Skip to main content
88

SULLISSIVIK MÆLKEBØTTECENTERIMI KALAALLIT NUNAANNI NUUMMIITTUMI TARNIP PISSUSSAANIK ILISIMASALLIT QULLERSAAT

Sullissivik Mælkebøttecenterimi meeqqat inuusuttullu inuuniarnikkut pitsaasunik atugaqaarnissaat qulakkeerniarlugu suleqatigiinnut peqataajumavit – aammalu suliffeqarfiup tarnikkut siunnersuisarneranik ineriartortitsiumavit?

Atorfik

Tarnip pissusaanik ilisimasallit qullersaattut akisussaaffiligassatit tassaapput, Sullissivik Mælkebøttenip tarnikkut siunnersuisarnerata ineriartortinneranut peqataanissaq, taamaaliornikkut Mælkebøttenimi najugaqatigiffinnilu inooqataanikkut eqqarsartaatsikkullu apeqqutit naammassisassat aaqqiivigineqarnissaannut peqataallutit, aammalu meeqqat, inuusuttut sulissullu siunertamut naleqquttumik aaqqivigineqarnissaanik nassaarsiorlutit.

Suliariligassatit sisamanik pingaarnertut immikkortortaqarput:

  • Meeqqanik inissinneqartunik eqqarsartaatsikkut paasiniaaviginnineq

Meeqqanik Sullissivik Mælkebøttecenterimut inissinneqartunik eqqarsartaatsikkut paasiniaaviginnineq eqqarsartaatsikkullu misissuineq (paasiniaaneq).

 

  • Meeqqanik eqqarsartaatsikkut katsorsaaneq

Katsorsaalluni suliassat tassaasut meeqqanik inuussuttuaqqanillu Mælkebøttenimi imaluunniit najugaqatigiiffinni inissinneqarsimasunik ataasiakkaarlugit imaluunniit eqimattakkaarlugit eqqarsartaatsikkut katsorsaaneq. Taavalu ilaqutariinnik siunnersuineq katsorsaanerlu.

 

  • Meeqqanut tamanut katsorsaanissamik pilersaarutit ataatsimiissutiginerinik ataqatatigiissaarineq.

Katsorsaanissamut pilersaarusiorluni ataatsimiinnernik aaqqissuussineq ataatsimeeqataanerlu, tassami meeqqat ataasiakkaat perorsarniarlugit katsorsarnissaannut pilersaarut suliarineqartarmata. Taavalu tarnikkut katsorsaanissamut pilersaarutinik naliliinerit.

 

  • Sulisunik siunersioqateqarneq ilinniartitsinerlu

Sulisunik Sullissivik Mælkebøttecenterimi atorfeqartunik ilinniartitsineq piginnaanngorsaanerlu.

 

Aammattaaq Sullissivik Mælkebøttecenterip ilisarnaataa naleqartitaalu pillugit   avammut paasisitsiniutaanut pilerisaarinerinullu peqataanissat tunuarsimaarfigissanngilat.

Piginnaanerit ujartukkat

Soorunami tarnip pissusaanik ilisimasalittut ilinniarsimassaatit – cand.psych imaluunniit cand. pæd. psych, ajornanngippat pisinnaatitsissummik peqarlutit. Meeqqanik inuusuttunillu ajornartorsiulernissamik navianartorsiortunik tarnip pissusaanik sullisinermi misilittagaqassaatit ilisimasaqarlutillu taamaalillutit suliassat suunerinik allattorsimasut misilittagaqarfigissallugit. Kalaallit inooriaasiannik paasisimasaqaruit misilittagaqarfigalugu, tamanna assorujussuaq iluaqutaassaaq. 

Naatsorsuutigineqarpoq imminut ilisimaarilluarnissat, tassunga ilaallutik nammineq naleqartitat isummertaatsillu suunerinik ilisimaarinninneq. Illumi sulisunut atuisuinullu maligassiusuussaatit, taamaattumillu tatiginartuunissat, aalajaatsuunissat, uppernassuseqarnissallu naatsorsuutigineqarpoq. Nammineerlutit sulisinnaavtit, isumassarsiorsinnaallutit eqaatsumillu sulisinnaallutit aammalu suliamut ilisimasatigut assuarineqarsinnaanatit. Qanoq iliornissamut nukissaqarputit, imminut tatigalutit pissutsit aallaavigalugit iliuuseqarsinnaalluarlutit. Ilutigisaanik sapiissuseqarputit tatiginassuseqarlutillu.

Kaammattuisuuvutit allanullu attaveqallaqqissuullutit, suleqatillu sumilluunniit atorfeqaraluarpata erseqqissumik ersarissumillu attaveqatigisinnaallugit. Allanik suleqatiginnillaqqipputit, aammalu aqqiagiinnginnernik iliuuseqarfiginnissaq ajornartorsiutinillu aaqqiinissaq qunuginagu.

