Skip to main content
107

Dette jobopslag er udløbet

Mælkebøttecenterimi najugaqarfik Allu Suleqataasussanik marlunnik pissarsiorpoq

Najugaqarfik Allu inuusuttuaqqanut isumaginninnikkut atugarliortunut arfinilinnut inissalik piffissaq tamaat suleqataasussanik marlunnik piaartumik sulilersussanik sulisussarsiorpoq. Qinnuteqaatit ingerlaavartumik suliarineqassapput.

 

Piginnaasat malillugit aningaasarsiaqartitsisoqassaaq – inuttut isumaqatigiissuteqarneq tunngavigalugu imaluunniit isumaqatigiissutit atuuttut malillugit. NPK-mut isumaqatigiissut perorsaasunut perorsaanermillu ilinniagaqarsimasunut allanut, assersuutigalugu socialassistentinut, inunnik isumaginninnermi siunnersortinut imaluunniit meeqqat atuarfianni ilinniartitsisunut, atuutissaaq.

 

Piffissat suliffiusut ulloq unnuarlu kaajallallugit piffissanut atuupput, assersuutigalugu unnukkut, unnuakkut, sapaatip-akunnerisa naanerini nalliuttunilu. Tamatumunnga isumaqatigiissutit atuuttut malillugit tapisiaqartitsisoqartassaaq.

 

Atorfimmut inissaqartitsisoqarsinnaassaaq.

 

Mælkebøttecentret suliffeqarfiuvoq imminut pigisoq, tassanilu immikkoortortat tassaallutik Meeqqat Inuusuttullu Illuat Mælkebøtten, najugaqarfik Ilasiaq, najugaqarfik Allu allaffissornermillu suliaqarfik. Suliatsinni isumaginninnikkut perorsaanikkut siunertaq tassaavoq meeqqanut inuusuttuaqqanullu sumiginnagaasimasunut atugassarititaasunik pitsanngorsaanissaq. Aaqqissugaanermi suliniutini siunertarineqarpoq sumiginnaanermik annertunerusumik pisoqaqqissinnaaneranik pinaveersaartitsinissaq.

 

Anguniakkat pingaarnerpaat ilaat tassaapput ileqquliutiinnakkanik qaangiisunik pilersitsinissaq, imminut toquttarnermik pinaveersaartitsinissaq, kinguaassiuutitigut atornerluinermik pinaveersaartitsinissaq kiisalu inuusuttuaqqat akornanni pinerlunniartarnermik pinaveersaartitsinissaq.

 

Najugaqarfimmi siunertarineqartoq tassaavoq angerlarsimaffimmik avatangiisinik toqqissisimanartunik aalajangersimasunillu pilersitsinissaq, sumiiffimmik inuunerup imarisaata pinngorartitsisinnaanerullu inuusuttut ineriartornerisa ilutigisaannik sikkerarfigisinnaasaannik, illumik inoorusussutsimik sapiissuseqarnermillu imaqartumik pilersitsinissaq.

 

Najugaqarfimmit inuusuttuaqqat nukittorsarneqassapput ulluinnarni inuunerminnik isumaginninnissamut pikkorinnerulersillugit ileqqutoqqanillu siornatigut atugarisimasanik qaangiisinnaalersillugit. Inuusuttut inuunermik imaqarluartumik tunerusuppavut. Inuusuttut kaammattortassavavut, nersualaartassavavut kajumissuseqalersittassallugillu, ajornartorsiummik aaqqiissuteqarfiginninnerup akornutissamilluunniit ajugaaffiginninnerup ajugaaneruneranik misigisaqartissinnaanngorlugit.

