Skip to main content
88

SULLISSIVIK MÆLKEBØTTECENTERIMI KALAALLIT NUNAANNI NUUMMIITTUMI PIGINNAANNGORSAANERMUT INERIARTORTITSINERMULLU PISORTAQ

Aqutsisutut perorsaanermillu misilittagaqarluarpit? – aammalu Kalaallit Nunaanni meeqqat inuusuttullu atugaannik allanngueqataajumavit? 

Atorfik

Piginnaanngorsaanermut Ineriartortitsinermullu pisortatut atorfimmi nutaami sulileruit pisortap ataani pisortaqatigiinnut ilaalissaatit. Ilisimasanik piginnaanernillu ineriartortitsinermut qitiusumi ingerlatsivik akisussaaffigilissavat, taamaalillutillu ilisimasanik piginnaanernillu ineriartortitsinermut qitiusumi ingerlatsiviup ulluinnarni aqunneqarnera pingaarnertut akisussaaffigilissallugu. Tamatuma ataani inissisimapput immikkoortortat tassaasut; Mælkebøtten, najugaqatigiiffiit tarnillu pissusaatigut siunnersuisarfik.

Piginnaanngorsaanermut ineriartortitsinermullu pisortap nutaap suliassai siammasipput ilaatigullu makkuullutik:

 

 

Akisussaaffippit suliassavillu malitsigisaanik isumaqatigiissutit, malittarisassat, inatsisit il.il. Sullissivik Mælkebøttecenterimut attuumassuteqartut paasisaqarfigilissavatit.

Suliniutivit inerneri ilaatigut tassaassapput perorsaariaatsimik atuuttumik aqutsisunillu siunersioqateqartarnermik ineriartortitseqqinneq suliffeqarfimmilu sulianut tunngasunik sulisunik ulluinnarni oqaloqateqartarneq. Taavalu aamma pisortaq peqatigalugu ataavartumik ataqatigiissaarineq suliarissavat.

Suliassat siammasipput, taamaattumik piffissani nikerartuni sulisarnissat piareersimaffigissavat.

 

Piginnaanerit ujartukkat

Sullissivik Mælkebøttecenterimut assingusunik sulialinni sulisimanermut uppernarsaasinnaanissat aammalu suliniaqatigiiffimmi suliffeqarfimmiluunniit aqutsisutut sulisinermik misilittagaqarluartuunissat naatsorsuutigineqarpoq. Pineqartut tassaasinnaaput suliniaqatigiiffimmi atorfimmut tulluartumik inooqataanikkut perorsaanermi sulisimaneq, ilinniakkat il.il.

Ilinniakkap suunera apeqqutaavallaangilaq, immaqali avaqqunneqarsinnaanani isumaginninnerup, peqqissutsip, ilinniartitaanerup perorsaanerulluunniit tungaatigut ilinniagaqarsimanissaq. Imaassinnaavoq ilinniakkap qaavatigut aqutsisutut ilinniaqqissimanermut allagartaq imaluunniit qaffasinnerusumik ilinniaqqissimanermut allagartaq.

Meeqqanik inuusuttunillu atugarliulernissamut navianartorsiortunik sullissisimanermit misilittagaqarnissaq ilisimasaqarnissarlu iluaqutaalluinnassaaq.

Piginnaanngorsaanermut Ineriartortitsinermullu pisortatut sulinerni aqqutissanik tikkuussisuussaatit, ersarissumik pissutsillu atuuttut aallaavigalugit aqutsinikkut suleqatitit piginnaaneqalernissaannik ikiussallugit. Taamaaliornermi tatigeqatigiinneq, aalajaatsuuneq, uppernassuseqarneq ataqqeqatigiinnerlu qitiutillugit perorsaanikkut sulineq pillugu oqaloqatigiittarneq atorneqartassaaq. Naatsorsuutigineqarpoq imminut ilisimaarilluarnissat, tassunga ilaallutik nammineq naleqartitat isummertaatsillu suunerinik ilisimaarinninneq.

Aamma aqutsisutut sulinerup suuneranik paasisimasaqarluartuussaatit, pitsaasumik uppernassusilimmillu attaveqarsinnaassuseqarlutit qanorlu iliorlutit allanik kaammattuisinnaanermik paasinnissimassallutit. Suleqatigiinneq naalakkersuinermillu sulialinnut attaveqarnermik piginnaaneqarnissaq pingaartippat.

Inuttut uummaarissuuvutit, avatangiisernut ammasuullutit imminullu tatigalutit. Qungujunnartunut tappissuuvutit soorunalumi aamma illit piginnaanernik allanut tunniussinissat qunuginagu. Pisussaaffinnut tunniusimasuuvutit ataatsimoorlunilu anguniakkap anguneqarnissaa qulakkeerniarlugu pisussaaffiit sippulaarlugit sulisinnaassuseqarlutit. Taavalu aalajangersimasumik ilusilimmik aaqqissuulluakkamillu sulisarputit, sukumiisumillu sulisarlutit. Naak pisut tatisimaneqarnermik kingunillit takkuteriataartaraluartut uppititassaanngilatit pisullu tamakkiisumik takusinnaallugit, pisunilu ajornartoorfiusuni sapiissuseqarnerit, tatiginassutsit pinertussutsillu takutittarpat.

