Meeqqat Inuusuttullu Illuat Mælkebøtten tullersortimik ataatsimik sulisunillu marlunni piffissaq tamaat sulisussanik, piaartumik imaluunniit isumaqatigiissuteqarneq malillugu sulisussanik, pissarsiorpoq.

 

Mælkebøttecentret pillugu paasissutissat

Mælkebøttecentret suliffeqarfiuvoq imminut pigisoq, tassanilu immikkoortortat tassaallutik Meeqqat Inuusuttullu Illuat Mælkebøtten, najugaqarfik Ilasiaq, najugaqarfik Allu allaffissornermillu suliaqarfik. Suliatsinni isumaginninnikkut perorsaanikkut siunertaq tassaavoq meeqqanut inuusuttuaqqanullu sumiginnagaasimasunut atugassarititaasunik pitsanngorsaanissaq tassuunalu sumiginnaanermik annertunerusumik pisoqaqqissinnaaneranik pinaveersaartitsinissaq.

 

Suliatsinni anguniakkat pingaarnerpaat ilaat tassaapput:

 

• Ileqqutoqqanik qaangiisunik pilersitsinissaq
• Imminut toquttarnermik pinaveersaartitsineq
• Kinguaassiuutitigut atornerluinermik pinaveersaartitsineq
• Inuusuttut akornanni pinerlunniartarnermik pinaveersaartitsineq

 

Mælkebøttenip siunertaa tassaavoq meeqqanut inuusuttunullu illumut orniguttartunik sammisassaqartitsinermi neqeroorutinik pitsaanerpaanik qulakkeerinneqataanissaq.

Meeqqat nukittorsarneqassapput ulluinnarni inuunerminnik isumaginninnissamut pikkorinnerulersillugit ileqqutoqqanillu siornatigut atugarisimasanik qaangiisinnaalersillugit. Mælkebøttenimi ileqqutoqqanik qaangiisunik pilersitseqataarusuppugut, tassa meeqqani peroriartornerminni atugarliorsimagaluarlutik aggerfigisaminnit ileqqutoqqanik qaangiisunik – ilinniagaqartunik, ilaqutaqalersunik inuunermillu nalilimmik ingerlataqalersunik.

 

Perorsaanikkut siunnerfigineqartoq tassaavoq meeqqat ataasiakkaat timikkut tarnikkullu atugarissaarnissamut periarfissamik pitsaanerpaamik neqeroorfigisinnaanissaat, nammineq periarfissat aqqutigalugit ilorrisimaarsinnaaqqullugit ineriartorsinnaaqqullugillu.

 

Mælkebøtten meeqqanut inuusuttunullu inuunermik imaqarluartumik pilersitsinissamik kissaateqarpoq. Meeqqat naleqartitanut pitsaanngitsunut sumiiffinni allani immaqa misigisartagaannut taarsiullugu naleqartitanik pitsaasunik tuninissaat kissaatigaarput. Inuttut naleqassutsimik misigisimanerannik imminnullu tatiginerannik ineriartortitserusuppugut pitsaasumik peqatiginerisigut pinnaanerinillu nassaarniarluta, nersualaarneqaatigisassaannik nukittorsassallugillu kaammattorneqaatigisassaannik. Nuannaarnermik misigisaqassapput allanik pitsaasumik peqateqarnermikkut.

 

Meeqqanut Mælkebøttenimut inissinneqarsimasunut siunertaq tassaavoq, meeqqap attaveqarfii peqatigalugit inooqatigiinnikkut/isumaginnikkut tarnikkullu qulaajaanermik suliaqarnissaq, tamakkiisumik isiginnittumik inisseeqqinnissaq pitsaanerpaaq nassaariniarlugu.