 

Anguniakkallu pingaarnerpaat ilaat tassaassapput:

  • Inuusuttuaqqanut ataatsimooqatigiiffimmik peqqinnartumik pilersitsinissaq
  • Inuusuttut inuunerminni eqqissisimanermik patajaassusermillu tunineqarnissaat
  • Ileqqutoqqanik qaangiisunik pilersitsinissaq
  • Inuusuttut inooqatigiinnikkut suliassatigullu unammilligassanik qanoq iliuuseqarfiginnissinnaanermik ilikkagaqartinnissaat
  • Kinaassuseqarnermik misigisimanermik pilersitsinissaq
  • Inuunermi ingerlallualersarnerit nakkartarnerillu saperunnaarnissaannut sakkussaannik tuninissaat sammisassat soorlu timersorneq, silamiinneq, angerlarsimaffimmi pisussaaffiit pinngorartitsisinnaanerlu, soorlu nipilersorneq, aqqutigalugit
  • Atuarnermik naammassinninnissaat ilinniakkamillu aallartitsinissaat

 

Inuusuttuaqqat nukittorsarneqassapput ulluinnarni inuunerminnik isumaginninnissamut pikkorinnerulersillugit ileqqutoqqanillu siornatigut atugarisimasaannik qaangiisinnaalersillugit. Mælkebøttecenterip najugaqarfiini ileqqutoqqanik qaangiisunik (Mælkebøttebørn) pilersitseqataarusuppugut, tassa meeqqanik peroriartornerminni atugarliorsimagaluarlutik aggerfigisaminnit ileqqutoqqanik qaangiisunik – ilinniagaqartunik, ilaqutaqalersunik inuunermillu nalilimmik ingerlataqalersunik.

 

Siunnerfigineqartut

Najugaqarfimmi siunnerfigineqartut tassaapput nukappiaqqat niviarsiaqqallu 12-init 15-inut ukiullit, aallaavittut najugaqarfimmi 18-iliinissartik tikillugu najugaqaannarsinnaasut, taamaattorli 23-nik ukioqalernissamik tungaannut sivitsuinissamut periarfissaqartinneqarlutik.

 

Periuseq

Mælkebøttecenterip najugaqarfiisa sinnerini periuseq najugaqarfimmut nuunneqassaaq, tamatumanilu ulluinnarni perorsaanikkut sulineq aaqqissuunneqartassalluni perorsaanikkut najoqqutassanut sinaakkutissat aaqqissuulluakkat aallaavigalugit, tamatumanilu paasiuminassuseq, siumut nalunanngeriissuseq, erseqqissuseq, takussutissaqartitsisarneq uteqqiisarnerlu pingaarnertut tunngavigineqassallutik.

Tamatumunnga tapertatut attaveqarnermut attuumassuteqarnermullu atuagarsornikkut najoqqutassaneersut assigiinngitsut kiisalu avatangiisini katsorsaanermut periutsit eqikkassavavut.

Perorsaanikkut siunertarineqartoq tassaavoq inuusuttuaqqat ataasiakkaat imminnut inunnullu allanut akisussaanermik misigisimalernissamik neqeroorfiginissaat.

 

Najugaqarfiit timikkut eqqarsartaatsikkullu qaffasissussaat imaalillugit aaqqissuunneqassapput, meeqqat suliamut ilisimasallit pilersitaannik ”angerlarsimaffimmi avatangiisinik” isumassuinermik neqeroorutinillu meeqqat ataasiakkaat pisariaqartitaannut ineriartornissamullu periarfissaat malillugit naleqqussagaasunik imaqartunik misigisaqarsinnaalersillugit.

 

Sulinermi oqaatsit pingaartinneqartut tassaassapput oqaloqatigiinneq, inuttut ataqqeqatigiinneq aaqqiagiinngissutinillu qaangiiniartarneq – tamatumanilu inuusuttuaqqat ilinniartikkusuppavut unataanermut taarsiullugu oqaatsit atortarnissaannik, najugaqarfimmi kikkut tamarmik inissaqartinneqartussaammata. Tassani inersimasoqassaaq tatigineqarsinnaasunik, inersimasunik timikkut eqqarsartaatsikkullu najuuttunik, aamma oqaloqatigiinnissamut, tusarnaarnissamut nuannisarnissamullu piffissaqartunik.