Pissutsinik iluarsiiniarluni isornartorsiuineq (pingaartumik nuanniissinnaasumik isornartorsiuineq) akorsinnaasariaqarpat isummerfigisinnaasariaqarlugulu, suliffeqarfimmilu namminersortumi sulinerup nassatarisaanik unammilligassat akorsinnaasariaqarpatit ineriartorteqqillugillu. Pisuni tatineqarfiusuni tamakkiisumik takunnissinnaanissaat naatsorsuutigineqarpoq, ataatsikkullu suliassat qaleriiaaraluartut suliamik ingerlatsisinnaanissaq naatsorsuutigineqarluni.

Naggataatigut minnerunngitsumillu ineriartortitsisinnaaneq unitsitsiinnannginnissarlu piginnaaneqarfigaatit, aammalu Kalaallit Nunaanni meeqqat inuusuttullu iluaqutissaannik iliuseqarumalluinnartuullutit.

Kalaallisut qallunaatullu marluinnik oqaaseqartuunissat kissaatigaarput, tamannali pinngitsoorani piumasaqaataanngilaq.

Pinerluuteqarsimannginnermut aammalu meeqqanik pinerliisimannginnermut uppernarsaat takutissavat atorfeqarnernilu attatiinnassallugu.

Pissarsiassatit

Kalaallit Nunaanni meeqqat inuusuttullu ajornartsorsiulernissamut navianartorsiortut atugaannik allanngueqataanissamut periarfissaqassaatit, tassami avatangiisit isumassarsiorfiusut suliallu tungaatigut ineriartorfiusut peqataaffiginissaannut periarfissaqarputit. Tassunga ilanngullugu suleriaatsip qanoq issusianut sunneeqataasinnaassaatit.

Suliffik aamma suliami inuttullu unammillernartumi, isumagissaarnermik, anguniagaqarnermik suliffimmillu ineriartortitsinermik neqerooruteqarpoq.

Ulluinnarni sulineq soqutiginartoq aqqutigalugu suliamut inuttullu piginnaasavit ineriartorteqqinnissaanut periarfissaqassaatit, pikkorissarnernut ilinniaqqinnernullu suliamut naleqquttunut - soorlu piginnaatitsissut - peqataasassallutit.

Ilaatigut pigisanik assartuineq neqeroorutigaarput, atorfimmullu atatillugu inissaqartitsisoqarluni.

Suliffeqarfik

Sullissivik Mælkebøttecenteret suliffeqarfiuvoq namminersortitaq, aningaasaateqarfittut nalunaarsorsimasoq. Inunnit namminersortunit suliniutaavoq, siulersuisuniippullu Nuummi Rotary Club, Nuummi Lions Club, Sulisitsut aammalu Kommuneqarfik Sermersooq. Siunertaavoq meeqqat inuusuttuaqqallu pingasuniit 17-inut ukiullit, angerlarsimaffiup avataanut inissinneqarsimasut, sumiginnagaasimasut, atugaasa pitsanngorsaavigineqarnissaat kiisalu sumiginnaasoqaannarnissaata pitsaaliorneqarnissaa.

Sullissivik Mælkebøttecenteret aningaasat katersukkat atorlugit pilersinneqarsimavoq, ingerlanneqarneralu kommunit sullinneqarnerminnut akiliutaannit aningaasalersorneqarluni. Sullissivik Mælkebøttecenteret maannakkut makkuninnga immikkoortortaqarpoq, allaffeqarfik, Mælkebøtten, meeqqanik inuusuttunillu atugarliulernissamut navianartorsiortunik misissueqqissaartarfik ulloq unnuarlu najugaqarfiusoq kiisalu ornittagaq meeqqat iggaviata inissisimaffia. Sullissivik Mælkebøttecenteret aamma marlunnik najugaqatigiiffittaqarpoq, tassani meeqqanik inuusuttunillu atugarliulernissamut navianartorsiortut aalajangersimanerusumik najugaqarsinnaallutik. Meeqqanut inissitanut 22-nut inissaqarpoq, ornittagarlu meeqqanut 50-inut inissaqarluni. Taavalu aamma sullissivik nunaqarfimmi Kapisilinni illuuteqarpoq, taanna suliniutinut feerianullu atorneqartarpoq.

Sullissivik Mælkebøttecenteret pillugu annertunerusumik uani www.mb.gl/ka atugaqarsinnaavutit.

Qinnuteqaat

https://www.curia.dk/ledige-stillinger?jobid=21192

Qinnuteqarfissaq kingulleq: 16. august 2020

Uatsinnut apeqqutissaqaruit Associate Partner Bo Prangsgaard oqarasuaat +45 2211 8110-mut imaluunniit siunnersortaaneq Morten Mønster oqarasuaat +45 2224 8295-mut attavigisinnaavatit.