Maani Sulunnguani ullugut ataatsimoornermik, alapernaassusermik nuannersumillu ilinniarnermik ineriartornermillu imaqartittarpagut. Meerannguit ulluinnarni qalipaasersuilluartartut, 3-6 akornanni ukiullit 20-it inissaqartippagut. Tamaani nipaatsuunissaq, nipiliornissaq, alapernaannissaq, pinnguarnissaq aammalu meeraanissaq inissaqartilluarpagut. Illup ilua angivallaanngikkaluartoq nuannersumik silaannaqartipparput – misigiartoruk!

 

Suleqatigut marluk maanna ilinniaqqinniarlutik aalajangernikuummata, sulilersinnaasunik perorsaasumik aammalu isumaginninnermik ikiorti-mik suleqatigiinnitsinnut nuannersumut ilassarsiorpugut.

 

Kikkuuvugut?

Meeqqerivik Sulunnguit imminut pigisoq, maanilu oqaatsit marluk atorneqarput. Sisamanik sulisoqarpoq: Aqutsisoq, tullersorti, perorsaasoq Isumaginninnermik ikiorti-mik.

Meeqqerivik illoqarfiup qeqqarpasissuani Flygården-imi inissisimavoq, qanittutsinnilu aneerfigikkatta atorluartaqaagut.

Akuersaartumik perorsaanermi periuseqarneq ingerlapparput, meeqqat ataasiakkaat tamaasa isigalugit, tusaallugillu inissaqartillutigit. Meeqqat tamarmik assigiinngillat, taamatuttaarmi perorsaasut isumaginninnermik ikiorti-llu aamma assigiinnatik. Tamaanilu periusitoqqat isummallu nutaat tamarmik inissaqarput.

Tamakkua saniatigut, meeqqat ingerlalluarnissaat pingaartitatta ilagaat, alapernaassutsiminillu misileraanissaannik ikiortuarpagut. Silamiinneq pinngitsoorsinnaanngilarput, ukiumortumillu aallaarsimaartarnigut nuannarilluarpagut.

Neqeroorutigaagut:

-        Meeratsialaat 20-it

-        Angajoqqaat aalajaatsut

-        Suleqatit qanilaartut

-        Ullorsiutit ukiumut pisussanik, takorluukkanik anguniakkanillu imallit (annerusumik atuarsinnaavatit uani: www.sulunnguit.gl )

-        Sulunnguani ulluinnaat ilusissaannik aalajangeeqataanissaq

 

Kikkut ujarpagut?

Meeqqerivimmi imminut pigisumi, inissaqarluarlutit kiffaanngissuseqarlutillu sulerusukkuit, perorsaasutut imaluunniit Isumaginninnermik ikiorti-mik Meeqqerivik Sulunnguani atorfiit arlaannut tulluarsimassaatit.
Illu anginngitsoq pitsaasumilli silaannaqartitarput alakkaruk.

Ataatsimoorneq uagutsinnut pingaaruteqarpoq, taamaattumillu sammisassaqartitsinitsinni meeqqat angajoqqaavi peqataatinniartuarpagut. Soorlu sulinitsinni, nerisitsinerni imaluunniit ullaakkut kaffisoqatigisarnerini ilagerusuttarlutigit.

Ilinni naatsorsuutigaagut:

-        Tunniusimallutit ulluinnarni ingerlatsinerni sunniuteqaqataasinnaanerit

-        Sila qanoq ikkaluarpalluunniit aneernissamik nuannarisaqartutit

-        Qanilaartuullutit eqqanniittunik eqqissisimasitsisinnaasutit

-        Nuannersumik kiinnillaqqillutit ilakkuminartuussasutit

-        Tunniusimasumik suliffeqarfimmi anginngitsumi sulerusuttutit.

Illerpiaq tusarfiginissat qilanaareqaarput!

Aningaasarsiat sulilernermilu atugassarititaasut:

-        Erseqqissaatigissavarput meeqqanik innarliisimannginnermut uppernarsaammik piniartoqassammat

-        Aningaasarsiassatut isumaqatigiissutit atuuttut malikkatsigit, saniatigullu Sulunnguanit tapiuteqarmat.

-        Sapaatit akunneranut nalunaaquttap akunneri 40-ut suliffiussarput

-        Sulineq nikerartumik nal. 7-17 akornanni pisassammat

-        Sulilertussaq piukkunnaatilik aamma saniatigut tullersortitut tapimik pisinnaavoq.

-         

Atorfiit pillugit annertunerusumik paasisaqarusukkuit, aqutsisoq Heidi Due Hansen saaffigisinnaavat ugguuna: meeqqeriviksulunnguit@gmail.com imaluunniit tlf: 32 41 88

Qinnuteqaat aammalu pappiaqqat tassunga attuumassuteqartut uunga nassiutissavatit:  meeqqeriviksulunnguit@gmail.com