Skip to main content
92

Dette jobopslag er udløbet

Maniitsumi Efterskoli Viceforstanderissarsiorpoq

Maniitsumi Efterskoli Pisortamut tullersortissamik/viceforstander 1. marts 2019 isumaqatigiissuteqarnikkulluunniit atorfinittussamik pissarsiorpoq.

 

Efterskoli 70-nik atuartoqarpoq. Sulisut 17 – iupput.

 

Efterskolep ingerlanneqarneranut Aqutsinermi Suliassat:

 

Viceforstanderi efterskolip aqunneqarnerani pisortaq allaffimmilu pisortaq peqatigalugit suleqataassaaq.

Viceforstanderi efterskolip allaffiata inoqartuarnissaa peqataaffigissavaa, pisortaq siunersiueqatigisassavaa pisortallu peqannginnerani taarsertassallugu.

Viceforstanderip pisortaq qaninnerpaatut suleqatigissavaa.

 

Qarasaasiakkut programmi Skoleplan atuartunik, sulisunik, pilersaarusiornermi atuartitsinerullu ingerlanneqarneranut sulinermi atungaatsiarneqarnissaa naatsersuutigineqassaaq.

 

Viceforstanderip suliai makkuussallutik:

  • Atuartut ulluinnarni najugaqarnerat atuarnerallu pillugit suliat.
  • Viceforstanderip atuartut skemassaat allallu agguataartarnissaat isumagisassavai.
  • Ataatsimoortitsilluni naapisitsinerni peqataasassaaq.
  • Viceforstanderip ullaakkut katerisitsinerni peqataasaaq – soorlu paasissutissiinerni pisariaqartinneqartuni allannguutaasunilluunniit.
  • Viceforstanderip atuartut peqanngikulasut pissusissaanngitsunillu iliuuseqartut oqaloqatigineqarnissaannut aggersaasassaaq.
  • Viceforstanderip atuartut kollegiami inississornissaat ilinniartitsisut attaveqaataasut peqatigalugit isumagisassavaa.
  • Viceforstanderip kommunenut atuartut pillugit nalunaarusiornerit ingerlattassavai.
  • Viceforstanderip pisortap atuartunik ataasiakkaanik oqaloqateqarnerani isumaqatiinnikkut peqataasassaaq.
  • Viceforstanderi pisortaq peqatigalugu atuartunik tamanik kateritsitsisarnernik ingerlatsisassapput.

 

Atuartitsineq:

  • Viceforstanderip atuartitsisarnera nakkutilliisarnera 40%-p miss. Aamma efterskolemilu aqutseqataanera 60%-p missaaniittarpoq.
  • Viceforstanderi pisortaq peqatigalugu ilinniartitsisut/atuartitsisut perorsaanerup tungaatigut ineriartortinneqarnissaat akisussaaffigissavaat.
  • Viceforstanderip Den frie Lærerskolemit ilinniartut ukiumi suliffimmik misiliineranni aqqutissiuusseqataasassaaq.
  • Viceforstanderip efterskolemi atuartut suliffimmik misiliinerat aamma ilinniagaqalernissamut inuussutissarsiutinullu tunngasunik aqqutissiuunneqarnerat nakkutigissavaa.
  • Viceforstanderip ilinniartitsisut suleqatigiissitallu assigiinngitsut ingerlalluarnissaat ataqatigiissaassavaa.

 

Misilitsinnerit:

  • Viceforstanderip allattariarsornerit censorissarsiornerit piareersaasiorlugillu nalunaarsortassavai.

 

Sulisut:

  • Viceforstanderip efterskolemi suleriaatsit atuuttut sulisunit ilisimaarilluarneqarnissaat suliaanut ilaassapput. Viceforstanderip suliassarivai: Ukiumut pilersaarutit, ilinniartitsisut sulinerannut isumaqatigiissutit, skemaliorneq, faget agguataarnerat, sulinngiffeqarnerit, pikkorissarnerit, nakkutilliisussat inississorneri, paarlaasartut atuartitsisullu timii malillugit akissarsiassanut tunngasut.  

 

Aningaasarsiat atorfininnermilu atugassarititaasut:

IMAK-ip, Kalaallit Nunaanni Ilinniartitsisut Kattuffiat, isumaqatigiissutaa malillugu atorfinititsisoqassaaq.

Atorfinitsitaanermi atorfinittoq ilaqutaalu nuunnermi angalanermut akiliunneqassapput siusinnerpaamillu ukiut pingasut qaangiunneranni soraarnermut atatillugu angalanermut akiliunneqarluni.

Nuunnermut (pisattanut) atatillugu sulinngiffeqarnermi akiliunneqarluni angalanissamut tunngatillugu malittarisassat atuuttut najoqqutaralugit akiliussisoqassaaq.

Atorfimmut atatillugu inissaqartitsisoqassaaq malittarisassallu atuuttut najoqqutaralugit qularnaveeqqusiinermut (depositum), inimut atuinermullu akiliisoqartussaalluni. Meeqqeriveqarpoq, meeqqanut atuarfeqarpoq pisiniarfissaqarluarlunilu.

 

Atorfiniffissaq

Atorfik 1. Marts 2019 imlt. isumaqatigiissuteqarneq tunngavigalugu inuttalerneqassaaq.

Attaveqarfissat/paasissutissat

Paasissutissanik annertunerusunik pissarsiorsinnaavutit Maniitsumi efterskolep pisortaanut Vilhelm Josefsen-mut sianerluni saaffiginnillutilluunniit oqarasuaat +299 81 79 00.

Qinnuteqaatit CV-talik ilinniarsimanernullu pappiaqqat pisariaqartut ilanngullugit elektroniskimik info@em.gl  –imut nassiunneqassaaq. Qinnuteqaat kingusinnerpaamik tigoreersimassavaraput Tallimanngorneq 08. Februar 2019