Aqutsisoqatigiit, pisortaq ilanngullugu, unammillersinnaassavatit. Pissutsinik iluarsiiniarluni isornartorsiuineq (pingaartumik nuanniissinnaasumik isornartorsiuineq) akorsinnaasariaqarpat isummerfigisinnaasariaqarlugulu, suliffeqarfimmilu namminersortumi sulinerup nassatarisaanik unammilligassat akorsinnaasariaqarpatit ineriartorteqqillugillu.

Naatsorsuutigineqarpoq soqutiginnilluarnissat aallartitsiumatuujunissallu aammalu illup naleqartitaanik siammarterisuunissat.

Pitsaasumik allanut attaveqarnermik pilersitsisarneq pissusissamisuuinnartutut isigaat, taamaalillutit suliffeqarfimmi suliffeqarfiullu avataani suleqatinik suleqatiginnilluarneq angusarlugu.  

Kalaallisut qallunaatullu marluinnik oqaaseqartuunissat kissaatigaarput, tamannali pinngitsoorani piumasaqaataanngilaq. MSOffice-pakkemik atuisutut misilittagaqassaatit.

Pinerluuteqarsimannginnermut aammalu meeqqanik pinerliisimannginnermut uppernarsaat takutissavat atorfeqarnernilu attatiinnassallugu.

Pissarsiassatit

Piginnaanngorsaanermut Ineriartortitsinermullu pisortatut meeqqat inuusuttullu inooqataanikkut navianartorsiortut atugaannik allanngueqataanissamut periarfissaqarputit, taamaaliornikkut sullitat taakku siunissami inuuneriligassaannik allanngueqataallutit. 

Avatangiisit isumassarsiorfiusut suliallu tungaatigut ineriartorfiusut peqataaffiginissaannut periarfissaqarputit. Tassunga ilanngullugu suleriaatsip qanoq issusianut sunneeqataasinnaassaatit. Suliami inuttullu unammillernartumi sulilernissamik, isumagissaarfiullunilu avatangiisini ineriartortitsisuni sulilernissarnik neqeroorfigaatsigit, taavalu pisortaq qanimut suleqatigilissallugu.

Ulluinnarni sulineq soqutiginartoq aqqutigalugu suliamut inuttullu piginnaasavit ineriartorteqqinnissaanut periarfissaqassaatit, pikkorissarnernut ilinniaqqinnernullu suliamut naleqquttunut peqataasassallutit.

Ilaatigut pigisanik assartuineq neqeroorutigaarput, atorfimmullu atatillugu inissaqartitsisoqarluni.

Suliffeqarfik

Sullissivik Mælkebøttecenteret suliffeqarfiuvoq namminersortitaq, aningaasaateqarfittut nalunaarsorsimasoq. Inunnit namminersortunit suliniutaavoq, siulersuisuniippullu Nuummi Rotary Club, Nuummi Lions Club, Sulisitsut aammalu Kommuneqarfik Sermersooq. Siunertaavoq meeqqat inuusuttuaqqallu pingasuniit 17-inut ukiullit, angerlarsimaffiup avataanut inissinneqarsimasut, sumiginnagaasimasut, atugaasa pitsanngorsaavigineqarnissaat kiisalu sumiginnaasoqaannarnissaata pitsaaliorneqarnissaa.

Sullissivik Mælkebøttecenteret aningaasat katersukkat atorlugit pilersinneqarsimavoq, ingerlanneqarneralu kommunit sullinneqarnerminnut akiliutaannit aningaasalersorneqarluni. Sullissivik Mælkebøttecenteret maannakkut makkuninnga immikkoortortaqarpoq, allaffeqarfik, Mælkebøtten, meeqqanik inuusuttunillu atugarliulernissamut navianartorsiortunik misissueqqissaartarfik ulloq unnuarlu najugaqarfiusoq kiisalu ornittagaq meeqqat iggaviata inissisimaffia. Sullissivik Mælkebøttecenteret aamma marlunnik najugaqatigiiffittaqarpoq, tassani meeqqanik inuusuttunillu atugarliulernissamut navianartorsiortut aalajangersimanerusumik najugaqarsinnaallutik. Meeqqanut inissitanut 22-nut inissaqarpoq, ornittagarlu meeqqanut 50-inut inissaqarluni. Taavalu aamma sullissivik nunaqarfimmi Kapisilinni illuuteqarpoq, taanna suliniutinut feerianullu atorneqartarpoq.

Sullissivik Mælkebøttecenteret pillugu annertunerusumik uani www.mb.gl/ka atugaqarsinnaavutit.

Qinnuteqaat

https://www.curia.dk/ledige-stillinger?jobid=21193

Qinnuteqarfissaq kingulleq: 16. august 2020

Uatsinnut apeqqutissaqaruit Associate Partner Bo Prangsgaard oqarasuaat +45 2211 8110-mut imaluunniit siunnersortaaneq Morten Mønster oqarasuaat +45 2224 8295-mut attavigisinnaavatit.