 

Tullersortip suliassai

Tullersorti aqutsisoq suleqatigalugu illumi anguniakkat, takorluukkat naleqartitatigullu tunngaviit ineriartortinneqarnerinut eqeersimaartumik suleqataassaaq. Tamatuma saniatigut tullersorti aqutsisoq suleqatigalugu Mælkebøttenimi ulluinnarnik aqutsinermik isumaginnissaaq, meeqqanut inissinneqarsimasunut toqqissisimanermik isumassuinermillu kiisalu sullivimmi avatangiisinik pitsaasunik qulakkeerinnissalluni. Tassunga ilaapput kommunimi isumaginninnermik ingerlatsivimmi suliamik ingerlatsisunut attaveqarneq ataqatigiissaarinerlu.

 

Tullersortip qaninnerpaamik qullersarisaa tassaavoq aqutsisoq. Pineqartoq sulisunut sulinermi atugassarititaasunik pitsaanerpaanik inuusuttunullu illumi najugaqartunut sammisassatigut neqeroorutinik pitsaanerpaanik qulakkeerinneqataassaaq.

 

Suleqataasup suliassai

Suleqataasoq aqutsisut sulisullu sinneri suleqatigalugit Mælkebøttenip atuuffiini ulluinnarni suliassat naammassineqarnissaannut ataqatigiissaarneqarnissannullu qulakkeerinneqataassaaq.

Suleqataasoq aqutsisut, illumi sulisut sinneri suleqatillu avataaneersut suleqatiginissaannut piareersimassuseqassaaq kiisalu ineriarortitsinermik suliamut Mælkebøttenip atuutilersinnissaa nalilersuiffiginissaalu siunertaralugit aallartinneqarsimasumik eqeersimaartumik suleqataassalluni.

 

Naatsorsuutigaarput

Naatsorsuutigaarput ilinniakkamik attuumassutilimmik tunuliaqutaqartutit aamma meeqqanik inuusuttunillu sullitaqarluni sulinermit misilittakkanik tunngaveqartutit. Pinngorartitsillaqqissuuvutit, unneqqarissuullutit, tatiginartuullutit kiisalu suliffissat nikerartuunissaannut piareersimallutit, aaqqiagiinngissutinik isumaginninnissamut ajornartorsiutinillu aaqqiiniarnissamut sapiissuseqarlutillu piginnaaneqartutit. Tamatuma saniatigut Mælkebøttecenterip anguniagaanik siunertaanillu pingaartitsisuuvutit.

 

Neqeroorutigaavut avatangiisini pinngorartitsiviusuni suliatigullu ineriartornartuni peqataanissaq, sumiiffimmi sulinermut kulturimut sunniuteqaqataanissamut periarfissaqartitsisoq. Suliassatigut atorfik unammilligassaqarfiusoq kiisalu Mælkebøttenimi najugaqarfinnilu sulisut sinnerinik suleqateqarneq ineriartornartoq, pingaartumik suleqatigiiaakkuutaarluni suliffiusartoq, neqeroorutigaavut. Sulinermut aamma ilaapput qulequtaqarluni suliamut suliamut tunngasunik ataatsimiinnerit imaluunniit siunnersorneqarneq ulluinnarni ulluinnarni suleriaatsinut attuumassutilinnik sammisaqarfiusut.

 

Piginnaasat malillugit akissarsiaqartitsisoqassaaq inuttut isumaqatigiissuteqarnikkut. Mælkebøttecenterip aamma NPK-p akornanni isumaqatigiissut suleqataasunut perorsaasunullu atuutissaaq.

 

Atorfik pillugu paasissutissat sukumiinerusut pissarsiarineqarsinnaapput aqutsisumut Edith Nordbeckimut, oqarasuaat +299 36 21 11, mobil: +299 56 24 52 imaluunniit e-mail: nordbeck@mb.gl aqqutigalugit saaffiginninnikkut.

 

Qinnuteqaat uppernarsaatinik attuumassutilinnik (soraarummersimanermut uppernarsaatinik il.il.) ilaqartillugu uunga nassiunneqassaaq: info@mb.gl Qinnureqaatit ingerlaavartumik suliarineqassapput, oqaloqatiginninnerillu taamatuttaaq ingerlaavartumik ingerlanneqassallutik. Taamaattumik qinnuteqaatit ajornanngippat piaarnerpaamik nassiukkiuk.