Skip to main content
102

Dette jobopslag er udløbet

Mælkebøtten Meeqqat Inuusuttullu Illuanni Perorsaasutut sulisunik marlunik ammalu sinniisutut sulisumik sulisussarsiorpugut

Mælkebøttenimi Meeqqat Inuusuttullu Illuat piaartumik imaluunniit 1. januari 2021 atorfinittussanik tamakkiisumik sulisunik marlunnik sulisussarsiorpoq.

 

Mælkebøttecentret suliffeqarfiuvoq imminut pigisoq, Meeqqat Inuusuttullu illuata saniatigut tassaniipput najugaqarfik Ilasiaq, najugaqarfik Allu kiisalu allaffeqarfik. Sulinitsinni perorsaanermi siunertarput tassaavoq meeqqat inuusuttuaqqallu sumiginnagaasimasut atugaat pitsanngorsassallugit sumiginnagaaqqinnissaallu pinaveersaassallugu.

 

Mælkebøttenip siunertaraa meeqqat inuusuttuaqqallu illumut orniguttartut pitsaanerpaamik sammisaqartinneqarnissaannut peqataassalluni. Aamma isumaginninnikkut siunertaasoq tassaavoq meeqqat inuusuttuaqqallu atugaat pitsanngorsassallugit tamatumuunakkullu suli sumiginnagaaqqinnissaat pinaveersaassallugu.

 

Mælkebøttenimi anguniakkat pingaarnerit ilaat

  • Atukkaminnik allannguisunik pilersitsissalluni
  • Imminut toquttarnermik pinaveersaartitsissalluni
  • Kinguaassiutitigut atornerluinermik pinaveersaartitsissalluni
  • Inuusuttuaqqat pinerlunniartarnerat pinaveersaartissallugu

 

Meeqqat nukittorsarneqassapput atukkaminnik nammassinnaannerulersillguit atugarliorsimanerminnillu qaangiisinnaalersillugit. Mælkebøttenimi atukkaminnik allannguisunik pilersitseqataarusuppugut (Mælkebøttenip meerai), tassa artornartumik peroriartorsimagaluarlutik atukkannik allannguissunik – ilinniagaqarlutik, ilaqutaqalerlutik ataqqinartumillu inuuneqalerlutik.

 

Perorsaanermi siunertaasoq tassaavoq meeqqat ataasiakkaat timikkut tarnikkullu atugarissaarnissaannut neqeroorfigissallutik taamaalillutik namminneq nukitik atorlugit ingerlalluarsinnaanersillugit ineriartorsinnaalersillugillu.

 

Sulinermi toqqammaviit pingaarnerit tassaassapput oqaloqatigiinneq, inuttut ataqqeqatigiinneq aaqqiagiinngissutinillu aaqqiisinnaassuseq – tamatumanilu meeqqat ilinniartissavavut annersitsineq atornagu oqaatsiminnik atuisinnaanngortillugit, Mælkebøttenimimi kikkut tamarmik inissaqassapput. Tassaniissapput inersimasut tatigineqarsinnaasut, inersimasut timikkut tarnikkullu najuuttut aammalu oqalunnissamut, naalaarnissamut nuannisarnissamullu piffissaqartut.

 

Meeqqanut inuusuttuaqqanullu inuunermik imartuumik pilersitsinissaq Mælkebøttenip kissaatigaa. Pingaartitanut pitsaanngitsunut immaqa allani nalaattagaannut taarsiullugu meeqqat pingaartitanik pitsaasunik tunissallugit kissaatigaarput. Imminut ataqqinerat tatiginerallu ineriartortissavavut pitsaasumik peqatiginerisigut nukissaasalu nassaarinerisigut, taakkulu pillugit akuerineqassapput nukittorsaanissaminnilu kajumissaarneqassallutik. Allanik peqateqarnerup nuannissusia misigissavaat.

 

Naatsorsuutigaarput
Sulisoq aqutsisunik sulisunillu allanik suleqateqarluni Mælkebøttenimi ulluinnarni suliassanik naammassinneqataassasoq ataqatigiissaareqataassasorlu. Sulisup piareersimaffigissavaa aqutsisunik, illumi sulisunik allanik kiisalu avataani suleqatinik peqateqarluni Mælkebøttenip timitaliivigineqarnissaa nalilersuiffigineqarnissaalu siunertaralugu ineriartortitsinermut aallartinneqarsimasumut peqataassalluni.

Tamatuma saniatigut sulisoq meeqqat inuusuttuaqqallu Mælkebøttenimik atuisut pitsaanerpaanik sammisaqartinneqarnissaannut peqataassaaq kiisalu toqqissisimanermik isumassuinermillu tunniussisinnaassuseqassalluni. Naatorsuutigaarput suliatigut naleqquttumik tunuliaqutaqartutit aammalu meeqqanik inuusuttuaqqanillu sullissinermik misilittagaqartutit, nutaaliorsinnaasutit, tunniussimasuusutit tatiginartuullutillu kiisalu piffissat suliffiusut allanngorartut piareersimaffigissagitit, aaqqiagiinnginnernik ajornartorsiutinillu aaqqiiniarnissamut sapiissuseqarlutillu piginnaaneqartutit, suliamillu assut pingaartitsisuusutit. Aamma kissaatigaarput marluinnik, tassa danskisut/kalaallisut oqaaseqassasutit, tamannali immikkut piumasaqaataanngilaq.

 

Neqeroorutigaarput avatangiisini nutaaliorfiusuni suliatigullu ineriartorfiusuni peqataassasutit, suliffimmilu sulinermi ileqqunut sunniuteqaqataanissamut periarfissaqassasutit. Neqeroorutigaarput suliffik suliatigut unammillerfiusut aammalu Mælkebøttenimi najugaqarfinnilu annermik suleqatigiikkuutaarfiusuni sulisunik allanik suleqateqarneq aaqqissuulluagaallunilu ineriartorfiusoq.

Aamma sulinermut ilaassapput suliat pillugit qulequtaqarluni ataatsimiittarnerit imaluunniit ulluinnarni sulinermut atasunik oqilisaateqatigiittarnerit.

Piginnaasat naapertorlugit akissarsiaqartitsisoqassaaq – inuttut nammineq isumaqatigiissuteqartoqarsinnaavoq imaluunniit isumaqatigiissutit atuuttut atorneqarsinnaallutik. Nunatsinni Perorsaasut Kattuffiata isumaqatigiissutai perorsaasunut atorneqassapput. Atorfimmut atasumik inissaqartitsisoqarsinnaavoq.

 

Atorfik pillugu allagarsiussaq tamaat uani atuaruk www.mb.gl

 

Atorfik pillugu paasissutissat sukumiinerusut pissarsiarineqarsinnaapput saaffigalugu aqutsisuugallartoq Glen Svendsen, Tlf. +299 36 21 11, mobil: +299 24 88 35 imaluunniit e-mail: svendsen@mb.gl.   

 

Qinnuteqaatit, innersuussutit, soraarummeernermit uppernarsaatit allallu uunga nassiunneqassapput info@mb.gl imaluunniit uunga Mælkebøttecentret, Postboks 1335, 3900 Nuuk, uatsinnit tiguneqareersussanngorlugit ulloq 7. decemberi 2020. Allakkat qaatiguuleqquneqarput ”Mælkebøttenimut qinnuteqaat”.