoq
  • Inussiarnersoq naapikkuminartorlu
  • Suliassanik pingaarnersiuillaqqissoq
  • Akisussaaffeqartoq, assuarnaatsoq, pisunik malussarissoq namminersortorlu

 

Sillimaniarnikkut akuerineqarneq:

Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkanni politiitut oqartussani pineqarsinnaavoq imaluunniit uani: www.sullissivik.gl.

Atorfinitsitaanermi atugassarititaasut:

Pineqartoq tassaavoq suliffimik pissanganartoq, namminersuutigisaq tamaviaarnartorlu. Aningaasarsiat atorfinitsitaanermullu atugassarisat kattuffik attuumassutilik naapertorlugu pissaaq. Sapaatip akunneranut nal. akunnerini 40-ni sulisarneq sivisussuseqarpoq.

 

Annertunermik paasisaqarit:

Atorfik pillugu annermik paasisaqarusukkuit apeqqutissaqaruilluunniit Immikkoortoqarfimmi pisortaq Tupârna Høyer-Møllerimut attaveqarnissannut tikilluaqqusaavugit, oqarasuaatikkut +299 38 26 47 imaluunniit mailikkut: tumo@mit.gl. Apeqqutit nalinginnaanerusut HR-imik immikkoortoqarfimmut mailerutigineqarsinnaapput: HR@mit.gl

 

Soqutigaajuk? Taava qinnuteqaatit, CV, kiisalu ilinniagaqarnermut uppernarsaatit ataani linki aqqutigalugu kingusinnerpaamik ulloq 20. oktobari 2019-imi tigunissaat qilanaaraagut.

 

Mittarfeqarfiit Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

Qinnuteqarnissamut killissarititaasoq: oktobarip 20.-at, 2019

Atorfik una qinnuteqarfigiuk