Skip to main content
119

Dette jobopslag er udløbet

Maniitsumi Efterskoli ilinniartitsisussarsiorpoq

Maniitsumi Efterskoli marlunnik  ilinniartitsisussarsiorpoq. Augustip aallaqqaataani 2021 atorfinittussanik.

 

Suliamut perorsaanermullu unammillernartumut piareersimasutut misigisimavit?

Kulturikkut inuttullu unammillernartunut piareersimavit?

Suliassatigut perorsaanermullu tunngasutigut pikkorinnerpaat ilagaatsit?

Tunniusimalluartuuit nikallujaatsuullutillu?

Ilinniartitsinerup nuannersua misigisarpiuk aammalu nalunngiliuk sooq efterskoli immikkuullarilluinnarnersoq?

Timimik atuisinnaaneq annertusaaqataaffigissallugu piumassuseqarpit? Illillu timersornermik soqutigisaqarpit? Imaluunniit atuagarsornikkut qaffassaaqataarusuppit?

Taava immaqa atorfik ilinnut naleqqulluartoq pigaarput!

Maniitsumi Efterskolimi ilinniartitsisussarsiorpugut, efterskolip Kalaallit Nunaanni ilinniarfiusinnaasut periarfissat ilaattut pikkunartumik ilisarnaatilittut ilusilersornerata nanginnerani pissanganartumi suleqataasussanik erseqqissumik ilikkagassatigut inuttullu anguniagassartalimmut.

Atuartut 70-t sinerissaminngaaneersuusarput.

Efterskolip fagini ilinniagassatigut ilisarnaatai

  • Sammiviit sisamat: Nipilersorneq, timersorneq, silamiinneq/piniarnerlu aamma Film & media suliaqarneq.
  • Fagit pinngitsoorani atuarfiusussat: Qallunaatut, tulutut, matematik kiisalu kalaallisut
  • Atuartoqatigiinnik ullaakkut kateritsitsinerit, ataatsimoorluni atuartitsinerit aammalu sapaatip akunnikkaartumik sammisaqarfiusut.
  • Valgfaginik assigiinngitsorpaalussuarnik toqqagassaqarneq.

Ilinnut tunngasut

  • Qinnuteqartoq efterskolimi fagini qallunaatut imaluunniit tuluttut pinngitsoorani atuartitsissutissani inaarutaasumillu misilitsiffiusussani atuartitsisinnaasoq.
  • Ataatsimooqatigiiffik pisussaaffiliisoq oqaatsitigut kulturikkullu unammillernartulik peqataaffigisinnaavat
  • Pilersitsisinnaassusilik nassaarsiorsinnaasorlu allanik suleqatigiinni akuusutut imminut isigisoq.
  • Unnukkut, sapaatillu akunnerisa naanerisa ilaanni atuartunik nakkutiginneqataanissamut piareersimasoq.
  • Atuartunik/inuusuttunik aqqutissiuinermik piginnaasaqarneq pitsaassaaq.
  • IPAD atorlugu atuartitsisinnaaneq iluaqutaassaaq.

Atorfinitsitaanermi atorfinittoq ilaqutaalu nuunnermi angalanermut akiliunneqassapput siusinnerpaamillu ukiut pingasut qaangiunneranni soraarnermut atatillugu angalanermut akiliunneqarluni. Nuunnermut (pisattanut) atatillugu malittarisassat atuuttut najoqqutaralugit akiliussisoqassaaq.

Atorfimmut atatillugu inissaqartitsisoqassaaq malittarisassallu atuuttut najoqqutaralugit qularnaveeqqusiinermut (depositum), inimut atuinermullu akiliisoqartussaalluni.

Paasissutissanik annertunerusunik pissarsiorsinnaavutit atuarfiup forstander-ianut Vilhelm Josefsen-mut saaffiginnillutit oqarasuaat +299 817900 imaluunniit mail vj@em.gl aamma aro@em.gl atorlugit. Takuuk aamma nittartagaq www.efterskoli.gl

Qinnuteqaatit CV-talik pisariaqartunillu ilanngussartalik elektroniskimik info@em.gl –imut nassiunneqassapput, kingusinnerpaamik pingasunngorneq 22. juni 2021