Skip to main content
108

Dette jobopslag er udløbet

PSYKILOGITUT ILLINIAGAQARLUTIT NAAMMASSERLAAJUIT IMALUUNNIIT PSYKOLOGITUT SULILLUTIT AALLARTEQQAMMERPIT?

Periarfissaq atoruk, misigisaqarit, sulinissamut akuersissummik pissarsigit, meeqqat inuusuttuaqqallu sumiginnakkat inuunerissaarnerulernissaannut Mælkebøttecenterimi Nuummiittumi suleqataanikkut qulakkeerinneqataagit.

 

Sulifik
Mælkebøttecenteri Nuummi suliffeqarfiiuvoq imminut pigisuusoq, imikkuullarissumillu Nunatsinni meeqqanut inuusuttuaqqanullu sumiginnagaasimasunut misissuinernik aallutassanillu neqerooruteqartartoq.

Mælkebøtteceterimi psykologitut suliffeqarfiup psykologitut siunnersuisarneranut ilaassaatit, taamaaliornikkut inooqatigiinnikkut eqqarsartaatsikkullu Mælkebøttenimi taassumalu ataani ingerlatsivinni isumagisariaqartut aallunneqassallutik. Aaqqiissutissanik pitsaasunik sulisorisanut meeqqanut inuusuttuaqqanullu atuisuusunut iluaqutaasussanik ujartuinermi peqataassaatit.

Suliassatit pissanganartut pingaarnertut sisamanut agguagaapput:

  • Meeqqanik inissitanik tarnikkut misissuinikkut nalunaarsuineq
  • Meeqqat Mælkebøttecenterimut inissinneqarsimasut tarnikkut misissorneqarnerat nalunaarusiarineqarnerallu.
  • Meeqqat katsorsarneqarnerat
  • Meeqqat inuussuttuaqqallu Mælkebøttenimut najugaqarfinnulluunniit inissinneqarsimasut ataasiakkaarlugit ataatsimoortillugilluunniit katsorsarneqarnerannut tunngasunik suliassat.
  • Meeqqat katsorsarneqartut tamaasa pillugit katsorsarneqarnissaannut pilersaarutinik ataqatigiissaarineq
  • Katsorsaanissamut pilersaarusiorluni ataatsimiinnerit aaqqissuunnerat peqataaffiginerallu, meeqqat inissinneqarsimasut ataasiakkaat perorsaanikkut katsorsarneqarnissaannik pilersaarusiorfigineqarfiannik. Tamatumunnga katsorsaanissamik pilersaarutit nalilersuiffigineqarnerat ilanngullugu.
  • Sulisorineqartut nalilersueqatiginerat ilinniartinnerallu
  • Mælkebøttenip suliffeqarfiini sulisorineqartut ilinniartitaanerat piginnaanermikkullu ineriartortinnerat, pisariaqartillugulu nalilersueqatiginerat.

Tamakku saniatigut attaveqatigiinnermut tunngasunik Mælkebøttecenterillu taassumalu naleqartitaasa nittarsaanneqarneranni peqataanissamut piareersimassaatit.

 

 

 

Kinaavit
Cand.psych-itut  cand.pæd.psych-itulluunniit ilinniagaqarsimassaatit.

Atuagarsornikkut ilisimasaqassaatit meeqqanik inuussuttuaqqanillu inooqatigiinnikkut atugarliorsimasunik sullissinermik misilittagaqaruit ajunnginnerpaajussaaq, aamma suliarineqartussatut eqqartukkanut tunngasunik ilisimasaqassaatit misilittagaqarlutilluunniit.

Inuttut ammasuunissat, alapernaatsuunissat piumassuseqarluartuunissallu aamma ilinniartuuninni suliffeqarsimanissat/suliffeqarnerit, piumassutsinnik suliaqarnerit allatulluunniit tunniusimalluarlutit aallutaqarnissat pingaartitaraarput.

Naatsorsuutigineqarpoq tatigineqarsinnaassasutit, aalajaatsuussasutit tatiginartuullutillu. Nammineersinnaassusseqarputit, isumassarsiullaqqillutit akunnattuujuitsuullutillu, ilisimasat tunngavigalugit tunngavilersuisinnaallutit. Iliuuseqarusuttuuvutit, sapiissuseqarlutit pissutsinillu nalilersuisinnaalluarlutit.

Allanik kajungilersitsisarputit tamanillu paasineqarsinnaasumik apuukkusutatit oqaatigisinnaallugit. Suleqatikkuminartuuvutit naatsorsuutigineqarporlu uippalleqqajaasuunnginnissat, ajornartorsiorfiusuniluunniit paatsiveruteqqajaassanak uteriitsuussasutit. Minnerunngitsumillu meeqqat inuusuttuaqqallu iluaqutissinniarlugit sulerusupputit.

Kalaallisut danskisullu oqaaseqaruit iluaqutaassaaq tamannali piumasaqaataanngilaq.

Pinerluuteqarsimannginninnut meeqqanillu atornerluisimannginninnut upernarsaatit, taamaaginnartussaatitaasut takutissavatit.

 

Makku pissarsiarissavatit
Sulilerninni immikkuullarissumik aallartiffissarsissuutit, Kalaallit Nunaanni meeqqanut inuusuttuaqqanullu iluaqutaasinnaasunik suliniarnermi, suleqatigiit isumassarsiullaqqissut ineriartortullu  pingaaruteqarlutit ilagilissavatit.

Atorfinittussaq sulinermini suleqatit qiimasut, naamassisaqarusuttut inerisaasullu akornanni aqqusaagassaqarpoq imaannaanngitsunik sulinermini inuttullu. Suliaminnut ilisimasaqarluartunik suleqateqalissaatit siunersiueqatigisinnaasannik tamakkulu saniatigut pitsaasumik ilitsersorneqarsinnaassallutit. Mælkebøttecenterip pisortaa psykologitut ilinniagaqarpoq sivisuumik Kalaallit Nunaanni sulianik misilittagaqartoq.

Mælkebøttecenteri siusinnerusukkut psykologitut ilinniarlutik naammasserlaat suliffigisaattut siullertut pitsaasunik misigisitsisarnermik misilittagaqarluartuuvoq. Mælkebøttecenteri suliassannut tunngasutigut ilitsersorneqarnissamut periarfissiivoq.

Sulianut tunngasutigut namminerlu illit inuttut ineriartortitseqqinnissat piumasaqaataavoq, ilaatigut ulluinnaat pissanganartut aamma pikkorissarnerit suliamullu tunngasutigut ilinniaqqinneq aqqutigalugit. Suliamut allagartartaarnissat kissaatigigukku tamanna periarfissaqarpoq.

Atorfimmi suliamut tungasutigut misilittagaqarlualernissaq periarfissaqarluarpoq. Piaartumik, soorunami isumaqatigiissutit naapertorlugit, akisussaaffimmik annertuumik aallutaqalissaatit, taamaammallu piaartumik annertuunik sukumiisunillu misilittagaqalissaatit.

Atorfininnermi pequtit assartorneqarnerannut akiliussisoqarsinnaavoq, atorfimmullu atasumik inissaqartitsisoqassalluni.

 

Qinnuteqarfissaq
Qinnuteqarnissamut killigitinneqartoq: Piaarnerpaamik

Apeqqutissaqaruit Associate partner Bo Prangsgaard oq. +45 2211 8110 imaluunniit Chefkonsulent Morten Mønster oq. +45 2224 8295 attavigineqarsinnaapput.

Søg stillingen