 

Inuusuttuaqqanut inuunermik imaqarluartumik pilersitsinissamik kissaateqarpugut. Inuusuttuaqqat naleqartitanut pitsaanngitsunut sumiiffinni allani immaqa misigisartagaannut taarsiullugu naleqartitanik pitsaasunik tuninissaat kissaatigaarput. Inuttut naleqassutsimik misigisimanerannik imminnullu tatiginerannik ineriartortitserusuppugut pitsaasumik peqatiginerisigut piginnaanerinillu nassaarniarluta nersualaarneqaatigisassaannik nukittorsassallugit kaammattorneqaatigisassaannik. Nuannaarnermik misigisaqassapput allanik pitsaasumik peqateqarnermikkut.

 

Naatsorsuutigaarput

Suleqataasut aqutsisut sulisullu sinneri suleqatigalugit najugaqarfimmut ulluinnarni suliassat naammassineqarnissaannut ataqatigiissaarneqarnissaannullu qulakkeerinneqataassasut. Suleqataasoq aqutsisut, illumi sulisut sinneri suleqatillu avataaneersut suleqatiginissaannut piareersimassuseqassaaq kiisalu ineriartortitsinermik suliamut Mælkebøttecenterimi najugaqarfiup atuutilersinnissaa nalilersuiffiginissaalu siunertaralugit aallartinneqarsimasumik eqeersimaartumik suliaqaqataassalluni. Tamatuma saniatigut suleqataasut inuusuttuaqqanut najugaqarfimmi najugaqartunut sammisassatigut neqeroorutinik pitsaanerpaanik qulakkeerinneqataassapput kiisalu toqqissisimanerik isumassuinermillu pilersitsisinnaassallutik – taamaattumik sulisunik namminersorsinnaasunik, suliniuteqallaqqissunik pisussaaffinnillu naammassinnikkumassuseqarluartunik pissarsiorpugut, ajornanngippat pinngorartitsinerup timersornerulluunniit iluanni piginnaasalinnik.

 

Tamatuma saniatigut naatsorsuutigaarput, ilinniakkamik attuumassutilimmik tunuliaqutaqartutit inuusuttuaqqanillu sullitaqarluni sulinermit misilittakkanik tunngaveqartutit kiisalu suliffissat nikerartuunissaannut piareersimasutit, aaqqiagiinngissutinik isumaginninnissamut sapiissuseqarlutillu piginnaaneqartutit, suliamillu pingaartitsisutit. Ajornanngippat aamma marluinnik qallunaatut kalaallisullu oqaasiliunissat kissaatigaarput, tamannali piumasaqaataanngilaq.

 

Neqeroorutigaavut avatangiisini pinngorartitsiviusuni suliatigullu ineriartornartuni peqataanissaq, sumiiffimmi sulinermut kulturimut sunniuteqaqataanissamut periarfissaqartitsisoq. Suliassatigut atorfik unammilligassaqarfiusoq kiisalu Mælkebøttenimi najugaqarfimmilu sulisut sinnerinik suleqateqarneq ineriartornartoq, pingaartumik suleqatigiiaakkuutaarluni suliffiusartoq, neqeroorutigaavut. Sulinermut aamma ilaapput qulequtaqarluni suliamut tunngasunik ataatsimiinnerit siunnersorneqarnerlu ulluinnarni suleriaatsinut attuumassutilinnik sammisaqarfiusut.

 

Atorfik pillugu paasissutissat sukumiinerusut pissarsiarineqarsinnaapput Allumi immikkoortortaqarfiup aqutsisuanut Pilu Noahsenimut tlf. +299 362115 imaluunniit mail: noahsen@mb.gl aqqutigalugit saaffiginninnikkut. Mælkebøttecentret pillugu aamma tamatigut annerusumik atuagaqartoqarsinnaavoq nittartakkatsinni: www.mb.gl.

 

Qinnuteqaat oqaaseqaatinik, soraarummeersimanermut uppernarsaatinik il.il. ilaqartillugu uunga nassiunneqassaaq: info@mb.gl imaluunniit uunga: Mælkebøttecentret, Postboks 1335, 3900 Nuuk, kingusinnerpaamik sapaammi 22. december 2019 tiguneqareersimasussanngorlugu. Allakkat puuannut allanneqassaaq ”Ansøgning bo-enheden Allu”

 

Qinnuteqaatit oqaatigineqareersutut ingerlaavartumik suliarineqartassapput.